Uhọmọn 14

1 Ọsunu keọso, ọda keọ lodẹ voa sọga ọso vekhẹn Farisis lọirẹ debai ebae, lei miẹkhẹn rẹ dubẹẹ wọi lọsẹn. 2 Adakeọ miẹ ọmọnhe ọso lọhumẹ vbabọ bikpai dariọ vidao. 3 Jesu dakeọ miele guebe suhi lẹ vbi Jew bi Farisis, uhiọ lairẹ muọya egbe daan ukpẹẹ lọfuan abi ọi wuhi?" 4 Aẹn erẹmẹ da vounu. Jesu da rẹkhaon muọn egbe daan, tamai lọa diọvoa. 5 Oda miaẹn, ọi khọ lọya vuseva loviọ abi lemiri sọe ọdefiọ vuhai ukpẹẹ lọfuan lọkha otobọ muọn vọre? 6 Elẹ mọin fuaẹn i anyẹmi. 7 Li Jesu kerẹọ gaire khela chei veko khefei ehesi ọkhai, ọda kpitan maẹn, 8 Akha cheẹ veko So khuoho larie ọgbọn viwemi Sọe, kha lodẹọ dehia vaga Se kpẹn, rumuda ọyaọso meti arivbọ lọ mọekpẹn lẹuwẹ. 9 Ọlọ cheiva eveva kha vare, ọtama, rehesẹ lọvevaa, ẹghẹẹn urẹkhọi lodẹ vehei lọkpo tọilẹ. 10 Akha chẹ veko, ọdehia veze yotoilẹ, akha miẹ khọlọ cheẹ vare, ọtama ọmọi, lodẹ vokhumọi evbọ. Ẹghẹẹn uwẹke kin ọyekpẹn rẹze livba koko dehia laga ukpọkọ. 11 Ọlọi muegbọi moẹn kẹẹ aẹke muekpẹn nai, bi ọlọi mukpẹn legbọi aẹke muọn mọẹn kẹẹ". 12 Jesu dakeọ taima ọlọ rieọ lodẹ voa Sọe, ukhakhọ rebae lẹvbo rẹe, kha echi imọi, imiọn, idumu, dai ele Sikẹa lefei, lukha rọi oo khizọ eọ gboi echẹ rebae nae, bi lọkha kiin haoga. 13 Ama, Ukha yebae Sakoegbe, cheko Se lẹsọn gbe, ẹkhii, ele dugikpai, ele ruẹo, 14 wọmọi eee sọe rumudi ekha meti rẹ haewẹ oga. 15 Lotuọkpa vẹkẹn ele Sikoko kpẹn Jesu laga ukpọkọ da helima, ọda tamai, ihiabaọ rẹze leọ ebae vẹgẹn ọba!" 16 Ama, Jesu dakeọ anyọn, Ọmọhe da yebae So botu, bi ọda cheko sẹvbo lebuin. 17 Lake rẹọyọn lebae nẹ, ọda zọviẹn sọe lọi che cheko Selachei, ọda aẹn vare khẹmi erẹmẹ muegbe. 18 Ọda ube komoma. Ọkpodao tamai khoẹn dotọi nọẹn khọfẹwe. Khakọn dẹmẹ lodẹ. 19 Ọyọvbe gbọ tai, I di ẹsi eva, ifẹẹ lirẹọ damẹ aẹn fẹẹwe. Khakọn dẹmẹ lodẹ. 20 Ọyaọse gbo tai, I riokhuoho ọgbọn rumudọ ẹn, ikha miẹho rẹvare. 21 Ọlo ghumu da chere taima ọga sọe emi erẹmẹ. Ọlọga Soadabẹẹ vikhọẹkẹn bi ọtaọi ma ọviẹ sọe lọi ẹjẹje khian vukpagọ bizerẹmẹ vọlẹvbo lọi bẹẹ khọ eche lẹsọn gbe, ele kin ẹkhii, eruẹo, aẹn bi ele dudukuẹ. 22 Ọloghumu datama ọga sọe, ebuzeimẹ ikewọi nẹ, bi ẹkọa Sisẹ kẹre. 23 Ọga dakeọ taima oghumu, Rẹkhan ukpodẹ lọkhua bi ehimọi lurẹ rididu muaẹn vare loamẹ rẹvuọn lẹvbo. 24 I taọima,ela chei veko lei vare kha runu somẹ vebae". 25 Vbina usese lebuin da rẹkhaọn, ọdakeọ delegbe niaẹn tẹmọi. 26 Ọlọi da bumẹre lọi khọẹkẹn Se rai, Siyọi, Sọhai, Somiọn lọmọhe, Somiọn lokhuoho, aẹn bi rẹze gbọi, ọkha meti rẹkin ivokhamẹ limai koko rẹkhian. 27 Ọlọi da mu ọgbẹan sọe loirẹ buumẹ re, ọkha meti kin ọvokhan lọrẹ khaẹmẹ. 28 Ọi khọ lọya vuseva lọfẹẹ lọirẹ zoohumu lọkha dehia kaowe kalọmọẹ bi ebọdẹlọ, Sọ kha bẹẹ vbọ, Sọmeti rẹzọinẹ? 29 Ọkha de khọ bẹẹ ivbọ, ọike meti rẹfoọi vobọ, ọẹke deọ vunu agbọn, 30 e ẹkeatai, ọlọmọnhe na bẹẹ voa izẹmi oi ke meti rẹfoọi vobọ. 31 Ọike khọ loje, lọkhọ ni oje ọvbe khọẹn, lọkha Sẹre khọ dehia fẹi ẹwain Sọmeti rẹ gbẹẹ igbe Si mọnhe rẹni Oje liọ lọmọi ẹgbẹẹ uwẹi Si mọnhe rẹkhọẹ? 32 Khakhọi wizọ, ebe le gbalikpọn eliọ Sẹi ree, ọẹke zukọ Si doabọ vọfunre. 33 Rẹzọna, akha miẹọlọi Shegbere vemi erẹme lọmọẹn, ọkha meti rẹkin ivọkhan lere kharẹmẹ. 34 Umẹi khọ nẹnẹ, akha miẹ khọ zọnẹnẹ Sọe fia, emiọn chekin Umẹi? 35 Ọi chemọi ebọdeni, ọi chehọmọn vemiọso. Ọkin eba kukua. Ọlọ mọehọ larẹ hemi, ọi dina hemi".