1 Ada rhi ukporhan ime ri arhọi ma emi bi ukporhan isi ikhu. Ada tama mẹ i akhọre ni ma oa si Osẹlẹbua bi alui ikutẹ isọle bi ene gai vbọ 2 Ama ikha ma abuwele si ọnẹ oa, rharhi ake muọi ri ẹkhẹn Gẹnta. Eọ guọghọ ọnẹ okpẹvbọ nọ khua lẹn-a vbi ẹkẹn uki egbọleva, ikpai eva 3 Iọ rhi ahu ni etueva ne kpame wewe rei rhi ohẹin vbi ikpea bi ukin inhein bi ikpẹdẹ igbelihein eke kun ukpọn si Akhie'' 4 Ene khea wewe na, alẹn khi orhan eva na etue alẹn olie adogan eva isi urhukpa re muzain vbi odalo si Osẹlẹbua vbi ọnẹgbọna. 5 Akha miẹn ọnọ mamai khi ọlẹn kuanlẹn, erhain ke da vbi uwu sianlẹn delanre ọke khue ighilalẹn lo, ọnọ mamai khi ọlẹn kualẹn, inai gbolo alẹn-a vbi ebi tai na. 6 Ene wewe na mọlẹn ahu re ọrhẹ mu okhumu mọlẹn na da miẹn amẹ kha kie rhuẹ vbi ẹghẹn ne arhẹ bi ọnẹ obin na. Emọlẹn ahu re ọrhẹ rhẹ amẹ kin esajien egbe mu emiami fiọ vbe ọnagbọna se de ọkhẹlẹn alẹn. 7 Ekha ke bi ọnẹ obia na nẹ, elanmi nọ da vbi ọnẹ ẹrhai nọi mọlẹn ẹzọ sẹi ke mu okhio de alẹn egbere ọke ni alẹn khọnlẹn, ọgbolo alẹn-a 8 Ekulomi si alẹn ki ri vbi ukpuwele si ọnẹ okpẹvboi len (na rhi itan bi evbele etioi sodom bi ijiriti) eza da khalen ọnọ mọlẹn alẹn vbi orhan. 9 Vbi ẹkẹin ikpẹdẹ ea ẹvboi eso evboi ededan re zurholo iki ke vbi ọnagbọna ke a kalo we egbe isialẹn. Akha yanma nai rhẹ rhẹalẹn tọn. 10 Ene ri vbi agbọn ẹghẹbẹn, ke aghọghọn, eduje. Evboi ke a rhi emi zi egbe rhumuda ene etu eva ne wewe na, erhẹ agbọn elo miemi 11 Ama ikpẹdẹ ea kha ke ra re, eti si oreghe ro da vbi obo si Oselebua vare ke lo alẹn vbi egbe, eke rhi ikpai muzan. Ofen rọ gbei ke a mu agbọn re da we alẹn 12 Eke họn akhue urhu da vbi okhumu elimi re la ma alẹn, vba vare vbi elan. Ẹghẹlẹn, eke rhẹ khalẹn ihuamẹ lodẹ vbi ukhumu elimi, igilan isi alen kea kalo we alen. 13 Vbi ọnẹ ẹghẹna otọ ke muva-a ọbọkpa vbi azi igbe vbi ọre ẹvboi lẹn ke khuelo sẹ sẹ sẹ, odi isinlin re keọ ke re, ama gbe alẹn vbi udu, ofẹn mu alẹn, eke a gẹn Osẹlẹbua nọ ri vbi elimi 14 ọmiamọlẹn ri izeva ra re. ọni zi-ea ọvade ẹje-ẹje. 15 Ukọ si Osẹlẹbua ri zi inhinlọn fiemi vbi akala, urhu ne buin gui iyenmi, erhẹ ta, agbenjiele si ọnagbọna kilin isi Osẹlẹbua bi kristi isọle, ọlẹn ke khi rhẹ so nẹ nẹ nẹ 16 Eghelen, ene ikpesa etui-vei bi enẹ re de hai vbi aga si alẹn vbi odalo si Osẹlẹbua sẹkein rhu vbi otọi, Eda gẹ Osẹlẹbua. 17 Erhẹ ta mai rhi ekhuẹmẹ ni Osẹlẹbua ni oje nọ gbai, olẹn ni ọrhi vbọ ni ọkpẹ rivbo, rhumuda ukpẹ miẹn ahu sẹ ni ọkhua ugbo kin oje nọ rhẹ agbọn khian. 18 Onẹ agbona da mọlẹn ọkhe vbẹkẹin ama ẹkẹin khọlọ isẹ ọvare Eghẹn sẹi ra rhẹ vbu ẹzọ si ene u-u. Bi ẹghẹn ni uọ rhẹ rhi elele ri eguọmadia ise ne lui nọnsẹn bi ihẹin. Ene mọlẹn urhẹọvbọ bi ene mọlẹn a lofẹn isẹ, ivbioguei bi ikhaẹmọi Ẹghẹn sẹi nẹ uọ rhẹ khuele lo ene khuele agbọn lo. 19 Isọsi si Osẹlẹbua no ri vbi elimi da ke tuzea bi ẹkpẹti si ebe nọ khua si Osẹlẹbua ọda zi egbe de lanre vbi ẹkẹin ọnẹ isọsi. Ivbie vbie urhukpa, ayan si avan, otọ nọ va-a bi okpefiolo.