1 Otuokpa vuse vba kha ni ọliọ gbe gbe, ọche ẹọ vẹzọ vi koti li ọlọi miẹhọn da kin ikhaẹmọ, dai rẹze le miẹhọn? 2 Uche ye ere khe le miẹhọn eọkin ikhaẹmọi Sọ lagbọna? Ọkha deizọ, uwe ọkin ikhaẹmọi Sọ lagbọna, emiezẹi lukha da meti han ẹmọi likẹre? 3 Ucheẹn khi maima ri ukọ So sẹlẹbua guẹzọ? Eka ke khi ẹzọ bi emọi Sọ lagbọna limai kha meti rẹgui? 4 Akha miẹ khumeti rẹ han emọi So lagbọna, emiezẹi luda muẹmọi Sẹ zelei mọin ele ri vẹkẹn ọsẹ? 5 I tọna rẹ zọkhọi sẹ. Ai che miọn lọ mọẹwain lọmeti han ẹmọi ọvba vobọ? 6 Ama rẹzi ebọi muzan, ọlọ miẹhọn ọlọ miẹhọn shegbe aẹn lodẹ vi kọti leirẹ muẹmọi zi ikhaẹmọi lọi miẹhọn! 7 Ata sọe ikhi, igboegbe kha da ari vba vesẹsẹ, vba kin ela khọẹmiọ otọ. Emi vaida mi ihọeta kilegbe? Emi uda miguo la gbe wẹọi gama? 8 Ama khu gbo yai gbọya iyuo, bi enai khi imiọn! 9 Uche en khi elei khia kha meti rẹ uku sẹguai Osẹlẹbua? Kha mie-rai yama. Emi oghẹẹ, ele gẹbọ, ele gbo ghẹẹ, imonhe le sadegbe, ele mẹhe gbeaẹn, 10 ekhẹn oi, aigbẹora, edẹyọn, ele runu riaemia, bi ele gbemiru-ena gbei irivbọ leọ mọuku sẹguai So Sẹlẹbua. 11 Ina ikhe beso vuse vba iri. Ama ukin kpefuan, ukin ọla khiẹan, ukin ọlọ khain Sosẹlẹbua veiin Si Jesu Kristi loje bi rẹzi eti lọfuan So Sẹlẹbua mai. 12 Emi erẹmẹ ọkin uhi rẹzimẹ, ama, emi erẹmẹ kọ mọi irẹkpa. Emi erẹmẹ ikhi uhi rẹzimẹ," ama, ikha ọlọ guerẹmẹ. 13 "Ebae lae ọkin sẹkẹi, bi ẹkẹi ọkin sebae," ama, kho Sẹlẹbua khọ gbeaẹn khueo. Ai hẹn hegbe ọvo ghẹẹ lagbe. Ẹkẹata, egbe ikhi So Sẹlẹbua, bi Osẹlẹbua ọmọi rẹkpa rẹzegbe. 14 Osẹlẹbua lọ khuai Jesu re lọdẹ vokhumu, ọgbo khuae maire lodẹ vokhumu vẹkẹn ahu sọe. 15 Uche ẹn khegbe Sẹ ọin kheso vegbe Si Jesu Kristi? Ikeọ rie vegbe Si Jesu kuọi ba ele sadegbe? Ọkha deizo! 16 Uche ẹn khe lakugbe bai ele sadegbe ekin ikpakpa egbe ọkpa? Ebi ebe lọfuain tai, eleva kekin ikpakpa egbe ukpọ kpa". 17 Ama ela kugbe bai Osẹlẹbua eẹko kin eti lọfuain Sọe ọkpa. 18 La khuaegbe re vghẹẹ lagbe! Ọkhọọ eve lọya irẹu ọituba vegbe, ama, ọkhọọ So ghẹẹ lȯya ui, ọwuọi rẹzegbe Sọe. 19 Uche rẹ yeere khegbe Sẹ khi oa seti lọfuain, lọriẹ vegbe, lọkin ebo Sẹlẹbua rẹna? Uche ẹn khuwẹ ku mọegbẹ? 20 Amọeka lare dẹ. Rẹzọ̵na, regbe Sẹ rọkhai lo Sẹlẹbua.