Pala 18

1 khere kha teɓzun manni mamirani, ta yo wala ma yi ɗimma ma poɗi ya rosso, 2 khere ta, "ti manni mina kham manni an khong wo a kyorigi Yamba, ɓiran a mungi gɓuɗe ti lenya. 3 Kham manni pomin mannaro muro ti talla mina, wo ɓaw wattu ɓini, muro ta, "balleno ni wo kyun rosso ti khu an ɓanneno.' 4 Kyumo Khere a mengi balleto ma kikhei ɓiran kha teani ta ɓong, ta 'Ni peno na yiji kyu ni Yamba, na mungi gɓuɗe lenya. 5 Pehp kha khei elenkhu pomin khei ɗita ɓoriɗona Na ballero ellenkhu muro weh kyun rosso, ni kyunmina kha para wattu ya ɓoriɗono." 6 Galang an minamu kha teɓ, ta ma kiri wo an kuzi khong miya wo a mun yaɓong ti Yamba ti ta Teɓani. 7 Mami Yamba ari anghe an men anni wo mikhe yi khi khui kha pikki muɗɗi khui wo mikhe yi khi? Ta yi yagha kha mirzun ya? 8 Ni ta tebma, ta anghezun, khumo, khumo makhi khei milan wo La-lenya wanna, ta weh an mun yaɓong ti khu pehbe?" 9 Kha waki khu mun manni mammirani ta piɗɗi wo mikhe meno kha khuzun ta mikhe an nyun rosso, mikhe ti yi ɓang khui ti piɗɗi lenya. 10 Lenya peeu roya ya mina ɗimma - polle Bafarise, polle ɓiran an kheb weh khuyel. 11 galang Bafarise kha kherani ta yi ɗimma ti khu peb wikke elenkhu ni, 'Yamba, Ni pammegho, ta na khizi issi lenya an palweh, kho mikhe wizi ya rosso, kha an jiro kho khizi miya khei an kheb weh khuyel. 12 Pehp son pelileu ni kheɓi pono so peleu. Ni mungi monni khu weh ni wau.' 13 ma kikhei an kheb weh khuyel kha tali kherigi, A meno kyokri khu ti gak, galang ti tukkhi fo rossoni, ti teɓbi, Yamba yi no tomon rosso, ne an yi wo ɗin.' 14 Ni ta teɓma, miya khei pengiro minna kha kyun rosso a khizi molle miya, elengkhu peb miya wo kyokro khuni, ta mero kha si yiel, ma kikhei peb mori khuni ta kyokreni," 15 Galan lenya kha watteni kha siɓɓa jana, elenkhu ma khere nabzun wo siɓɓa an poroni wau khi khei, galang kyol khumozun. 16 Ma kikhei Yeso kha yezun, ta "ma wossi siɓɓa yi titi ma wattu pino ma kha khaizun elenkhu ɗukte Yamba wozun. 17 Khulli ni ta tebma, Pehp miya wo kheb ɗukte ni Yamba khuzi La-yokol, Khulli hari rim." 18 Manni khoɓi tom lenya kha masni, ta an super an penajn, na yi ni wo na weh kigha wo kpa kpai?" 19 Yeso kha masni, ta ellenkhu ni khi yaweo an penan? angije an penan galang Yamba monni. 20 Khi peno paran ɓang wo teppo kha yi jiro, kha tuk kime, kha yi kiri kha yi mirpok kyaɓa, mun gɓuɗe ti dagho kha nagho. 21 Galang an khobi tom lenya, "Pehp wille ni you pekke ti ya la." 22 Yeso kirou kikhei, kha tebni, ta "wo monni khannegho, kheppegho ti ɓong khi pillu kha wo khi ɗin kha tai, khi khappina ti lenya wo wom kha tai, khira weh wo khira ti gak - panan khi wattu khi ɗattu ɓino." 23 Ma kikhei an kpaɗa jiro khi khei, Galang kho kpan ya ɓongni kha ɓung, elenkhu khere an kpaɗa kha ɓung. 24 Yeso wau ya ɓongni kpano, kha teɓani, tya "Ta yi wang an wo khira riya ɗukte ni Yamba! 25 Ta khobi khui telu ri ti kokko tulan yiri ti khu wo an kpaɗa ta riya ɗukte ni Yamba." 26 Lenya wo kirou paro khei mikhe ta, "In ma kikhei annon ta miri kha mir khui?" 27 Yeso menezun, ta, "Wo khopo ɓang miya wo yo wan ti pini Yamba." 28 Galang Bitrus, ta, "Mani mun wosso wo khira mun mu kha khettu pigho. 29 Yeso tebzun ta kikhei anghe ye miya wo wossi mina, kho manni kho Dahni kha nani, kha molli kho khama siɓɓa elenkhu ɗukte Yamba, 30 Ari weh khaɓun khaɓun ti khu pehbe, khei kha kigha wo kpa-kpai wota wattu." 31 Ya pi wo kauwezun gɓummo tura pelleu kha tebzun, "Ɓano mun ɗita mere wo wor Urhslima, Pehp weh wo ɓallu ti khu La lenya ti khira anɗobparo ɗiwou. 32 Ta munni ta khira lenya, tiyi takpok, ta nyaleni, ta pussi eret. 33 Mikhe ta yi ni dan yal.............." 34 Ma kikhei mikhe a peni kho monni ti wikk wo ta teɓani, elenkhu wo ta teɓani tukkani ti pizun, mikhe a peni wo ta teɓani. 35 Wo khere nepna Yeriko, ɓani manni an pugum ɗigi ti fo kokko ɗita ɗimma, 36 Ji kawan lenya ta khoɓani galang kha maza ta awine? . 37 Mikhe tebni Yeso Banazarat ta khoɓani. 38 Galang an pugum kha kyokri ele kha ɓang, ta "Yeso Lahni Dauda yi no kyunrosso." 39 Galang lenya wo ɗi ta ɗo kha kaini, mikhe ta tebni ta ɗiya kha pogho, ma kikhei khja waki khu kyokri ele kha ɓun ta "La Dauda, yino nyunross. 40 Galang Yeso kha kerani, kha kuzi pok ma wattu kha ɓini, wo an pugum wanna nep. Galang Yeso kha masni. 41 A wini wo mengi ni yi gho? kha teɓani, ta Anmino ni mengi ma arono weh ya piɗi." 42 Yeso kha teɓni ta "Khep a ɓan aro khi weh ya piɗi?" "Mun ya rossogho wakyu kha khe." 43 Khumon aro miya kha a ɓani, kha weh ya piɗi kha nigi Yeso kha wab Yamba ta kikhei galang lenya kha wab Yamba.