1 Gbọkhina ọọ ehimire, ni ma hioghi ni ma re ẹo ma ni mẹ, ni ma ghohi, ni ma re abọ mu. Nọ khina erohi kha rẹ yiagbọ. 2 Khe khi aye nọ regbe khahẹ, amẹ nọnihe, ma gbosei vbo, oni ma re rohi naye aiye ni khẹkẹọ nori ghobo ira na khe re khahe aghi ho. 3 Emi ma mẹ ni nima hioghoni ọni ma re mu vba ẹo kuere. Khọrẹ khinani ukuegbe gbe mani rigbobo ira neni omivbọni Ijesu kristi. 4 Ma khee vi emenọ yi vba khi eghọghọ mani va re vọ. 5 Ọni khi uhiomi ni ma hi nọ ni ghobọ me ynie ọ ni mare khahẹ yẹ Oithalọbua khi okpa, ghogbọ vboni eebi hi vbọ gbegbei. 6 Ini arohi ni kpe aghi nonhi yi okpa ale kia ao eebi, ghẹẹ, a re ata vbo ni yi. 7 Ini kia ghowa okpa. Aghi ne ni ọni okpa a hke yi. Ade Ijesu omi vbọni, aghi va ghowa okoo aghi re. 8 Ini a rohi ni kpe amọni ọkhọọ, aghuẹhẹ egbe. Ata hi aghi. 9 Ama ini ọkhini uthọọ ọkhọọ yẹ re, ọyi ata, ore ẹo mẹ yẹ ọrẹ ọkhọọ aghi hiemi aghi ọkie aghi agha va ọnọbe gbeyi re. 10 Ini arohi ni asẹ yi ọkhọọ ghogho ọ thẹ ghẹẹ aru Oithalọbua . Ee rohi vbọni ọ hi aghi.