Uhọmọn 8

1 Rẹzẹ khẹn ọhi na, i khu elo che ri vbọ rẹzi ele ri vbi Kristi Jesu. 2 Vbi otọ emi, Se ti, So reghe vbi Jesu Kristi, ọ kin amie fan Sẹmẹ rezi otọ emi Sọ ọkhọọ vbi u-u. 3 Rẹze bu uhi meti rẹ u, rumudi ọkin ọ ẹmẹ rẹzi ikpa-kpa egbe, Osẹlẹbua ọ ẹhẹn ọin. Ọ zo vbiọ ela bọ lọ mọin ọkhọọ Si ikpa-kpa egbe, lọi rẹ rọi kin ọkhọọ, bi lọi rẹ gbọi khuelo, ọkhọọ Si ikpa-kpa egbe. 4 Ọ u ena, lai rẹ miẹ khi emie So su uhi ọ kin ebe diọ vbọ rẹ zi mai, lei bi obia Si ikpa-kpa egbe, ama isi eti lọ fuan. 5 Ele rẹ khain obia isi kpa-kpa egbe, e da ehọ rẹzi emi Si kpa-kpa egbe, ama, ele rẹ khain obia seti, e da ehọ rẹzi emi Si eti lọ fuan. 6 Udu lọ rẹ khain emi Si ikpa-kpa egbe ọ kin ebe ui, ama, udu lọ rẹ khain emi Si eti, Ọ kin oreghe bi ofunre. 7 Udu lọ rẹ ọ vbi emi Si ikpa-kpa egbe, ọ kin o ghian So Sẹlẹbua, rumudi ọi di e re zo Selebua bi uhi Sọle, ọi mọin rẹ wọna Sọle. 8 Ele ri vbẹ kẹn ikpa-kpa egbe, emeti ze khọn-khọn zo Sẹlẹbua. 9 Ọ ke rẹ dei na, uri vbẹ kẹn ikpa-kpa egbe, ama ẹkẹn eti lọ fuan, a kha miẹ kha ata ọ khi eti So Sẹlẹbua rẹ khan ẹn. A kha mi ọlọi mọin eti Si Kristi, ọ kin ọlọi ri vbi u Se ọi. 10 Kristi kha riẹ vbe egbe, ikpa-kpa egbe ui, rẹzọ ọkhọọ, ama, eti lọ fuan kia ri vbọ rẹzi ebọ khai. 11 Akha mie, eti lọ khua Jesu a khọ re vbi kẹbẹi, kha riẹ vbe egbe, ọlọ khuai Jesu a khọre vbi kẹbei, ọ ro reghe ọ vbi ikpa-kpa egbe Sẹ-ẹ rẹzi eti lọ riẹ vbe egbe. 12 Rẹzọ na, imiọn, mai kin ọwosa, ama, ọi wi rẹzi ikpa-kpa egbe, lai rẹ a wemi Si ikpa-kpa egbe. 13 U kha wọlọ wemi Si ikpa-kpa egbe, u kin ọlọ ghe u, ama,ọ ke da kin emi Si eti, u da gboi khueto emi Si ikpa-kpa egbe, u kia ọ mọin oreghe. 14 Ele da rẹ khain eti So Sẹlẹbua e kin ivbo-kha So Selebua. 15 U kiin ọlọ mieti Si okpo-kpo lọi rẹ kin ọlofẹn, ama, ukiin ọlọ mieti lọ kin ọmọ, lai rẹ viẹ echọi "Era le Era". 16 Ọle eti tobọ e kin osẹi rẹzi eti mai, khi mai khi vbio Sẹlẹbua. 17 Mai kha kiin ivbia, mai gbo kin ọlọ uku, uku So Sẹlẹbua. Bi mai kiin okugbe rẹzi Kristi vbẹ mọin uku, ọ kha gele de, khi mai rẹ khan ọn oya, mai gbo kiin rẹzọi ọkhai Sọe. 18 I we ọi khi ọba'a Sọ lẹ ghẹn na, ọi Se bi okutu Sa rẹ O O ọkhai latuze a rẹ mamai. 19 Vbi ẹjẹje Se ba ẹhẹin ọ kian sa rẹ ma'a Si ivio Sẹlẹbua. 