1 Ọlẹn ọrẹ ukọ si Osẹlẹbua da rhẹ ma mẹ eda si amẹ si ẹdẹagbọn, ọkhia khia bi ama ma ọkhumu. Ọda da vbi ẹguai si Osẹlẹbua bi uteghe Oghogho la va re 2 khia vbi esesẹ si ukpu wele si ọrẹ okpẹvboi lẹn. Vbi obẹda eveva orhan si ẹdẹagbọn ri vbọ ọmẹ ikperhan ọdọdan igbeva, ukiukin ọlẹn ọrhẹ mọ. Ebe si ọnẹ orhan da lui amuegbe danlan si agbọn. 3 Akha kia mi ekkhhua. Eguai si Osẹlẹbua bi si uteghe Oghogho kea ri vbi ọrẹ okpẹvboi lẹn, ẹghẹlẹn eguomadia si ọle ke agai. 4 Eke ada we ẹlo isọle, elinlin isọle ke ari vbi ẹhai sialẹn. 5 Akha kia mi asọn. Ekha kea mmi ebe rhẹ urhukp da efa si ọẹin rhumuda Osẹlẹbua kea vbale ku alẹn vbi egbe. Ekea rhi ẹvboi khian rhẹ so nẹ nẹ nẹ. 6 Ukọ si Osẹlẹbua da ẹmẹ, "Eni ẹmọin na lu ukutu bi ata, orẹ mọlẹn mai, Osẹlẹbua si eti si ihẹin isọle, ọlẹn zi ukọ isọle rhẹ ma eguọmadia isọle ebe ghele sunu. 7 Ka lowe, ivo de vbi ọi sẹ tẹ gbe na. Ihianba lọ rhe zi ọne rhẹ ọvbi eba ta vbi ọrẹ ebe na. 8 Eme ni Johni eme họin bi irhẹ ẹlomẹ mie ere mi na gbei. Bi irhẹ họn, ida gbo rhi elo mẹ mie, ida sẹkẹin rhu ni uko si si Osẹlẹbua ni rhẹ gai, orẹ nọ rhi ene mi na gbei ma mẹ. 9 Oda ta ma mẹ, ọrhẹ me kha kie lui izo, ọya na bi uwe ẹlẹn ilu, bi imion ne lu ihẹin si Osẹlẹbua bi ere rhẹ vbi eba ta vbi ọne ebe na! vba gi Osẹlẹbua. 10 Ọda ta ma mẹ, kha rhi ẹmọin si imiẹlo si ọrẹ ebe na lele ẹghẹn si kẹ otọ 11 Ọre ọi funlan, oi ghe a lu ọkhọlọ khian kẹlẹ-e ọrẹ uwẹnlẹn si ọle gbiluan, oi du uwẹnlẹn isọle a gbi luan khian kẹlẹ-e. Ọrẹ ofunlain, ọi to to obọ vbọ. Ọrẹ okhiai, ọi a ghe lu emi okhia khian kẹlẹ-ẹ. 12 Ka lo me, ivade vbi ọi sẹ tegbe na, ihọnmọ ohan isẹ mẹ rhẹ khan lẹn mẹ ni iọ rhẹ hale ọdeọde osa si ebi ọdeọde lue mi 13 Ema khi alfa bi Omega, ọnẹ ọrhalo bi ọnẹ kpi ehimi, igban re bi irhẹ so 14 Ihianba lọ rhe zi ene họi oju ukpọn sialẹn fulan na da miẹ itoto mi ne ọrhẹ le vbi ikperhan si ẹdẹagbon bi ene ọrhẹ lo vbi ọrẹ okpẹvboi lẹn 15 Uwele ọlẹn awa ri, ere rhi ọhẹin si ẹbọ, ene gboghẹlẹ, ene gbugbai, ene gẹbọ bi ọya khi ọya ne ghọnghọn vbi emiebe na lu 16 Ẹmẹ ni Jesu ọzi uko si Osẹlẹbua rhẹ ta ma ene mi na gbei rhẹ zi isọsi ẹrhẹn me. Ẹmẹ khi ukpi ilinlin bi ọrẹ da vbi oa si Dafidi delanre ukpahienhien isi eyọkpa noka ka bọ vbale 17 Eti bi ọvbokhan leke tai, vare ọnẹ ọhọin ọi ta, "vare! ọnẹ ohan mẹ ia gbe, ọnẹ ọya ivare, ọnọi-a fẹlẹ, ọi vare ọẹn amẹ ọhẹn si areghe si ọnagbọna. 18 Irhi ọsẹi ni ọnọi rhẹ ahu nọ họin eba ta kpo toi no ri vbi ọnẹ ebe na. Ọnọi hianba eba vin ọvbi ọrẹ ebe na, Osẹlẹbua ke hianba emiami na ta kpo tọi vbi ẹkẹin ọrẹ ebe na 19 Ọnọi hian vbọ re vbi eba vin ọvbi ebe na, Osẹlẹbua ke hian vbi ohọnmọsi oreghe si ọra gbọna re na vin ọvbi ọrẹ ebe na re nai ̣ 20 Ọnẹ tẹ ene ẹmọin re tai, vbi ata, iva de ẹjẹẹje aimin! Vare Jesu nọ mọlẹn mai 21 Ẹse ọhẹn si Jesu oi de ba mai gbe. Amin.