Uhọmọn 21

1 Jesu dakeọ khuaẹo yokhumu dawe lefei leriebe mọẹn ọ vẹkẹn aza'a. 2 Ọgbo ọ dawo khuoho lọimọ ọdọn lẹsọn gbe ria megho eva fiọvọ. 3 Ọda keọ tai, "ẹmuata irẹ tai, ọlo khuoho lẹsọn gbe lọimọ ọdoṇ, ebọ rie ọvbọ gbe rai se liọ erẹmẹ. 4 Aẹn erẹmẹ gbei rie veka lemọẹn. Ama ọ lọimọ ọdọn lẹsọn gbe, rieka erẹmẹ lọ mọẹn fiọvọ." 5 Eso dake tẹmọi oa So Sẹlẹbua, ebai rido hoọi osẹn bi ebẹ vboi zegho ọvbọ, ọda keọ, tai maẹn, 6 "Ena erẹmẹ livba dawe, ukpẹẹ ọso vade lamiẹ kheludo la muọn vokhu mudo na, aẹke guọ ghọ aẹn kua." 7 Eda keọ mian, "Tisa, ẹghẹn ena ọrẹ Sunu? Emi khe dede Se lemina vẹghẹn le ọrẹ Sunu?" 8 Jesu anyẹn aẹn, "Mọi fuẹgbe re lakha fiẹwain dọn. Ele buin khe ọ vare veii mẹ, tamaẹn, Ẹmẹ khọẹn, 'Ọlẹghẹn ọke Sikẹa.' Kha rẹkhaẹn lodẹ vizeso. 9 Ukha hẹmọi okhio bi agbe-gbe, kha dudu Se akpe ghe, ele mina erẹmẹ eọ sẹre khe Sunu, irẹso Sọe kha da rẹjẹje Sunu." 10 Jesu da tamaẹn, "Uma kheọ ni Uma gbe gbe, Eguai oje bi eguai oje eọ gbe gbe. 11 Otọ kea delọ khueo, ohai Sọ halabẹ bi ọba'a kea rivi viako eso. Emi lea mudu kpe ghe bi ẹdede Sọhan labẹ kea rivo khunu. 12 Ama ọkpẹ Sẹ khe lemina, eọ leabọ vba vegbe bi eọ rọba'a ivba, eọ hiẹva lodẹ voa So dodi bi ẹkẹn ighan, eọ revba dezi ọba bi gọvinọ ri, rumudi eiin mẹ. 13 Rezuwẹ ọẹke kin oviẹghẹn sarẹma. 14 Kha kpo kpegbẹ̵ vẹmọi lurẹ fegbẹ re vobọ Sẹaẹn, 15 yọ rẹmọi Sẹwain na, li ghian Sẹ kharẹ meti muzan rẹkhaẹn bi ekha meti gbọi delọ. 16 Ele ọ gbo kiẹfia khi era bi iyọn, omiọn, imiọn, imọi, bi eso vuse vba agbo aẹn a. 17 Akhọ ẹkẹn vba rumudi eiin mẹ. 18 Ama, ai mieto lọriẹ vuhọmọn lọ vuea. 19 Vẹkẹn fuẹgbe re wọ mieee rẹze gbe Sẹ. 20 Ẹghẹn lurẹ miẹ khe gba likpọn gbu gba lagai Jerusalem, miẹ yama kha gbe khueo Sọe Ọsikea. 21 Duaẹn khe leri Judea ela lodẹ vokhu moke, ele rive Sesẹ vbo lakhua egbe, bi kha dele ri vuma rẹore. 22 Enai khẹ ghẹn Si haoga, lairẹ miẹ khemi erẹmẹ larẹ vin ọ Sunu. 23 Ekhuọ rẹze le hamma, bi ele regẹn li vokhan ẹghẹẹn! Ọba'a Sọ halabẹ ọ ari vọlotọ, bi ọkhọ vẹkẹn rẹze lagbọn. 24 Eọ delọ khuọ vidawo ọgan bi arẹ aẹn kin oghumu vuma erẹmẹ, Jerusalem kekin ebi ekhẹn Gentiles ọriza be, Sẹghẹn li Gentiles ọrẹ miehọn. 25 Amiẹ dede vẹkẹn ọep̣n, vẹkẹn ukin, vẹkẹn ukpa hiẹhiẹ, bi okhumọ lagbọna. Uma kea rivẹkẹn doboo, bi okpokpo rumudi ikhuorun So kpẹda efioiso. 26 Eso kea ukhiọre vẹkẹn ofẹn Se badawe khọ vade vuma erẹmẹ Sọ lagbọna. Ahu Sokhumu kea muzerẹmẹ kpeghe. 27 Ẹghẹẹn ekeọ rẹ dawo viọya da vokhuma vade vẹkẹn ahu bi ọkhai lọkhua. 28 Ẹghẹn le lemina arẹ Sunu, muzan kẹẹ, li vba rẹ khua uhọmọn yokhumu, rumudi amiẹ fan vba, ọsi kẹa. 29 Jesu da kpitan maẹn, kaowọ lukpo ran na, bi oran erẹmẹ. 30 Ekha ke da a mikpo dodo uke ẹn legbe khẹ ghẹn ame ọsikẹa. 31 Izọ gboọ, kha khu mie le mina Sunu, Uwẹ ke ẹn khẹgẹn ọba ọsikẹa. 32 Ẹkẹata irẹ tai mavba, Ọ lagbọna khọ ari vbọ le lemina ọrẹ Sunu gbei. 33 Okhumu bi otọi akhiọ vọre, ama ẹmọi So Sẹlẹbua ọ arivọ rẹ akhian kẹlẹẹ. 34 Ama kakabọ rẹo khue gbẹ, lukha rudu ọ vẹyọn lada lọ muọya ye egbea, kha rokpo kpo Sọ lagbọna legbẹ, bi ọlu kpẹẹ khọ Sikẹa kakabọ elaba kobe. 35 Izọ khọi dọ diọde egbe re, leri vokhumọ lagbọna erẹmẹ. 36 Ama muegbe ẹghẹn erẹmẹ, lerọmọn lairẹ miẹ khu ohiai, lurẹ meti nifan vemi erẹmẹ gbei leọ Sunu, bi lumeti muzan rẹkhan oviọya. 37 Lẹdẹ rẹfuan ọda maẹvbo emi voa So Sẹlẹbua, bi ẹghẹn asọn ọẹke lodẹ vokhu moke Si Olives. 38 Ise ghiọkpa ẹvbo erẹmẹ ke varọ gaire leirẹ hẹmọi Sọe voa So Sẹlẹbua.