1 Ọhiọ sọ na rẹkhan ebo Sẹlẹbua tai ivbo ghan lọhọmẹkẹom 2 Rẹ khaẹn ihomẹkẹn gbe elabi kristi homẹkẹn mai, oda regbọi lu ihọmohan rẹzi mai, rẹ zo Sẹlẹbua 3 Ọdia livba ria a moin ẹghọ ghọ rẹzi ele gbo ghele bi awe lọ rialu, lo khia, bi ọlo vbe lo, ena erẹmẹ ọhọmọ vbo dao si vbọ kho Sẹlẹbua 4 Rẹbai i uan, emọi sẹ wobi azojiẹ bi emọin lada gbo egbe la rẹ miẹn izọ rekhuẹmẹ losẹlẹbua. 5 Umeti rẹọvbọna, ele gbo ghele, emilọkhia, ọya lọmọ ọtọvbẹlo bi oya lọgẹbọ, emọ uku sẹgbẹn ọba si kristi bi Osẹlẹbua 6 Kha dọya tẹle vbẹ mọin lọluoẹ ọhiọsọna ọkhọ lọvbẹ kẹi Sosẹlẹbua, ọvade rẹzi igho kho Sẹlẹbua lemọin akaihọ 7 Ọhiọ sọ na kha deba aẹn 8 Odobi uriari ẹghẹ ọsọ, ohina ukin urukpa vbe gbe sọ lọmọimain. Biobia si vbo ghan leri vbu rukpa. 9 Ikpẹ miẹkọ sorukpa, ọhọmọ ọkhiai bi ata 10 Mian emi lọlọmo main fele lọhọn mọ 11 kha rẹkain ikpe mi ekọ sodobi, larẹmiẹn izo, tuza sili sọea 12 Rumudi ekhọiọ laria suele mina unu ẹkẹn ulahele 14 Ebọ riau emi lake dawe ọẹn oda tai, khiọ vbomẹhẹn uwẹ lu mẹhẹi, akhọre vbe le u loi li kristi rẹ aginọ vbe gbe sẹ 15 Kaowe edia gbọnsẹ rẹzu uẹn ẹn kha doi kin ele lẹn wain, dọ ikin ele ẹn wai 16 Kao wẹ, eghẹin lake rina ẹkhẹin ikpoẹlẹ sa lu emi ọbe. 17 Rẹzọ na kha kia lu emi sukhukin, dọi muẹlo kuere, ebọ lọmọ imai fẹ oi 18 Kha dẹyọn gbe gbe, lu kha da lu emi lọi di ọvbọ ọhiọ sona deti Sosẹlẹbua vuọn egbe 19 Aniegbe temọin vbi lọlo laso, i o o sẹkẹn eti silolo ẹkẹin eghọghọ vbu du se rẹzo sẹlẹbua 20 Eghẹn erẹmẹn larẹ rekhuẹmẹ vbe mierẹmẹ vbe in in sọlọ mọen main Jesu kristi rẹzo Sẹlobua lera 21 Amọ idiegbere rẹzegbe, okin ekpẹn rẹzi kristi 22 Ọha rẹọ vbe bọ don tare. rẹzi ọlọmọmain 23 Zẹri odon khu khọmọ so okhuo, alabi kristi kin u họmọ sọ sẹ kristi ọsimuan 24 Ala bọse, dẹ ukhọmọ rezi kristi, Eha de uhọn mọre rẹzi dọn vbe mierẹmẹ 25 Ọdọn họnmẹ kẹi ọha alabọli kristi họn mẹ kein ọsẹ ọrẹ regbọi nai 26 Kristi ọmu egbọi losẹ, lọ rẹ khia lọ daramẹ kpọ ikhia vbẹ kei emọi Sosẹlẹbua 27 Lọda ri ọfuan sọse deanre lọ gboriri lọ mọin anọtọn da bolobolo lọmoin ọkhiai, omai a, an da kere 28 Olu kpodẹ ọkpa na ọdon ohọn moin luọrẹ khọ mẹkein ọha, labe egbei sẹ ọlọhọ mẹ ẹkẹin ọhai, egbọin ọhọ mẹkein 29 Ọya rivbọ lọ khọ ekẹin egboi oki atetegboi, igbẹlo wegbe, ela bi kristi rẹo khu ọsẹ sọle 30 Ọhiọ si ima, kpẹ ke deba use sọ le 31 Ọhi ọsọna ọmọhe ọke vban ọbọ si vbe gbe se rai bi yoi re, Ọẹ ke de ba ohai alen eveva ke kin ukpọkpa vbe gbe. 32 Ata lọ la khe le na, ọkhuni, ẹmọ si kristi bi ọsẹ ọenin da tẹmọin 33 Ebọrẹzegbe ivba erẹmẹ họmẹkẹin ọha, ala bọ lui home kẹin egbesẹ ọha muekpẹn lọdọn.