1 1 I yo ba ɓwajeh mashen ba Gayus ɓah njila i ngichewe. 2 Wu swana ma shimai nira Ɓaku ne wu gir mbwang ning wunu shima, wu ning shima i so'o polo yirwun, ɓene ɓahnchimwun ningya shima. 3 I ɓwangna yiram shima ɓah wu so'ongisu yo chiwam chew ngichewe wun, ɓene ɓah wu mur shen ku chiri ngichewe. 4 Gima do bong ɓuham gana ɓeh mani sah ɓene ɓah wa'ana ne wu munanam amu shen ku chiri ngichewe, 5 Wu swana ma shimai, wu mur ye'ele pa ngichewe wuna ,u pa'a tumu wa so'ongisu i wu ɓah biri. 6 Wu ba a ringya kun wun chew njele wu ku bah ɓah war ta'a Ɓaku. wui tur ya ana u kwansshere ku nginshere mau ɓah war ta'ah Ɓaku. 7 Wo chew ɓeh lu'ulu Yeso yi ɓah a pur mashen nda chew wa ɓeh wu bapina ɓeh gamur wu bapina. 8 Yi ma'ana ne su ya'a ɓeh mbom bapina bill ne su ning mwan yir wu ɓah pa'a tumu ngichewe. 9 Wo ngyo'olo gima wa ɓeh wu bɓah war ta'a Ɓaku, yima Diotrphes, bah i njel ning duwa ku ciri yah do ya'ah sh sah. 10 Yi ɓah na yuana, moh re'eshe i wu gir ɓah pa'ana, ɓene bah i mu lo'o lo'o biwa ku mur su ku nchim wu bapina. Do jinai na sah, yi i ka'amuri do ya'ana ɓeh wu so'ongisu sah, pira ham i wu ba a njila a ya'a, yah ka piryah pura ku ciri wu bapina ma Ɓaku. 11 Wu suna mashimai, wu do ya'a gass gir ma ɓiwai sah, wu pa'ai9 ma shimai. Ɓah na ur pa'a gir ma shimai yii ma Ɓaku. 12 Demetrius ningya ɓah wu bapina mbwang a yira iyi a mu reng kuni shima. Ngichewe i ka'amuri i mu reng kuni shima. su kpana su rignya kunsu ku muri, wu sh'ila ne reng kunsu ma ngichewe. 13 Mii wu gir ɓwana ɓah njila mu ngyo'olo wun ku murya, do njila ne mu ngyo'olo ku puhu mpuknsheme i pinna mu'uru ngyo'olo ngyo'olo sah. 14 Ne njil moh sunwun chichik, ne so lo'o ngya'amisshiu imu sun ngya'amisshiu. 15 Ne so'o polo nchimu ning wunu. wu mwansu a mu za'aro, za'ar ɓeh wu mwansu i lu'ulu.