¹ 1 Na ningna na, wu suna ma njele be ba mu mur re'ese yi wun, bongna bwang yi kar muru, wu chele i ngyarngya ku mur Baku wu munam ma njele. ² Mu mur nere i Euodia, i nere Synty chew wu ning yi nchimu mo'on ku ba Baku. ³ Ne ma mu mur nere wun ni wu kum wu mani bili, chew ba a lina chiri yi mi ku nda ma'a kunu yi lo'o baku yi Clement yi wu gina ma yawo mwana ma chumu, be a ba ma lu'uluya yiku mpuksheme ma Baku. ⁴ Wu bong bumsu wun i Baku gbeng gbi gbeng, mu lo'owun kpa, i bong bumwun. ⁵ Yi be wu mur wun she'ele ku ba wu bapina mbong. yo Baku tah Pwer. ⁶ Wu do biwi nchimwun ku cew wo girsa. Na ningna na ma, wu ma'a wu gir ku kusu misu yi nere, yi bwata. yi be nere wun she'ele ku ba Baku. ⁷ Yi ning shima ma Baku,ma gana sh'ele wun,ko ning lele nchimwun yi lo'o wun mbwang ku Kristi Yeso. ⁸ Ma nsum wu so'ongisu, ku gir ba yi ngichewe, yi gir ba yi so'o nzah, yi gir ba yi pa'a ngichewe, yi gir ba i shima, in na yi gima ma shimai ba ku lem, wu reng ku ta'a wu gir mani. ⁹ Ku mur wu gir ba wu shi'ila, wu ha ya'ana, wu wa'ana, wu ha suna ku bam, wu pa'a wu gir beh, yi Baku ma ning shima ko ning yi wun. ¹⁰ Mi yi mwara bong bumu ku ba Baku chew ma ku lina wu luana mu sun bana yam. Wu mur sun bana yam a duwa. wu do kuma nshere ba wu pa'a bili sa. ¹¹ Mi do chiwa bili ma chew mu pish chew ma rumami yi bong bumu yi kum mu'uram ku ko man ¹² Shi'ila gir ba a biwa yi wo gir ba ha bwana. ku ban bwang wu gir ba shi'ila ma sormai yima ku li shima. ke ning yi nzsala, yi ning yi wun gir bwana ke yi njel gir. ¹³ Mu ngi pa'a wu gir mbwang yi wo ba ma'ana mi ngyarngya. ¹⁴ Ku mani ma, j wu pa'ana shima ku bana ba wu ri'isa i mi ku bana chiriyam. ¹⁵ Wun wu Filibiyawa, wu she'ele ne ku be ta'a lo'o Baku, ma shi'inga Makidonia, be ka'ana Baku, ba ruma mu i yi pa'a yi ya'a seh wu lawun. ¹⁶ Bene ba wo ku Tassolinika, wun tuma wu gir ma gana gba'a mo'ona ne a pam. ¹⁷ Do chew ma mi mumur pis be wu girsa. inna nah mi pissa bila ba ku bwam mashen li duwa. ¹⁸ Mi ya'ana wu gir mbwang, mi i ya bwana mi rusa. mi ya'ana ku ba Epaphroditus wu gir ma wo boh. Ya wu gir ma nkish nduwana wo'o, pa muru ma ku ning gir ya'a ku ba Baku ¹⁹ Baku yam ko talwun wo gir ba wu njila bwang ku mur murum ya kahkah ku Kristi Yeso. Mashen ba Baku yi Tarsu yi be kahkah yi ningya mahueng mahueng. Innah. ²¹ Wu za'ara wu ba a pana nchimya ku Kristi Yeso. Wu so'ongi su ba ku Kristi Yeso. Wu so'ongi su ba a ha imi a mur za'ara i wun. ²² Wu ba ma a pana nchimya mbwang a mu za'ara wun, i wu ba a ku lawu caesar. ²³ Yi be nzo Baku Yeso Kristi war ta'a mpilar wun.