1 Bi mai ke rhẹ miẹn, mai ke meti ziẹngbe sẹ ọnẹ oya, ọlẹn mai da ke mama ọhọnmọi nai ti mai ọkpa vbẹ Athensi 2 Mai zẹ Timoti omiọn mai, ni mai rhẹ ko bia nẹ Osẹlẹbua vbi ukpodẹ si Jesu nọi rhẹ isudu vba bi ahu rhẹ zi urhẹ vbo ni vba mọlẹn 3 Mai lu ọna ni vba rhẹ mudu zeze vbẹ oya ni vba ri vba lẹin khẹ ọnai khi obia na muọ mai vbi obọ 4 Vbata ẹghẹn ni rhẹ ri vbẹ ezi vba ri, ma kpẹ tọ na kpotọ ima lẹ oya, ọgele sunu na bọ ni vba lẹin 5 Rhumudọ na, li ke rhẹmuẹn ike meti muzan, ọlẹn ida zena rhẹvba ni rhẹ lẹn eba amiẹnhọn isẹ kei ri. aema miẹn ọnẹ danmọya, sọ ke danmẹn vba nẹ obia isẹ mai kha kin ahoi. 6 Ama, Timoti vare ọta ma mai ebi vbai muzan nọ sẹn vbe amienhọn bi ihọnkẹin sẹ vba. Ota mai ebi vbai yere mai re ẹghẹn erhẹnmẹ khi vba fẹlẹ ni vba miẹn mai ebi mai yai gbo fẹlẹ nimai rhẹ miẹn vba. 7 Rhumudọna, imiọmai, udu mai da ze eghọnghọn vbi urhẹọvbo isẹ vba ubẹ ẹkẹn oya bi ọmiamọlẹn isẹ mai. 8 Mai rhi vbọ de khi mai muzain rhẹ khan ọnẹ mọlẹn mai. 9 Ekhuẹmẹn lẹn mai kio meti khuẹmẹn Osẹlẹbua vbẹ egbe vba vbi ọkiẹkiẹ vbe egbeni mai mọlẹnvbi odalo isẹ Osẹlẹbua? 10 Khasọn, khodami, mai kakabọ li erhọnmọ ni ma da miegbe vbi we mẹ wẹ ni ma da so vba udu vbẹ ebe kẹ re vbi urhẹvbọ isẹ vba. 11 Osẹlẹbua ni Erha to bọle bi ọnẹ omolẹn mai, Jesu oi ma mai ukpodẹ bulu vba re. 12 Osẹlẹbua duan miẹn vba gbai, vba yain, vbi ihọnmekẹin ni vba mọlẹn zi ọdiọde bi agbọn gbei ena bọ ni mai lu zi vba. 13 Oi rhi itotomi ọvba vbudu na da miẹn ivba mọi iruei vbẹ odalo isẹ Osẹlẹbua bi Erha, vbi vare isi Jesu bi Erha, vbi vare isi Jesu bi ene khiai.