Pala 1

1 Bulus, miya an suran ni Yamba Yeso Kirti ti piɗi tiya menan ni Yamba., kha Timoti molomun woran tiya khara ni Yamba woɗigi ti khuyel Korintus, kha peh pisi ma molomun woɗigi ti khuyel Akaya. 2 Ma khungo ɗiya we ma kha tomon rosso ni Yamba Dahmun khama anminamun Yesu anmirpomun. 3 Ma pammo ɗiya wini Yamba kha Dah, Dahmun Yeso miri khumun Dahmun an khiri khui mun pehp kha, Yamba an kebi khira. 4 Yamba ɗita kebi kirya ɓongmun tiya ya bone mun, lunkhu mu wawi kebi khira pehp lenya wo ɗigi ti ya bone mun khira lenya kha ki ɗam khiɗam kebi khiro wo Yamba yije mun. 5 Khizi keɗam bone ni an mirpomun ɗita wakkyani elen khumun, kikhe ɓiran kebi kheremun ta wakkyanni tiya anmirpomun. 6 Imma mun ɗita khi bone, lunkhu kebkirama kha mirpoma kikhe ɓiran ɓomu keb kiramun lunkhu kebpo kirama kebkira ma ɗita yi poro kaɓung imma mara kyummou kiɗam khi bone wo mun kyowani. 7 Ɓiran khiran simun ti khuma ɗiyani. mun ɓiran penou khizi wo ma pehp ɗita khi bone, kikhei ɓiran mara kaukuma tiya keb khirama. 8 Elenkhu munda emngi mayi pi penan, ma moloma elenkhu bone wo wawemun ti Asiya. Mikhe nyammemun pehp khopo ɓang mu, ɓong mun perou khisi muna ri mirim. 9 Khulli mikhi yiwemun khon muro ti khumun. Wukkei you lunkhu mungha liɓong kha khumun, se kha Yamba an kyokri lenya wo murou. 10 Kheri peron kha mun tiya kiɗam won swa khini muro, ɓiran keri ti peron kha mun, mun lo yaɓong mun ti khuni ta khire ta per kha mun. 11 Kheri ta yi khei ɓoma ɓallemun kha ɗimmi Yamba. Kha kikhe lenya gbo ta mun pammun ti khu mun lunkhu kungu wo yiwemun ti piɗi Yamba wo lenya gbo. 12 Wo simun khereu li khuparo khei: lunkhu limlim ya ɓongmun. Gama kha luwan yaɓong ɓang kha aminchi ni Yamba mukha woron kha mere khu pehbe ti kupehbe. Mun yo khei kha pehp ma kha menan we khu pehbem amma ti khu menan ni Yamba. 13 Munda ɓalle ma we wo mari wawi ɓalanim kho ma penim. Ni gabgi mara penmun pehp ma, 14 Khisi wo ma khiremun yokkol bomi, bomini har milan pikki Yamba Yeso munda ɗima wo khisi wo mara ɗina khimun. 15 Lunkhu menan no wo ni ɗigin kha tei, ni menoi ni wattu pima kha po pari, lunkhu ma we a pani woranno so peteu. 16 Ni kham kha liyaɓong wattu ya ɓanema tu khu kokkono wo wuri Makidoya. Ti ni khirei ɓiran ni mengi ni ɓane ma ɓiran, ti piɗi mereno Makidoniya, lunkhu ma surneno ti khu kokkono Yahudiya. 17 Wo ni ɗita yi kiɗam ɓalɓong khei, niɗi ta yi kyo ya? na shiryi wo wikhei lunkhu ɓang miya ti piɗi wo na tebi "Um um" kha "U, u" tiya lokaci monni. 18 Amma khisi wo Yamba a mengi munda tebgi "Um" kha "u "u" lokaci monni. 19 9 Gama Lahni Yamba Yeso almasihu wo ma Silvanus kha Silas, kha ne mun tebpema, a "um" kha "u, u". ti kikhei, shi "Um" ne kho ɗimmin." 20 gama pehp menani Yamba "um" ne ti yani. Kikhei ɓiran ti pini womu mengi "Amin" wo wuri pini Yamba. 21 Bomini wo Yamba menoi kha mun tiya Almasihu, khire kha walmun. 22 Khire lo khirani ti khumun, Khamun mun limlimni tiya ɓongmun ti khumu peni wewo ta mun mun khaya pi. 23 YTi khu kikhei ni ya Yamba ma ɗiya shaida ti khuno, lunkhu we monni wo na wattu Korintus lunkhu ni kpaɗɗe mam. 24 a pani mun mengi ɓarri yadda liyaɓong ta ɗina. Lunkhu kikhei mun ɗita yi poro khama tiya kyurossoma, ti ya wo ma khero tiya liyaɓongma.