¹ Pol khi Timoti, ndhi mu a kwaram khi Ndah Jesu Kristi shinya nmu jep Naan nsim mhi Jesu Kristi ndhi mu nPhillippi, khi nyen tapphipee yaghal deacons muu. ² Yit dii ndeh nwuret kot awukhime khi gun yaghal tongshakap ndhi nder Nda mu Naan khi Nda Jesu Kristi. ³ An phi plang Naan fhin koo apeeneh kat a khik deer san khi ngun, ⁴ Ko a peeneh nbut khi dangphinaan fhin npee gun khiding, shin plang fhin khi bhizung piya. ⁵ Npee kahat saar fuk ndhi gun khi ni npee bhilip Naan yaghal npuus wushe har khidetssih. ⁶ A shinzeen nbissihmu ndhi sat naa sihna gwo ndhi she mebii wuret nsim fee bhi ni npee deltikhim khi shiit fee haar puus mhi Nda Jesu Kristi waawul. ⁷ A bii wuret nder nhih dee nnan a khiling asih di nkaa gu khiding npee ndhi ni khi gun nbhizung ni. Khiding fuk a shaar shiit fhin muu duk khi ndhi dok an nlih-kwo yaghal npee tap khikaa saan khi shinzeen ndhi ni a bhilipnaan. ⁸ Npee ndhi Nda Naan a ngu langthing fhin yad ndhi a tong bwer an phi diye khi gun npee sim ndhi ni amhi Jesu Kristi. ⁹ Ndhi sih a niya a dang phi naan fhin ndhi dem fhin yee khi kot bwer bwer nman khi nohok wu dem. ¹⁰ Dee ngun gu lap bii ndhi khi kot a wuret ndhi ne gun gu sat awuret fee yaghal baa khime rap mah haar khi puur khi wuret khi Kristi, ¹¹ Ndhi gam khi put kha mhi shin wuret ndhi khi wul nyar mhi Jesu Kristi shinya nyar wuret khi Naan. ¹² Khidetssih, an phi dem ngun gu man, emnhikhin nhi mu, ndhi bi ndhi laa khi an bhi ret npee deltikhim khi bhilip naan. ¹³ Npee dee an anin tap pe mu bwer muu man ndhi an khipe bwakat/lih-kwoo (prison) npee ndhi an a ngu shin zeen Jesu. ¹⁴ Npee dee an lih-kwoo, khisher nyen shin zeen nNaan mu sikhit baal khisihm mhi Jesu bhin shin mu lwakat maa npee sat bhilip naan. ¹⁵ A zeen ndhi pak mu phi kam bhilip npee ndhi mu khi tukurnung npee lap bhilip nnan, amma pak mu phi kam fee npee ndhi mu phi dem baam gurum muu. ¹⁶ Mu phi kam bhilip naan ngurum mu npee ndhi mu dem muh yaghal mu man ndhi Naan shin shiit fee nnan npee daar khikaa bhilip naan wuret. ¹⁷ Amma pak muu phi kam bhilip khi Jesu khi dem kaa yaghal leng wubis, bhi mu phi dem lih wubis nnan nlih-kwoo. ¹⁸ Ndhi ssih kot khi kapyan mah. Bi wuret fee, ndhi kat duk yarmu, kot a wuret ah, kot a wubis oh, mu phi kam a khikaa Jesu. Npee ndhi assih, bhi lang-en ni, yaghal an npee deltikhim khi ret nyit. ¹⁹ Npee ndhi gun phi dang phinaan npee ni yaghal Riin mhi Jesu Kristi ni baam an ni, npee ndhi a man ndhi kaapyan ji khi kaa put. ²⁰ A shin zeen ndhi an npee shin kakul nJesu maa bih an npee deltikhim khi shin wuret bit-shi-bit, dee nnan a nin yon khi Kristi ndhi nyarkam shimwan fhin khiyil ndhi sih khinar seen khi muut. ²¹ Nder nhi, kat a dee khi seen bhi a Kristi, kat a muut bhi a langkaa fhin. ²² Ret ndhi kat an npee dee khi seen a npee ndhi nshi-shik gurum ndhi ni khi baam nnan maa, bhi baa an npee man ndhi a mang mah. ²³ Npee ndhi khi naar wu vil fee mu ba an khi man nmeh mah. Leng fhin a npee dee nnan a waa wukhime khi Kristi dii, npee ndhi ani a wuret khiding. ²⁴ Duk khi ndhi assih bih gun phi dem naa an nyit gurum. ²⁵ Npee ndhi a shin zeen ndhi ssih, a man ndhi an npee dee yaghal a deltikhim khi gun khiding npee deltikhim khi ret nyit ndhi gun khi ni npee zeen fuk. ²⁶ Ni npee ret nyit gu kat an nbuut Jesu Kristi awukhime khi gun shizak. ²⁷ Bii khime bhi ndhi gu mwan mwan ndhi nin gun a jep kam bhilip naan khi Jesu, npee ndhi kat an ndhi ma bi a khiling bhilip wuret khikaa gu, ndhi khi nin ndhi gun npee daar bal-bal nriin, mkhibhizung khime khishak npee zeen ndhi gun khi ni npe wuret khji bhilipnaan. ²⁸ Gu nok lwakkat npee gurum muu ndhi mu phi dem gun mah. Mihsih a me yarkam ndhi mu phi naa taa kat fut nyar wu baan - bhi baa a npee wuret fuk ndhi tong sam nder Ndah Naan. ²⁹ Npee dee mu shin gun a khi zukkum nsim mhi Kristi, ba a npee zeen nbuut muk det ma, bhi a npee dee gu shujel npe muk di. ³⁰ Ndhi dok an nder gu, bhi gu naa daar fhin, gu khiling khi daar fhin ndhi an nbuut fee, gun gu pwadhik nbuut daar fee duk.