NGI 1

1 1 "Yahuza" korom Yeso son'ngi "Yakubu" mashen wu ba a tu'ulaya ne wu bah tarsu Bahku ndila ka suanaya yi mun Bahku. 2 Beh sun chiri, yi nong njimu i ndela a ning iyun bwana. 3 Wu mwanam, ma'ana nharham bwana ne mu nho'olo wun yi mur be ya'a buhsu, nwa'ala wun ne mu she'e chewe murwun ne wu nharha yirwun i mur be ngichewe ba a su'ula wun iyi bwa'a mo'ona wa ba pa ngichewe. 4 Wu gamur bapina bwara chiri wun i swarmai. wu ba awai pura iya ma wolo. Ya do'o bah warta'a Bahku sa, a pirwa be gir shima ma Bahku mashen gir biwa, a do'o yira yi bwade su Yeso sa. 5 Njila mu re'eshe wun, wu shi'ila ne Bahku ya'an buh wu bapina pura iya iyo nzah "marsa" i nzum mini i wala wu ba bi'ina ya'a loi. 6 Wu puhu mbilar bah a bi'ina pa'a beh chumu ba apanawa a ji'in ban ningha ya Bahku kasa kunya, ku'ura ya yi kpana ma'ana ya ku lama pinai banba a ta'ara misa nengchewe ma gana. 7 i bene wu "Sodom i Gwamrata," i wu ram ba karnha ya, A yisa murya ku nong iwu mam ba do maya sa i war ta'a gir ba yirya njila. A ningna gir re'eshe wa wu ba ko lih bisa ma malai sa. 8 I ku basa mur be mini kpa, wu ba loro mini aituwo'o yirya. A bi'ina lo'o rengchewe, a mur chew lo'o biwa ku mur wuba pa'ana ngichewe. 9 "Michael" bwuaje wu mbilar ma puhu. I ku mu linan i bah lere wu bapina ne ido'o yira i girba i mu lo'o kumur loh "musa" sa,do'o ndila ne i war lo'o rengchewe kumur bah lerelere sa. chiwai ne Bahku tabura ku muro. 10 Wu ba bapina ai lo'o gir ma biwai i sanga kumur gir bah a do'o shi'ila sa, i gir ba a shi'ila. Be lo'o na jihna ya a bene wu nham to'o ba a doi bomya sa, yi be gir bah i gbol ya. 11 Wasa mawun, wuba wara njere ba aho ma'a wuna kpana, i wah bah wara njere biwa ma "Blaam" ne a kum puruh. a wunah i be'eneh wo'o lo'o ya bene "korah." 12 Yani wuba ai sormo i tiri wu ba kamna murya amu libila iyirya. A do'o li inzon sa, a li risa i ka'amurya nah yung kauna. Abene wu nguni bah adoi bil i dumbo'o sa bene wuna nguni baa wuhai iyo meilih. 13 A bene mu'uru bah imu pa'a bura ku salah, a kaura kikauya i beh git nzon ya, amu kikang bene wu lewer (Wuzar) wuba a yira wa pina duhu ma bo'o bo'o. 14 "Anuhu" jeh ma tangzah baring iyo "Adamu," isuna dwa i mu cheune wu sunu! Bahku wuna i wah wu ba puhu njimu zamya zamya. 15 koyo reng chewe wawu bapina mbwang. ko yo rum wu bapina ba abi'ina wartieh i gir biwa ba a pa'anai i jere ma biwai, i lo'o ma biwai bah a luanai. 16 Wu bah gburgbeh, wuba no'ongo no'ongo, a wara njere ma ndela girbiwa ma yiru. A mu pa'a tumu i nha kwa'aya dang wu gina. 17 Wu ba njila, wu re'eshe be nhah lo'o bah wu muna nye'ele nye'ele ma bah ya'ana buhsu yeso wo luana. 18 A chiwa wun ne, beh bam na yua ku marshi aho kum wu ba wholwu bapina a ho war ta'a gir ma biwai ma ndel jimya. 19 wu ba ma'a wu bapina ne a gau yirya, wu ba njil njimya, a doi mbilar sa. 20 Wu bah njila, wu gishi nharha yirwun i pa'a gir shima ibe ngichewe wun, wumu kusu miswun ibum mbilar. 21 Wu ma'a ka'a murwun i ndele Bahku bah warasu ndimu ma malai sa. 22 Sun chiri wu so'o jik. 23 Tihtam wu gini ra'asa ya kuyo bisa. Sun chiri wu gamurya i ji'iri. 24 Kumur bah ko ngi tih tamau ne ado'o kwasa, iko meu ne a chiele kujui i puhu njimu i bang bumu ma murai. 25 Mashen bah Bahku bwajeh bah nzo muni Yeso ka ya'ana buhsu, beh lem, jeh, gir mbwang i nharha, iyo ban manzum, ima bohboh mabih inah.