Uhọmọn 11

1 I mi-an, Osẹlẹbua khọ Suafia elọ mọ-ẹn? Ọkha dei zọ. Rẹzẹmẹ Israel khẹme, rẹda vbotọ avbade isi Abraham, ẹvbo isi Benjamin. 2 O Selebua Sua-ẹn fia ele kin Sọ e, lọ ukpe khọ-ẹn. Ukie-ẹn ebi ebe lọ fuan tai rẹzi Elijah, ebọi doabọ lo Sẹlẹbua rẹzi Israel? 3 "Oje, "E rẹ khan ohẹn Sẹ gboa-en-an, eduẹ wẹ ikutẹ a. Ẹmẹ ọkpa kekẹre, bi e khumẹ lei rẹ miẹmẹ oreghe". 4 Emi khe anyẹn Sosẹlẹbua rẹ zọi? I rẹza rẹzegbe mẹ imọnhe egbọi hẹin vbo di gbe vbo di hiọn (7,000 men) lei dedi gua lẹbọ. 5 Rẹ khọ na, vbẹ khẹn lari na, eso sisẹ ri vbọ rumudi ehe Si ẹsiọhẹn. 6 Akha miẹ khi rumudi ẹsiọhẹn, ọi che kin emi Sobia. Kha khọi wi ẹsiọhẹn ọi kha kin ẹsiọhen. 7 Emi ọ keu? Emi li Israel lakhu, ei mion, ama ela zẹi e miẹ-ọn, ele kẹre a mu-an-en udu zeze. 8 Ọ de ọ vbi eba vi-on: "Osẹlẹbua rẹ ni-an-en eti Si igbe-wain, ẹo le kha dawọdẹ, ehọ le kha rọi hemi, rẹzẹ vbu kpẹ lẹ ẹna". 9 David ọta-ọi, "Du kpọkọ Sẹ-an-ẹn kin ivbi bi akobe, udo lọ fiọya gbe bi ọba'a rẹzi-an-ẹn. 10 Lẹo Si an-ẹn rẹ kin odobi le kha dawo de, bi le rẹ guẹn ehimi re kẹle-e". 11 I taọi, E mukuẹ So lei rẹ de? Ọkha dei zọ. Rumudi idemi Se-an-ẹn, amiẹfan da di Gentile egbe re, lai rẹ mie a Si Okhọ vbẹ kẹn bi oghian rẹzẹ-an-ẹn. 12 Idemi Sẹ-an-ẹn kha kin ẹfe rẹza gbọn erẹmẹ, bi azẹ khua Sẹ-an-ẹn kha kin ẹfe zi Gentiles, Ọ kha gbalẹ rẹzi amiehọn Sẹ-an-ẹn? 13 Vbi na Gentiles ini tẹmọin, eba miẹ khi ukpo kpa vbe kẹn etui gbe vba lerẹ khan Jesu rẹzi Gentiles, i mọin dẹ gbọ So bia Si ẹmọin So Sẹlẹbua. 14 Khe bai miọn, yọ shi khọvbẹ kẹn bi oghian rẹzi eli mai ko kin ọkpa vbe gbe. Ebai rẹ miẹ, ma hime So. 15 A kha miẹ khi amiefia sẹ an ẹn, ọ kin amiere sa gbọn erẹmẹ, e miọn khairi rẹzi amie yama lọ kha kin oreghe rẹ khuagbe vbẹ kẹn ele ui? 16 Eli kperan, a kha miẹ arẹ ọiza, izọ gbo khi ikperan la lọ kugbe. A kha miẹ ukpi-i-i Sọ e are ọiza, izọ gbo ọ rẹzi ikpa-bọi. 17 Ama, a kha miẹ khe So vbi ikpa bọ Sọ e abẹlọ kua, uwẹ lurẹ kin ikpa-bọi, a che kuẹ ba-ẹn, bi uche deba ẹn kẹn vbi efe Si ukpiii Sọ loran Olive. 18 Kha dẹgbọ Sọ li kpe a boran. Ama ukha khọ degbọ, ọi wuwẹ lọ kin rẹkpa zi ọlu kpiii, ama olu kpiii lọ rẹkpaa. 