Uhọmọi 15

1 Ida da we ayẹlẹn ọvbei vbi elinmi, ọgbai, ọkinlin ohianlolo: ukọ si Osẹlẹbua ihinlọn bi emami inhinlọn, elu emiami ne ke kpehimi, enẹ emiami na ọkiọ zẹ ọkhọlọ vbẹ kẹin isi Osẹlẹbua ọfoi. 2 I da we emi bi okpẹda si ughegbe ni erhain ri. Ene mu zan kpẹn ọrẹ eda khi ere khọlẹn mi otọirẹ vbi egbe si ọnẹ elanmi bi amazẹ isọle, bi evboi ne rhi elinlin sọle khian. Eda mu afan ne buin mọlen vbi ebọ ni Osẹlẹbua rhẹ ni alen. 3 Eda su ilolo si Mosis, ogamadia si Osẹlẹbua, ilolo si ọni uteghe oghogho lẹn. Ọkhuai bi emi ọhainlolo khi obia isẹ, Osẹlẹbua, nọ khuai, ọkhiai bi ata alẹn khi ukpodẹ isẹ oje nọ mọlẹn agbọn. 4 Ọi khi ọnọ kha lofẹn isẹ ọnọ mọlẹn mai, na da rhi okhai na? Uwẹ ọkpa khiai. Agbọn gbei khẹo va re, ake-a ga vbi odalo isẹ rhumuda obia nọsẹn nu biai arhẹ lẹi ma.'' 5 Ena gbei ke rare ne, ikalo we, bi isọsi nọ khua akun ukpọn si ọsẹli gho gho, atu ze lọiia vbi elimi. 6 Vbi ezọ ka ka fulan, ukọ si Osẹlẹbua ihinlọn ede lanre, emu emiami inhinlọn mọlẹn vbi obọ. Ukpọn ilili arhẹ rhuan lẹn nọ ka ka bo họnmosẹn eda mọlẹn ọgbẹlẹ si ẹkan re la ga akan mudu isi alẹn. 7 Ọtu ọkpa vbi ene ẹvboi enẹ lẹn, mu ni itasa si elọnmọn inhinlọn ni ukọ inhinlọn si Osẹlẹbua ni ọkhọlọ vbi ẹkẹin si Osẹlẹbua ri, nọ ari vbọ igheghe. 8 One isọsi si Osẹlẹbua lẹn da ke kinlin ighighọn si ọkhai si Osẹlẹbua bi ahu isọle. Ai mi ọnọ meti lo vbọ sẹ vbi ẹghẹn nẹ ọnẹ emiami inhilọn lẹn nọ ri vbi obọ si eni ukọ inhinlọn si Osẹlẹbua rhẹ fo.