1 Ọsẹi vbẹghẹn li Jesu kerẹ ni ivbokhan sọe tẹmọi nẹ, ọ khuaegbe vba lodẹ ẹvboi evbei ọ wewe bi na emi. 2 Vbi na, Jọni ke họn vbighan emi lọ u, ọ zivbokhan sọe uhọmọn rẹ ọi, 3 ''U wẹ khọ lọ vade, da imai muzan khẹ ọya ọvbei?'' 4 Jesu ayẹn aẹn, ''Akhian, tamain ebu miei bi ebu họin! 5 Ele ruẹo dawodẹ, ekhii khian, Ekhọmitẹn fuain, ele zehọ chie hẹmọin, ele ui chie akhọre bi ele fẹẹ, ategbegbẹmọi maẹn. 6 Ihianba khi sọ lọi khọ ẹkẹm mẹ.'' 7 Ebe li mọhe kei khuaegbe, Jesu rẹ bẹẹ vbẹmọi si Jọni ma elagbọn.'' Emi vba lodẹ ọ fẹẹ we vbe ziemiọso ri [otọi ebubu]- ukporan lefioo fi? 8 Ama, emi vba deanre lodẹ ọmiẹ-ọmọhe logbali kpọn? Ata, ele gbali kpọn lei ohia oa sije a da miẹ aẹn. 9 Ama, emi vba lodẹ uwee ọ miẹ-ohẹin? Eei, i tama vba, lẹ ohẹin. 10 Ọẹn khọ na, la vin ẹmọi sọe, 'Wee, i zukọ mẹ vbi rao vba, lọ enkhu kpodẹ hẹ vba.' 11 I tama vba, ata, vbuse seli khuoho vbiai, amiọlọ li Jọni lọ samẹ. Ọrẹ ri zọ, ọlọ kpotọi lẹ vbokhumeimi gbalẹ ọi. 12 Da vbẹghẹn si Jọni lọ samẹ rẹ sẹ vbi na, ẹguai sokhumeimi mi ọkan, ọlọ zọkan ọ ri didu mọọn ọi. 13 Ọhiọ Ihẹin bi uhi kpẹ miẹo Jọni kpẹ vare, 14 ivbai kha mu egbe livba ọrẹ yama, ọẹn khi Elaija lọ khọ vare. 15 Ọlọ mọ ehọ ọi da ehọ. 16 Emi ke ọrẹ oo orei na? Ọu bivbokhan le yee vbekin, le dehia aetiegbe 17 ta, ''imai khue akaa na, uu gbemi. Imai gbaiguẹ u viẹ.'' 18 Ọhiọ, Jọni ivare ọeko da ọdẹyọn, e tai, 'Ọ mọ etiọbe.' 19 Ọ vbiọya vare, ọ ebae, ọ ọin, e tai, 'We, ọmọhe lọi khuẹn bi ọdẹyọn, ọmọọ ele miẹ eghoga bi ekhẹn olọkhọọ!' Ama, ẹwain ọrẹ ọi uemi.'' 20 Jesun rẹ bẹẹ arọkhọ vbẹkein ni uhọmẹvboi erẹmẹ loda uemi legbai tẹmọi, ọhiọ khei sẹ oẹkẹin delu ẹẹn. 21 ''Ikhueo ọzivba, Chorazin! ikhueo zi vba, Bethsaida! Akha kha uemi lọkhua vbi Tyre bi sidon la ui vba, e kha da oo ẹkẹin deluẹẹn vbe sẹmikpọn bi emọn. 22 Ama, amọọn igbẹo ra vbemi li Tyre bi sidon lẹ vba vbi vbuẹzọ. 23 Ivbai, Capernaum, Ivbai ẹgbe khi vba mọọn Ikhuaere rẹzo okhumeimi? eye, a sivba yotọi li Hades. Ọhiọ, akha gare Sodom ada uemi lekhua elabọ la ui vba, e kha sẹ kẹre rẹsẹ vbẹẹi. 24 Ama, i tama vba, khọ ọre li Sodom lẹ vba, ukpẹi vbuẹzọ.'' 25 Eghẹẹn Jesu tai, ''i rọkhai na, Era, Ọlọmọẹin otọi bi eimi, ọhiọ u relemi na hee le le ẹnwai bi elemi muaẹn ẹo kuere, u rẹọi ma elai maẹn emi, elabi vbokhan li kere. 26 eei, Era, ọhiọ izọ ọda họmọn vbẹo sẹ. 27 Era mẹ khọ ke muemi erẹmẹ ọ mẹ vbobo, ai muọlọ ẹn ọmọn, ukhai miẹ khera ọkpa, ai miọlọ ẹn Era, ukhai mẹ ọmọn bi ọlọ khọn ọmọn lọi rẹma. 28 Buu mẹre, ivbai erẹmẹ le mọọn okpokpo lọ gbalẹ vba, iọ ri fietian ivbai. 29 Ivbai mu ẹmọi, vba mama vbobọ mẹ, ọhiọ lọ re, avbiẹ gbemẹ vbudu, ivbai ọ mifietian vbo reghe vba. 30 Ẹmọi mẹi miamẹ, Ihiẹ mẹi ọu hẹghẹ.