1 Ti lokaci, piɗɗi lenya mikyei kha tepni wei ti khugalilawa wei Bilatus kha kyalliyai tomni kha haɗa yuni. 2 Gallan Yeso kha munzun " Ma ɗitta yi samani mikyei, Galilawa ma koppu essi Galilawa kha ɗingha, wei mikyei kyou azaba khikyei.? 3 A'a niri tepma, ma tubom, pehp ma mara. halikhinna khigisun. 4 Kho hasumiya kha sukrun ti khuzun, ma khiji mikhyei khopou essi lenya Urshalima ɗingya? 5 niri tepma a khikkem, amma pehp miya wei khudɗou tubani, pepma mara muri. " 6 Yeso Teppou khiɗam kyei, "Manni miya ɗighi kha dus wei khire penyhei ta garkhar inabinsa pannan kha wattu ya ɓanni leh, burou panan a wam. 7 Galla miya kha tepbani ti an gabbi garkar" Khu wau, sinni bhunum kenan ni ɗitta wattu geyhe leh dus, amma na wam, kho ma khakkeni. kha elenkhu ɗitta ɗanpiɗɗi wanni? 8 Galan an giɓɓi garkar kha minnani ta 'khu munni la piɗɗi nyokkol ni yinni kapyu ni patton taki. 9 Ma ta leh, sinni wei ti wattu to, pannan ma a laim, panan kha khakkyani" 10 Mallam manni Yeso ta suppo lenya ti yai majami'a ti mallam Asabar. 11 Pannan teimo manni seniro bhommi tura pipiɗou mollo ɗighi kha munghun ruhu, pehp ta gunyani ari wawi kyokri sirom. 12 wei Yeso wauwiro kha yiro kha tepro, sauwigi khaki kha piɗɗai," 13 Panan Yeso kha lun khara tiya kyui khumu khumun mollo kha illani kha kepsi wab Yammba. 14 Gallan mingɓuɗe majami'a khayi ɗing elenkhu Yeso sauworo mallam Asabar. 15 panan mungɓuɗe kha minani ta pemei lenya "Kham pikki poromonni wei ta yi poro, ma wattu elenkhu ma sauma mallam pannam anɗoɓɓo kha minani ta pei "anwuzi rosso ace khomannma a pidɗighi ɗanni kho soɓɓi ti poh gheɗengni ma woron munnun am mallam Asabarim? 16 Ashe khei lanyaminani Ibrahim, wei an dohgo kei kherero sinni bhommo tura pirpidou, panan ari wawi pidɗiro mallam Asabarim khenan ba? 17 Wei teppou khidam wukkei, pepzum wei mikhei ta yi mukki kashin kuzun kha sukgani, pehp kewan khu lenya mikhe kayi peh rosso kha wei wangalla wei yoh. 18 Panan Yeso kha tepɓani, "kha yagan wei ti misalti dukte Yamba, panan kha wunni wei niri manmini? 19 Digi khigi are mastad, wei manni miya taɗɗou kha purani ta yai lambuni, kayi ɓhude kha ɗiya ɓhude buro, har gwalla mikhe kha sinniran ti poyuklanni." 20 Kha saki tepɓani, "Kha wunni wei niri mammun dukte Yambai? 21 Digi khigi yisti wei manni lapomin saɗɗou kha mamani kha tassa ɓhunum kinni rummo alkama elenkhui ma gissuru ka shi." 22 Yeso worrou pehp binne kha tallaminna, ti kokko liro wei worri Urhalima ɗitta suppizun. 23 Panan manni kha tepni, "anɗoɓɓo, wei mikhe te wei ɗukte yokkol nesun?" panan Yeso kha tepzun, 24 Mayi kokari maru ti yokkol pokummi, ellenkhui ni teppema, lenya ɗaggan mikhe ti gen ruwani ari rim. 25 Ma anmina illou kha assi pokummi, panan mara kheri ti pehbe manda tughi po kummi manda teɓɓi, 'Anɗoɓɓo, Anɗoɓɓo, wosso. 'Mamunriyai galan kha minani ta pimai, na pinma kho ma pinna ti tong.' 26 Panan mara tepɓani, 'Mun kyou munsou tiya ɗogo, ɓeran khu suppimun ti ɗoh kokko.' 27 Panan kha minani ta pei, ni ɗitta tepma, na pinni piɗɗei wei ma pinnam ma koɓɓi ti ningeyi pepma an wuzirosso!' 28 Tiyi khui kamma yeɗɗan wuɗɗoh ti lokaci wei ma wau Ibrahim, kha Ishaku, kha Yakubu kha pehp anɗoɓɓo ti ɗukteni Yamba panan mai ti wirima ti pipɓe. 29 Mikhei ti wattu ti kumma, possim, laɗɗi, golong mikhei ti khi tei tebul ni ɗukte Yamba. 30 Ma pinni kha khei, wei kappe mikhe kha tom, wei kha tom mikhei ti ɗinna kappe." 31 Kummun, piɗɗi tansawa mikhe kha wattu ta pei," Khu koɓɓi tei ningei elenkhui Hiridus mingi tukko." 32 Yeso ta pemei, ma koɓɓo ma teɓɓi ti ankiga khei ma. Ni piron kha limmi, ni ɗitta sau anpiɗɗa ɓhommi ɗoi, panan ti pikki anbhunum niri kwaɗɗi porono.' 33 Kho kha yakgan dole bomi niri keɓɓi kokko mirino bomini, kha ɗoi khama tuɓɓa, ellenkhui ayi walla ma tukgi anɗoɓɓo talli kha Urshalimaba. 34 Urshalima, Urshalima an tukgi anɗoɓɓo, an wolli wei surnezun pimma. So taggan ni mingi kauwuri, siɓɓagi khigi wei yaɓe ta kau khu siɓɓaro ti yai khallaro, panan kya mingi kem. 35 Gaɓɓu, wirou minagi. Ni ɗitta tepma marisaki wei sinom. Sai malam wei ma teppou, nyunrosso ɗiuwou ti khu an wattu kha sommo anɗoɓɓo paro."