1 1 Bulus, bah Yeso Kristi tu'ulai ne iyo ning bah pa'a tumu ku yere Baku, i Sonsthenes so'ongisu, 2 Mashen wu bah karnda ma Korinti , mashen bah a girsa ya ku Kristir Yeso, bah ai tu'ulu ya ne puhu bapina, su mur ngyo'olo mani mashen bah a mur tu'ulu lu'ulu Tarsu Yeso Kristi mal ban, Tarya i masu. 3 Nzoh Baku i ningya shima ning wun ku yo bah Baku Dah su yi beh Tarsu Yeso Kristi. 4 Gbeng gbu gbeng bwata yi Baku yam chew wun bah nzoh Baku Kristi Yeso pana wun. 5 Pa'ana wun murum ku nshere bong, i bwang lo'o, i bwang she'ele, 6 Beneh bah wu suna Ku mur Yeso ningna ngichewe ku ciriwun. 7 Ku chew mani wu do kuma pah mpilar sa bene wu mur ta'ara yo Tarsu Yeso. 8 Ko pawun ngyarngya mashen masai, mane wu do ning i gir sa'anga ku duk Tarsu Yeso. 9 Baku bah pa'a ngichewe bah tu'ula wun mahen ben murwun i muni, Yeso Tarsu. 10 Nira wun wu swana, ku lu'ulu Tarsu Yeso, wu yer i yirwun, gau muru do bor ciriwun sah. Nira wun wu ning i chimwun mo'on i gir pa'a mo'on. 11 Wu bah lah Kulowi a wara chewe ne wumur gau murwun. 12 Njila mu chewau ne, bwangwun wu mur lo'o langha langha, mani ne "mi ma Bulus," magina ne "mi ma Apolos," magina ne "mi ma Kefas" ke, "mi ma Almasihu." 13 Yeso gauna muri? A kpangna Bulus ku ku ngo'oro ke a dangnawun ku lu'ulu Bulus? 14 Bwata yi Baku chew bah do dangna magina wun ku mu'uru sa na do Kirisfus i Gayus. 15 Pa'ana nah mane bwara do chewne a dangnai ku mu'uru i lu'ulam sa. 16 (Dangna wu muna lah Sitifanas ku mu'uru. ku nzum mani do shi'ila ke dangna bwar ku mu'uru sa.) 17 Yeso do turami ne mu yo dangwun ku mu'uru sa, yi tura mi ne mu yo chew lo'o Baku. I do turami ne mayo lo'o lo'oi i she'ele i nzor ma bapina sa chew ne Kpang Christi ku guni do sahai i ngyarngyai sa. 18 Lo'o Baku ku mur kpang mun Baku ku nguni do ningna i tumu ku bah wu bah amuwuh. i ku ciri wu bah Baku ra'asaya, ngyarngya Baku yini pa'ana bili. 19 I ku ngyo'olo ne "Mo fasang nzor mawu bah nzor. mo dang she'ele ma wu bah she'ele." 20 Ba nzor he? Bah she'ele he? Bah linan ma nzah he? Baku do pirwa nzor ma nzah mani ne i ning mgbuchuk sa? 21 Chew bah nzah ku nzori do shi'ila Baku sa, I njele Baku i ku mgbuchuk lo'oi ra'asa wu bah pana ngichewe 22 Wu Yahudawa a mu pis gir ning nging, wu Helinawa a mur pis gir nzor. 23 Sunu chew lo'o shimai ma Almasihu bah a kpangnai, tah ngya gbu'u ku bah Yahudawa i tum mgbuchuk kuba Helinawa. 24 Ku bawu bah Baku chu'ula, Yahudawa i Helinawa, sumu chew lo'o mun Baku ku mur ngyarngyai i nzor Baku. 25 Mgbuchuk ma Baku gana nzor ma wu bapina. 26 Wu sun tu'ulu wun, wu swana. Do Bwang wun ma wui nzor ma mah wu bapina sah. Do bwang wun wui ngyarngya sah, Do bwang wun wui bila ma Gom sah. 27 Baku rwasa wu gir ma biwai ku nzah ne i pa nzoon wa wu bah nzor. Baku rwasa wu gir bah a doi ngyarngya ku nzah sa, ne i pa nzoon gir bah ai ngyarngya. 28 Baku rwasa gir be'ene gir sunu sheshe ku nzah, rwasa wu gir bah ado suna ne gima sa mane i pa nzoon wa wu gir bah ai toli ne gir ma shimai. 29 Pa'ana gir mani ne bwara do kum njere ma ngya ku'i ku duwi sah. 30 Gir bah Baku pa'ana i mani wuku bum Yeso bah ningna su nzor kuyo bah Baku. Ningna ngichewe su I Puhu nchimsu, i ya'a buksu. 31 I ku gir kumu mpuknsheme chiwa ne, "Bah namu ngya ku'i i ngya ku'i i Baku.