NGYI 1

1 1 I yo bau jeh mashen ɓah mor ngyi maam i wu munni ɓah njila i nchimam, do mi lu'am sah, mi, i wu ɓah a shi'ila ngichewe. 2 Chew ɓeh ngichewe bɓah nngya i su i bah ko ningyii su ma hueng. 3 Sun chiri i soo polo ning i wun i yoo ɓah Ɓaku, Tarsu i ma' Yeso Kristi, mun ɓeh Tarsu, ku chiri ngichewe i njele. 4 Ɓwangna buam ne kuma gamur wu munno amu shen ku chiri ngichewe, bene ɓah su ya'ana ɓeh ma'a ku yo ba Tarsu. 5 Mu mur nero i mani, mor ngyimaam do ne mu ngyo'olau gima piwi sah, beh lo'o i ku mur gir ɓah a wo chiwasu ne su njel yirsu. 6 Mani yi ɓeh njele, ne su shen ku chiri ɓeh ma'ai. Mani yi ɓeh ma'a, ɓene ɓah a wa'ana i yo chikchi'i, ne shen ku chiri. 7 Ne wu ba lee ɓwana a pura mashen nzah ban a do yer ne a chene Yeso Krisrti yuana ku yir bapina sah. Mani yi ɓah lere yi ningya ɓeh ɓah ɓene Kristi. 8 Sunui i ka'amuro ne do ɓorsoi i wu gir ɓah chiwou, ne kum kuru mgbu'u shima. 9 Bwara ɓah na kwana duwa, ka do ningya ku chiri ɓeh sahsah ma Kristi sah, do kumma Ɓaku sah. Ɓeh ɓah ningya ha ɓeh chiri sahsai, ɓeh ɓwara ɓilli i mumma ɓeh T^ari i ɓeh munni. 10 Ɓah na yu'ana bah wun do wara ɓeh lo'o mani sah, wu do yi'i ku lawun sah i wu du'o za'ari sah. 11 Ɓah na za'arai, bi'ina ɓuhu i yi ku gir biwai. 12 mi'i wu gir ɓwannah ɓah mu ngyo'olau ku mur yah, mo do ngyo'olo ku puhu mpuknsheme i pinah mu'uru ngyo'olo sah. Na ningya na, ma'ana nchimam mu shen bah wun ne mu lo'o i wun ngya;a misshiw imu sun ngya'a misshiu, ne ɓeh ɓong bumsu ning kahkah. 13 Ɓeh wu muna sahtaro amu za'aro.