Pala 1

1 Bulus, la ansuran lani yamba khama Timoti molmun, 2 Ti lenya wo menji ka lani Yamba woti Kolosiyawa. Kyara kunkwu kha nyung ya rosso ma diya kha ma ti pini Yamba damun. 3 Mun pammisi ti yamba Dani Dani Yeso Kirti, mun yiji ɗimma lunkhu ma. 4 Mun kiro khunwo ma ti pinni Yeso kha menan ma wo madi kha tai ti miya wo munnwo khuni ti Yamba 5 Ma kham kha menan kha liya bong wo khulli lunkhuma ti gak. Ma ɓaɗɗi piɗi khirani ti kui li bong lun paroni. 6 Wo wan nema. Lun paroni kha wo ti mun siɓɓa ti khelina ti khu peɓe ɗi ti yuwan kikei ti yama tun milan suma bi wo wanna pima nyum rosso kei lau lan kuma wo ma khiri. ma ko yo ti nyung rosso ni Yamba tun millam wo ma kiro paro wo ma kiro mutan ya bog ni Yamba ti menan yu bong. 7 Khe lun paroni wo ma kiro ti pini Epiretis, menan kyere an ruzamun, menan an poroni an mir pomun ti po khimun ti Kirti kuma. 8 Epiretis tippemu menan ma ti ya limlim. 9 Lunku menan, millam wo mun da wosso dimma lunkhui. Mun penni yaɓongni tiya pep khigi penan kirim. 10 Mundita yi diima lunku ma yi mere ka ɓong wo ta yi pee kha porosso ni Yamba mun di ta yi dimma lunkhui ma leddiyo siɓɓa ti koko wa wallah lunku mara bgudi ti kokoni Yamba. 11 Mun ɗita yi dimma ma kyer kha soh elenkhu ɓong ɓguɗoɓguɗo ni wo wor kyumma kha mutan ya bong. 12 Munɗinmo ka muka ya ɓong mara mun pammo ti ɗamun. Wo ɗiwo khollo ti talla mun khui tiya pee. 13 Pon ne mun tiya ɓong ɗil kha wattu mun ta pee lunkhui menan lani. 14 Ti pini lani munɗa we peran, poɗɗi ɗing sik. 15 La kirim khuni ɗani we a wejim kyere nebeni pep lan we. 16 Lunkhuna we kuina pep we khu peɓe, wo ɗi ti gak kha we di ti yel we weji kha we a wejim. Kha we diji ti jele ni kha wo a dijim ti jele nim kha an khui juk kha an bang, pep we khuina nan sii elenkhu a kwuiru we pep ti ku peɓe, kama woti gagka. 17 Kyere penna ti we wo khuina, ti pini pep we dijin 18 Kƴeri gurunku sik,kha piɗi dimma. Kƴere ti toom kha nebe ti talawo murou, kƴere ta bettoom ti khu we pep. 19 Yamba ƴo tomon rosso ti khu pep we kyeri ƴo madiya ti pini. 20 Ta ɓakri we ti pini lani. Yamba wanna kha tomonon rosso ti tallah toomni ti ku jitan ɓuro. Yamba bagro talani ka doni, kha we wuti gak. 21 Lunkhu pedkye mapep misbani Yamba mun an ɓana ti rosso kada kuɗakuɗowe. 22 Nbomi kero bannemo ti piɗi moroni sik. kyere ƴo kikhe lunkhu sii kyummun agaje, ɗing, taɗoni. 23 Makhu diwon ta munai rosso kho, kyer kha so khe li kigago, kha khelom ti libong ti khu paro ni Yamba wo khu khirou. Khe paro ni Yamba wo khuina ti pisi khergo gak. lun paroni wo ne Bulus, ne ɗiƴo an surani 24 Bomi ni napotomon ti rossono ka ɓong wo, kyau ellen khuma ni kiro ti tsino na ni wom kha ding ti tsini lani Yamba lunku tsini wo diwo piɗi dimma. 25 Ti piɗi ɗimma naga ɗiya an poroni, elen khu tiɗa wo Yamba munkhe no lun khu ma. We kem paroni Yamba. 26 Kye twaka paro wo tukko tun pikhe sene kha sene. Bomi ne ɓero lalai lenya wo meneni kha sii. 27 Ti pizun wo Yamba menji toma bagri kpaɗa kyer sik a mizi wo a pen paro ni Yamba. Yamba malani Yamba ɗiiji kake; tomon rosso wata do piɗi kyer sik Kye menan si wo mun karo pok. Mun ɗi ta. 28 Tulli lenya miran mu ɗi ta suppi lenya kha penan we, lunkhu mun kyer kha lenya tiya lani Yamba. 29 Lukukei ni yo leba lumku ɓangni wata yi poro ta sini ka ɓang.