Uhọmọn 4

1 Emi mai kiọta rẹzi Abrahim, era mai li ghe-ghe, ẹmọi sikpa kpa egbe, larẹ gbọn? 2 Akha miẹ khi Abrahim khọ khia rumudi obia, Ọ kha'a mọin ebe Shiọ ọ vidẹgbọ, ama ọi wi rẹzi Osẹlẹbua. 3 Emie bavin So Sẹlẹbua tai? Abrahim ọrẹ ọvbẹ mọin So Sẹlẹbua, ada vin rẹzọi khọ kin ọya lọ khia. 4 Ọlọ bia la hao ọi osa, ọi wọ la riemi ni vbọ ọhẹn, ama ahaọi osa. 5 Ama, ọ kin ọlọi bia, lọ rẹọ vbi Osẹlẹbua lọ vbu ẹzọ Si elei rẹ ọi vbẹ mọn-amie-họn Sọe ọkin ebe dia. 6 David khọ gbo tẹ mọin ọ vbi egbe-gbe mi rẹzi ọmọhe lọgo Sẹlẹbua vbọ odia loi biobia lo bia. 7 Ọtaọi, i rẹkpa ọ rẹzi elei mami egbe-gbe mi vbu udu la gbe kua ni. 8 Egbe-gbe mi ọ rezi ọmọhe lo Sẹlẹbua kọ ọkhọọ rẹ kha-ẹn. 9 Ọle gbe-gbemi na, ataọ rẹzi ele ruẹẹ abi rẹzi elei ruee? Mai ta ọ, "Amie-họn ọkin eba rẹni Abrahim vbi ukpodọ khia. 10 Emiai kọ.ọ nai? Ekhen le Abrahim rẹ ruẹẹ abi lọi Sẹ rẹ ruẹẹ? Lọ rẹ ruẹẹ kọ, ama lọi sẹre ruẹl. 11 Abrahim, arẹ nai ẹdede Si oruẹl. Ọnai khi uvbo Si ọdua vbi amie-họn lọ kin ebọ mọẹn, lọi sẹrẹ ruẹl. Ituzea Sọ lẹdede nai ọn khi, ọ kin era rẹzi ele mie-họn erẹmẹ gbei, ọkha rẹ kin elei Sẹ ruẹl. Ọna rẹma-mai, kha rọ ọdia ni-an-ẹn. 12 Ọna gbo rẹma-mai khi Abrahim ọ kin era rẹzi ela ruẹl, ọi kin ela ruẹl ọkpa tei ama ele rẹkhai ukpodẹ Si amie-họn Se era mai li Abrahim ọkpẹsẹ khọ ruẹl. 13 Atakpoto rẹzi Abrahim bi rẹzi ivbo kha Sọle rẹ davbo tọi rẹso. Ọi ọkin arẹ uku So lagbọnna, ọi de-an re vbẹ mọin uhi, ama vbẹ kẹn ọdia Si amie-họn. 14 Akha miẹ khe le rẹkhan uhi, ekin ele ọ u uku, amie-họn ọkin aho-o, bi atakpotọi ọi kin emiọ So. 15 Ebu uhi riere khi ọba'a, ama, ezadai mi uhi, ifidọn ọ rivbọ. 16 Rẹzi ena gbei ọkin amie-họn, lọi rẹkin atakpotọi esiọhẹn aẹn bi atakpotọi rẹzi Abrahim bi ivbo-khan Sọle, rẹ davbotọi re rẹso, ọi kin ele rivbu-uhi tei, ama, rẹze ele kẹn vbi amie-họn isi Abrahim. Ọkin era mai erẹmẹ, 17 eba vin-ọn, "i rẹ-ẹkin era rẹzi uma le buin", Abrahim rivbi dao Sọle, ọlọ gbai udu Sọle, li khi Osẹlẹbua, lo ri oreghe li ele uloi, bi ọ echei emi lei rai rivbọ rẹ a rivbọ. 18 Ọkha kerẹ kin oruẹl Segbe, Abrahim kakabọ gba udu Sosẹlẹbua rẹzi odao lọi dawe. Ọna rẹ ọi kin er Suma le buin, rẹkhian vbi ebatai re. 19 Ọi ẹ ọi vbi amie-họn. Ọ mu Abrahim ẹ o kure khe egbe Sọle kha meti rẹ mọin vbokhan (rumudi ikpe Sọle ọkẹkere vbi egbọ i hė̇n). Ọgbo mie yama khi ekpọmọ Si Sarah kha meti rẹ vbi ọmọ. 20 Rumudi atakpotọi Si Sosẹlẹbua, Abrahim miẹ yama rumudi amie-họn. Ọre dei na, ọsudu vbi amie-họn bi ọgbo ẹn re a gẹn Osẹlẹbua. 21 Ọ mie yama zo Sẹlẹbua vbi atakpotọi Sọle, khọ igbedelọ Sẹ mọin. 22 Rẹzọ na agbo rọi na khi ọ khia So Sẹlẹbua. 23 Ai vin na rumudi e-e-le Sọle, la rẹ nai. 24 A gbo vin-ọn rumudi mai, lai gbo rọi zi mai li mai mie-họn Sọle lọ khua ere Jesu mai loje vbi agbidi Sele uloi. 25 Ọna rẹ kie mai oya vbi ifiobodọn bi a gbo ri ọi akhọ re vbọ khia mai.