¹ 1 Muna ne wu man yah ningya ɓeh gir pa ngichewe. ² Wu bhura ɓah ya ka'aje gbaah a ning do wu bapina i ngyarngya ɓiwa nchimusa, a pawa jeh, ai she'ele, ai pa ngichewe i ngyarngya chele i Kur nchimu. ³ Ka'ajeh wu mam yah ma a war ka'a murya shima, do wu ɓah lo'o chi'iu sa. A do ning Korom nghari sa. A ning wu ɓah sa gir ma shimai. ⁴ A ning bah sa wa ye'ele wu mahm ne a war ka'a murya shima ku njel wu milim yah i wu munya. ⁵ A sa wa ne a ning wu ɓah war ka'a murya, shima, aning i Puhu Mpilar, wu bah girshi lah yah, i wu ɓah wo'o lo'o wu milimya. A pa'a beh wu gir sa'anga sah. ⁶ ku ɓeh nshere mo'on, a kum ɓeh wu ngyelele bura ne a ning wu ɓah war ka'amur yah. ⁷ ku nshere mbwang wu rum ka'a mur wun ɓene gir ye'ele wu Chumu ma shimai, wu ku sahsah, wu rum yere i pajeh. ⁸ wu lo'o beh chumu ɓah ɓwangna do ɓah i mu sun ghirbiwa sa, chew ne ɓwarra namu ya'anga lo'o wu, ko yo ningyai nshoon ne i do'o i gima ɓiwai ɓah i chew ku mursu sa. ⁹ Wu korom a wo'o kun wu bah ya'ana yah ku chiri mbwang. A ning bah bong nchim ya do wu bah li nan i yah sa. ¹⁰ A do ning bah yi'ishi bukya sa. bongyo gana ne a rum wu bapina bwang i shima pa ngichewe, ne ku mbwang ngishere a njel sahsah su ku mur Baku Tarsu. ¹¹ Ne ya'a ku chiri ma Ɓaku pura wa mbwang banina. ¹² I sa na su ne su ɓene wu gir ɓah do ma Ɓaku sa i ɓeh wu gir tohmishiw ma nza'a ban. I sa na su ne su ningyi war ka'amursu shima, i Puhu nchimu, i ku nshere Ɓaku ku beh zhe'e mani. ¹³ su mu sun dwa su ya'a shima ma njimu, ɓeh puru ma toh yiwa ma mwara Ɓaku su i ɓah ya'a ɓuksu i ɓah ya'a ɓuksu Yesu Kristi. ¹⁴ Yeso wo pa ka'amuri chew su ne I tah buksu iyo mbwang wu girbiwa ne ma su ne su ning i Puhu nchimu, yi, Wu shima bapina bah a ta'ara a pa'a wu shima chumu. ¹⁵ Lo'o ku mur a kurta'a ɓeh wu gir mani. Girshi, i ngyarngya ɓwang. Ɓwarra do shiso sa.