20 Rẹzi eba ẹhẹin, ọkin ebọ họn-mọn, oi wi rẹze egbọi, ama rẹzi ọlọ ẹhẹin izọ, ọ ri vbẹ kẹin muzeze Si ina khọi zetgbe, 21 lai rẹ miẹ khi eba ẹhẹin ọi kin oghumu isebe ria'a bi lai rẹ miẹ khi ọde-an re vbe ba fan rẹzọ khai isi ivbo-kha So Sẹlẹbua. 22 Mai ẹn khi eba ẹhẹin erẹmẹ eri vbẹ kẹn okpo-kpo bi obia Sọba'a rẹ Sẹ vbọ hira. 23 Ọna ọkpakọ, bi rẹzi mai, le mọin ọ hẹn-hẹn Si kpe-ran Si eti, isi egbe mai lọ kin eviẹ Sọ ba'a rẹzi egbe mai, muzan khẹ ẹghẹn li mai ọ rẹ kin Ọmọ vbi amiefan Se gbe mai. 24 Rumudi ẹ mọin muzeze ada miẹ mai fan. Ebi mai da mọin i muzeze, ọ kpẹ Sunu, ama, ọkin ebai Sẹ miẹ, ọlọmọin ọli muzeze muzan vbi eba dawe? 25 Mai kha mọin i muzeze rẹzi ebi mai dawe, mai ke muzan khẹ ọi vbi fun egbe re. 26 Rẹ khian vbọ lu kpodẹ okpa na, eti lọ fuan mọin i rẹ kpa zi mai rumudi ọ ẹmẹ Segbe. Rumudi, mai ẹn ebi mai meti le rọn-mọn, eti da muzan i mai vbi ẹmọin bi ọba'a. 27 Ọlọ fẹ ii ebe ri vbẹ kẹn udu, ọ kin ọlọ ẹn udu Se eti, rumudi ọ muzan rẹ kha-ẹn ele miẹ họn rẹzi ebo Sẹlẹbua fẹ ọi. 28 Mai ẹn rẹzi ele họn mẹ kẹn Osẹlẹbua, ọ ẹhẹnemi erẹmẹ kugbe vbọ họn-mọn. 29 Rumudi elọ kin elọ-ẹn, ọ ẹn ẹ mọin agbọn Sẹ-aẹn le rẹ kin ọlọ deba odudu Sọ vbiọ, lọi rẹ kin ohẹn-hẹn Sọ Ọmọ vbẹ kẹn imiọn le buin. 30 Elọ ẹn ẹ mọin agbọn Si aẹn, ọ kin elọ echei. Elọ echei, ọ kin elọ kpe khia, elọ kpe khia, ọ kin elọ rẹ ọ vbọ khai. 31 Emi mai kiọ ẹn rẹta rẹzi ele mina? O Sẹlẹbua kha dẹba mai, ọ kiọ kin oghian rẹzi mai. 32 Ọlọi mọin ituohan rẹ gbe rai ovbiọ, ama, ọ rẹ ọi kin izobo rumudi mai, e miọn kha rọi re emiọhen Si emi erẹmẹ zi mai? 33 Ọ kiọ suẹzọ rẹzi O Selebua vbi elọ zẹi? O Sẹlẹbua ọ kpe fuan. 34 Ọ khọ lọya la gbe kuelo? Kristi khi ọlọya lọ u ọ mai vbọ, ọ gbe rai ọna re, a gbo khue ọ akhọre. Ọ mọin ahu Si Osẹlẹbua vbi ehe Si ikhua ere, ọ gbo kiin ọlọ muzan kioya mai. 35 kiọ meti khazẹ mai re vbi ihọn mẹ kẹn Si Kristi? Igbo egbe ọ, ọi fun re ọ, ọ kaka ọ, o hanmi ọ, ibanọ an ọ, i ria emi an ọ, ọ bẹn ọ? 36 Rẹzi ebai vion, lọi rẹ kin ebe họn-mọn, mai da kin eba gbei ẹkhẹn erẹmẹ. Mai da kin igho-gho ze le gbọi. 37 Rẹze na erẹmẹ mai gbe ra akhọe miotọ rumudi ọlọ ho ẹkẹn mai. 38 Ọ mumẹ ẹ o kuere khi emi ọ So che ri vbọ, u-u, oreghe, ukọ, agbọn, eba dawe, ebe ọ vare, ahu. 39 Ebe Yokhumu, ebe yotọi, eba maii lọ che meti khazẹ mai an vbi họn mẹ kẹn So Sẹlẹbua lọ ri vbẹ kẹn Kristi Jesu lo je mai.