Pala 3

1 Munda khibsi nigi khumun? munda mengi ɓallan we ti pimam wo wori pimam, khisi piɗɗi lenyam, kho a kikhem? 2 ma kha ɗoma ɓallan gbag ti khumun, wo ɓallou tiya ɓongma, wo pehp lenya mikhe penou ta ɓallani. 3 khuma ma kyiɓpou ma ɓalla ti pini Almasihu, wo mun ruwon. A kha ɓalla wo yom amma kha limlim ni Yamba a rosso. A ti khu wo ɓalla panni wo ɓallowim, amma ti khu wo alla yaɓong lenya. 4 ni khei wo mun ɗigin kha tei tiya ni Yamba ti pini Lahni. 5 Mun wom kha manni pennamun wo mun yun takama manni we ti pimun num. Tiya kikhei penanmu ti pini Yamba. 6 Ni Yamba wo man nimun an peni we kheɓe poyei menani. Manan khei a wo ɓallan ni khini limlim. Gama ɓalla kpuk piɗi wo yigi, amma limlim rai wo mungi. 7 To hidimar wo lau muro-wo ɓallo ti khu panni- wanna tiya kiɗam gɓoɗi khui khei wo har Israila a wawi nigkyi kuɗɗo ni Musa tiya menan ɓong. Khei lunkhu gɓuɗan khui wo munghe ni ti khuɗɗoni, gɓuɗan khui wo ta kpaɗɗina. 8 Tong khiɗam gɓuɗe gɓuɗu khei poro wo limlim yigi? 9 Imma poro ɓalwe ɗigi kha gɓuɗɗi sik, ɗan ton ni manni ɗagam gɓuɗɗi sik wo poro wala ta yi! 10 Anje kyom, we man khasi gɓoɗɗi sik piki, wom num kha manni gɓuɗɗisik ti nikhem, lunkhu kiɗam gɓuɗɗigi khini gɓuɗɗisik, ɗima ɗan tong gɓuɗɗisik kha we wo kpakpai ta we. 11 Imma wokei wo kpaɗɗigi khini gɓuɗɗisik, khima ɗan tong gɓuɗɗisik kha we wo kpakpai ta we! 12 Tunda mun kham kha penan khei, mun kham kha mannan kha ɓong. 13 Munda ɗigi khisi Musa wo saɗo mayafi kha ason khuɗɗoni kha wo lenya mir Israila mikhe a wawi nighe khuɗɗoni kpaɗɗan gɓuɗɗansik wo kpaɗɗigi khai saye. 14 Ɓiran yaɓoggun ka asani. Har bomi wo asisik kham wo ɗigi ta ɓalli manyan paro. A abiyam, lunku tiya ni lani yamba khawai wo yenigero. 15 Amma har bomi, pehp lokaci wo ɗigi ta yi ɓallani Musa, Khamwo asisik alani tiya ɓongzun. 16 amma ma miya mena pini Yamba ɗan walou wo asisik ge. 17 To Yamba ni si limlim, piɗi wo limlim ni Yamba ɗigin kham wen ɓang. 18 pehp mun bomi khuɗɗomun kha m wo asisik, mun wegi gɓuɗe sini Yamba. Mun wegi sakyan tiya gɓuɗɗansik khei, daga we gɓuɗɗansik kha we manni, khisi ti pini Yamba wo nisi limlim.