1 Shawulu, ansuran_a ansuran linya kha an suran sukkuɗing, amma ansuran Yeso Kirti kha Yamba an lemun, wokyogre ni ta moro soh monni- 2 Kha pehp an moli wo ɗigi khane ti piɗi ɗimmawoti Galatiya: 3 Nyung rosso ti ma ɓang sik ti pini Yamba kha mingɓuɗe mu Yeso Kirti, 4 Wo mungho khuni lunkhu ɗing mu, lunkhu makheri poɗ mun ti khu pebe ruza, tikhu menan rossoni YAmba kha an leh. 5 Ti si ma menan Yamba ɗiya har khu pebe woya wattu, Amin. 6 Niyo mamaki lunkhu penguri khumu khumun ti peni wo yawema kha nyirosso ni Kirti ni yo kyo lunkhu ma ɗita mepi mani piɗ ɗimmai. 7 A tepta kham ni mani piɗ ɗimma, amma kham ni manni lenya ɓangi piyang ai simalunkhu mi khe mengi pari pi ɗimmani Kirti. 8 Lunkhu khu an surani Yamba ti khergu yina ɗamanti ma lunkhu alagarai we kopo khi wo mun kpaɗi yun paro ti khu, maruza khepni. 9 Khigi wo mun tepo pikhe, ni maro khu teɓani bomi, "Ma manni wanna kha paro Yamba wo a khikhem kumun mayun ruzati sigi." 10 Bomi ni ɗita ɓan menanni linyani Yamba? Ni ta ɓan menanni linya? immani ɗita ɓan menanni linya ɗan na an poroni Kirti. 11 Ni mengi ma peno, an molli, pari alagara wona khari pogi a alagara linyam. 12 Nakep ti peni kho nongm, ɗan ko koyeno ni manni kha lunka sunani Yeso Kirti woni you. 13 Makiro pisno pikke ta wap kunɗul, wo na yi poro khepi an piɗi ɗuman ni Yamba wo kopo misali khuma ni mengi ɗurezun. 14 Ni ni gɓuɗo to piɗi wap kunɗul ni khopou ma yerikhu no, ti talla ma linyano khei kikhe kha ɓang khui yuwani lunkhu sapini ma ɗahno. 15 Kikhe wo Yamba, luweno ti yawo ni nahno wo kheri you wene ti ya tononɓong ni. 16 Kheri meno kha pengiro pisi lahni pisi lahni ti ne lunkhu khe na supi poroni ti talla mikhe wo a penyambam, Na khom kha an nyalo kha tomim. 17 Na ami Urhalima ti pi mikhe wo an suran ti khuno, kikhe naga woneno Arabiya nage pengiru ti Dimaskus. 18 Kha yapi sene gɓunum naga ɓaki me Urshalima ni mengi pen Cephas naga ɗiya kha si sun gɓummo turofaat. 19 Na we isi an suran keɗen Yakubu, moli Yeso. 20 Tiya we woni ɓallema,nitepme tallano kha Yamba, na ɗita yi ma kyaɓɓam. 21 Naga wor khuyel syria kha Ciciliya. 22 Mikhe a penno den ti piɗ ɗimmai ti Juda wo mikhe ɗita Kirti. 23 Mikhe kheɗen ta teɓani," miya wo pikke ɗita ɓantuk mu bomi ɗita khari paroni Yambai wo pikke kheri mengi dakkilani." 24 Mikhe mun ɗagne ti Yamba lunkuno.