19 Ina wuọi tai ikpe a beran aguọ khọa, lai rẹ shimẹ ọ vbẹ kẹn ọn. 20 Ẹmuata ọ, Rumudi ẹi rẹ ọ vbọ, ada bẹlọ ia, ama, uwẹ muzan lọsẹn rumudi aniẹ họn. Kha o ọna gbe rẹze gbẹ, ama mọin ilofẹn. 21 Kha So Sẹlẹbua gbẹ o ra ọlọ kin ikpeaberan kpataki, ọ kha gbẹ o rai. 22 Kaowọna, uẹn-en bi ọkhọ vbẹ kẹn So Sẹlẹbua. Vbi Sȯ lobȯi na, ọkhọ vbẹ kẹn di Jews ledei egbe. Ama, kho bọi liọ, ifuẹn kẹn So Sẹlẹbua dẹ an-ẹn egbe re, kha khe rẹ khan ifuẹn kẹn Sọle. Kha khọ wizọ, a gbo hiafia. 23 Rẹzi an-ẹn vbọ, kha khe rẹkhan ai miẹ yama, ake kuaẹn gbe. O Sẹlẹbua mọin ahu larẹ kuaẹn gbe. 24 Akha miẹ arẹ hia vbọ re ebo Sẹlẹbua tobọi ẹhẹn rẹda vbotọi rẹre, ebe kin oran Si Olive, bi ọi kin ebọi fẹ ọi, a che kuan ẹn gbe rẹ rẹta rẹzi Jew le kin ikpẹ a be ran lo Sẹlẹbua ẹn hẹin, a che kuaẹn gbe vbi oran So Olive le kian? 25 Ifẹ ẹ lai rẹmiẹ khu ẹn ọna, imiọn me, rẹzi emi sẹ gege ẹmọin, la kha mie khuẹn wain rẹzi ioo segbẹ. Ọlemi Sẹ gege emọin leso dazudu vbi Isael, lake damiẹ Gentile ọkiọ khani. 26 Eba rẹ miọn, Israel erẹmẹ eọmiẹ fan, rẹzi ebai viọn: Ẹkẹn Zion ọda dean re, ọlọ miẹ ẹvboi fan. Ochiean-ẹn vbọre elei mọin ekpẹ rẹzo Sẹlẹbua vbi vbo khan Si Jacob, 27 Ọna ọkin atakpotọ sẹmẹ rẹzian ẹn, ẹkhẹn liọ rẹ gbe an-ẹn ọkhọọ kua". 28 Obọi lizeva, rẹzi ebe lọfuan, ekin oghian rumudi vbaa, vbi obọi liọ, rẹzi izẹmi So Selebua ekin ivbokhan lihọn mẹkẹn ọn rumudi era'a ẹn rẹda vbotọi rẹre. 29 Rẹzi emiọhẹn bi i echemi So Sẹlẹbua ọkin ebei mọin ifiegbe delegbe. 30 Rẹzuwẹ lẹkhẹn-ẹn u moin ekpẹn rẹzo Sẹlẹbua, ama vina umiẹ itohan rumudi emoin ekpẹn. 31 Sisẹ khọna, ele Jews esisẹ kin elei mọin ekpẹn. E anyẹn khi rumudi itohan larẹ kaowẹ ọgbo kin itohan lemie. 32 Oselebua ri erẹmẹ gbei gbe ọ rẹọi kin elei mọin ekpẹn, lai rẹmiẹ ọrẹ maẹn itohan. 33 Ooo, ẹkẹn-kẹn ẹfe Si ewain bi aẹmi So Sẹlẹbua! Ọkin ebai meti fẹ-ẹmiẹ rẹzi ivbu ezọ, bi ukpodẹ Sọle, ọkin ebai meti gualọmiẹ! 34 "Ọke meti ẹn udu Sọ loje, ọke kin ọlọ rioonai? 35 Ọke Sẹre khọ riemi loSẹlẹbua, loselebua ọrẹ haọi oga? 36 Rẹda vbẹ kẹn Oselebua bi rumudọi bi rẹzoi ọn i khi emi erẹmẹ. Ọn i khọkhai rẹso. Amin.