Pala 9

1 Lunkhu lenya kheppow khuzun, yow wala ni ɓallama. 2 Ni penow khagya wo ni yow kha kyoghri khui ti yi ɗohni lenya Madoniya. Ni teppezun ta mirh akaya kpaɗɗipiɗi ɓagri sizun milan nzono, ɓang poma soppow piɗɗizun kha riya poro. 3 Momi ni surnema kha anmolli lunkhu mo kyaghran khumun kha ɗiya wanem, lunkhu ma ɓanghri sima, khigi wo ni teppema ma yu. 4 Ma'a kikheim, ma manni lenya mirh Makidoniya ɗabna pino kha wema ma ɓaghri simanim, khumun ti gɓuɗi- ni wom kha wo teɓanim lunkhu manim. Lunkhu sino kherani ti khuma. 5 Ni ɓanow yow wala nikha suttu an molli mo wattu pima panang mu ɓeh toum ɓakkuro simun luinkhu khep khu wo ma teppow. Khei yi ɗiyi wow khikhei lunkhu mo wal ti gyele lunkhu munah ngaɓang, a wo lawwanim. 6 Paro yi ta: miya wo pengyow yokkol ti kpar yokkol, miya wo pengyow kha rosson ɓang ti kpar gbo. 7 Mo miya wo ta munani, mo mun kha tomon rosso. 8 Yamba kham kha ɓang wo ti wakhema khu wan man ti yani lunkhuma, pehp wo mun ɗi ta yuwani, ma weh pehp wo menghi ti ɗiyina kikhei yi lunkhu ma yani ti khu poron ɓang wo ma yow. 9 Khigi wo ɓallow, "Khero khappirow kpaɗani, munghurow ti an kenni. Khunghuni ɗiyi wow kpapai." 10 Si an mun kiɗam ti an pehheng kha gyuk danjuk lunkhu we khina, khero ti muni ɓirang kha wakkhemun khui lunkhu kiɗam wo penzan ti wakki khu kparan khunghunma kha yi gbo. 11 Mari an munani, khei ti ɗiya nighan ti pini Yamba lunkhumun. 12 Kheɗeng yi wari-wari ni Yamba kikhei yi arri kpaɗɗi anghi lenya wo kheppow khuzunim. Ti ya ni wo yi poron gbo wo pammi Yamba. 13 Lunkhu mamena yaw khikhei yi ta warini, mari wab Yamba, lunkhu mun gɓuɗe ti khu soppipok paroni anmirmun. Ɓirang mari wab Yamba kha rosso munani gbo ti sun kha piɗi lenyai. 14 Mikhei ta yi khagya mo weh ma, ɓirang mikhei ta yi ɗimma lunkhuma, mikhei ta yuwani khikhei yi lunkhu gɓuɗe khughu ni Yamba wo ɗiti khuma. 15 Mo nighi Yamba lunkhu munani kha pehn khira wa kwoppow ɓang teppani.