1 Ɗiwow ɓong ni gyoghri khuno,mo ɓanta ari wakke no mani wehm. Ni penow manni miya ti ya anmirmun. 2 Wo sene gɓummo tura peɗouw wo kwoppow - mo ɓang tiya sig ɗang mo ɓang ta a tiya sigim, na penom, Yamba ni an penani ta saɗɗeni kha ammuwon ya kherghu won gɓunum. 3 Ɓirang ni penow miya khei yi - mo ɓang ta tiya sig ɗang banta a tiya sigim, na penom, Yamba penow. 4 Saɗeni kha worron nini ya Firdausi khero khirow gɓuɗɗina paro pawpiɗidi wo angha an wawu teppanim. 5 Ti khu peri miya khei yi niri gyoghri khuno, ɓo lunkhuno nari gyoghri khuno ɓiranghim, ɗang kheɗeng ti khu panni khulonoyi. 6 Moni menghi ni yi kyolom, ari ɗiya tummim, lunkhu niri tep khulli pehp ɗimin. Ɓirang niri kyol khuno tiya panni gyaghri khui, lunkhu mo manni miya kha sadno ta ni kwoppow weh wo khero waw kha wo khero khirow ti pinom . 7 Ɓirang kyol khuno kha panni gyaghri khui lunkhu kidam gɓuɗɗina suna yi. Lunkhu, mo ni kha khemi kha gyaghri khui yim, mungheno saɗi tiya sino la suranni anɗogho ɓohrow ɗohno, lunkhu mo nikha gyaghri khuno kha ɓungghim. 8 Ni ɗimmow anmina soh gɓunum lunkhu mo khero walleno wikkhei. 9 Ɓirang khero teppeno, "khughuno kham ti pori pigho, lunkhu ti ya khulo ɓang ti wattu. "Lunkhu khei yi ti kopina ni yi kyolom ti khu khulono, lunkhu mo ɓangni anmirmun ɗiya tiya sino. 10 Lunkhu khei yi ni kheppow khu paroni anmirmun tiya khulo, tiya kpangha, tiya ɓoohranɗoh, tiya ɓonne kha ɓarani. Lunkhu mo ɓanta ni noɓɓow piɗa. Ni kham kha ɓang ɓirang. 11 Ni ɗiyiwow an tum! Ɓirang ni mai wo ma low kha ɓong ti khuno, ti yi wala ma paw no, lunkhu na ɗighi ti pinilenya wo ta yezun ta sun gɓuɗɗina siɓɓa surannim, mo ɓanta na mani wehm. 12 Limlim siɓɓa suran won ɓang penna ti tallama, khama timan kyumman rosso, limlim kha weh yuwah kha gɓuɗɗina poro. 13 Ɗima yow kha yaghan wo ɓangma yallow ti ɗohni issi mina ɗimmayi, mo a ti khu panni ta na li tiɗɗano ti khumanim? ma yino kyaɓɓo ti khu khei yi! 14 Ma gabu! Ni mengi ni wattu pima kha an gɓunum yi. Nari ɗiyema saɗɗim, lunkhu na mengi wimanim. Ni mengi ma. Lunkhu a ni siɓɓa wo ta khauri anlem. Ni anle wo ti khauri siɓɓa. 15 Rossono ti yi tomon mo ni khaurema, mo saɗɗow ta niri mun khigano lunkhuma ɗan niri munni. Mo ni menema kha kuɗɗei, panang ti menno ɓang yokkol? 16 Ɓirang khigi wo ɗiyigin, na man kha tiɗɗano ti khumanim. ɓirang lunkhu ni an khigha, ni ne nikha khepma kha panni men khimna. 17 Ni khemema lunkhu lenya wo ni surna ti pima ya? 18 Ni ɗimma wo ni yow ti Titus lunkhu mo wor piman, panan ni surneni kha manni an molli. Wo ni surna Titus yi, khero khimema ya? a ti ya kokko monni wo mun yow mereyim ya? a soh monni wo mun yow mere yim ya? 19 Ma khattighi tiya rossoma ta milang khirei yi mun ɗita kholli khumun ti ɗohma ya? Ti ya ɗohni Yamba, tiya anmirmun mun ɗita tep paro pehp lunkhu mu negsima. 20 Kyohno ta mo ni worrow pima meno nari wehma khigi wo ni ɗamghim. Kyohno ɓirang ta mari wehno khigi wo ma ɗita ɗamanim. Ni ɗitta yi kyoh ta ti weh khina, mikhei illan lulli, sekkum menkhui, kha wayan khigha. 21 Ni ɗita yi kyoh ta mo ni maw, kpang Yambano ti kyan kha khuno ti ɗohma. Ni ɗita yi kyoh baaza, wo a kyaɓɓam ti ya yaghna, kha khuro, kha taghri ya piɗi, kha songhirsig wo mikhei yow.