1 An Juut, kwerem khi Jesu Kristi, emnhikhin Jamis, shin jhi ndeerghu dhi Naan dhem bweer, yaghal den ghun nphe Jesu Kristi: 2 Mangye najheel khi tongshakhap khi dhemshak myaal nnaar gu. 3 Emnikhin nhi dhi an phi dhem fhe, dok an phe daar mpe ran vilipnaan mpe baar tseen ndhi Ndah Naan shin mpe mu duk-duk, dok dɦə ŋnan a tiit dhe nan ran ŋgun ŋpe shinzéén dhi mu shiin shin sam nyen shinzéén mu duk-duk. 4 Phe dhi pak gurum mu päkal rɦö ŋnaar ghu ŋmbiya. Mu a nƴen dhi dok mu taƙɦat mu a ŋphe dukɦun mu. Mu a nƴen dhi mu kɦi lukhut kɦi Naan ma dɦi mu tikɦök kɦi wuretkhinaan fhun phe dem shik, yaghal mu phe nyang ngu phetighim fuun kɦi Ndah mu Jesu Kristi. 5 Khidətsi an phi dɦem khikdher ghu-a man dɦi gun kɦi man éh- ɲdhi Ndah ani gƴet baar kɦi me gurum mu dɦi puut kɦi mu kɦi yil Egypt, bhi shin kɦi dangkong bhi tƴö nƴen dɦi mu nyang shinzéén. 6 Shin asi, jep lep kɦi Naan ŋdɦi mu nyang ƴhá petong fhut wuyon, dɦi mu yhit petong fhut wuret-Ndah Naan den mu ŋgwagɦạr mu tai-tai, bhut kwöö wuyon, phe tokdƴel par bɦït wuyon. 7 Deh a khipe Sodom khi Gomorrah kɦi yil wu nan dɦi gƴet mu neer mu, dɦi gƴet mu lɦikaa dhu ŋtileet kɦi bhi shang kɦilling ŋkom ma. Gƴet mu mang mu nin a phe kamshï nyen dɦi mu ŋphe shwa jheel bhut wus mu tai-tai. 8 Kɦi wuni fhe duk bɦe nyen si mu shin mu tikɦók kɦi tsi-tsuut. Mu nyang waar yil, yakhal shin tong mu sat bɦilip wubaan ŋkhaa nyen lwakḥat Naan mu. 9 Ni Makɦyel, nghu lep kɦi Naan wuyon, dɦi gyet ni phi shi-shik kɦi shetan, shin jakhar kɦi ni ŋka shik Moses, gyet lap me bhilip wubaan ŋka dyel ŋkaa muk ma. Phe kọp wuni bɦi sina, "Mangye Ndah gwag jighir ŋghi!" 10 Nyen si mu lap bɦilip wu baan ŋkha bhi dɦe mu man khaa fɦe ma. Kɦi bhi dɦi mu man-bhi dɦi long mu kɦi ŋman fhe- a dɦe työö mu. 11 A bhi kakul mu! Phe dhi mu mwan-mwaan a kɦi yar kɦi Cain, mu jwaak kasut bhut lakhar mu Balaam dhe kɦi pɦeshi ma. Mu dukɦun bhut ŋkaan bakalshik mu Korah. 12 A mu a nkan wubis ndhi mu likhim naar petong tsipe fuk gun nyen dhemshak. Mu shin tsipe fut nnot kakul, nphe tsi-tsi phe bhut dhu det. Mu a libin nnot amm, dhi kokhom phi ir mu. Mu a khi phe ting dhi khi dar nlughun nnot laa - dhi dwam yit vol, tseen mu awu ti-tighit. 13 Mu dhe a khi pe mirim amm wu byaal mu phe nyak zung du nkakhul. Mu a zaar dhi phe mwan bu-bu, dhi mu, den kwoo wu tip-tip mu tai-tai. 14 Enoch, gurum wu pokovol khi dangkong Adamu dhi Naan she dak, koos bhilip tsina, "Guna! Ndah ni wawul khi gurum nyen riin wubang mu yakgurum paat yit sar nkha yakgurum paat yit sar. 15 Ni wawul nphe gap dyel nkha gurum mu khiding. Ni nwawul phe gap dyel nyen shikbis mu dhi mu shin shiit shikbis, khi bhilip wu baan dhi nyen shikbis mu lap nkaa muk." 16 Nyen dhi si a nyen sha-sha mu, gagharshik mu dhi mu phe mang yar nook du wubis. Mu a nyen tsaam kasut, dhe, nphe demkha sut, tsaam gurum nkwa mu. 17 Phe dhi asi , gun, emnikhin nhi mu dhi an phe dhem, gu diye bhilip dhi gyet shaar shiit Ndah Jesu Kristi mu tsaat. 18 Mu sat ngun, "Dang she yaghal khi yil bhe mu khi kat nyen tet phe dhi mu khi mwan nder en dhu wubis dhi a mu Naan ma." 19 A nyen te'e pe mu. En mu a npe bhi dighinyil si det, shin mu khi riin khi Naan ma. 20 Dang bhi gun, emnikhin ni mu dhi an phe dhem, gu dhik tsuk nbut yarkaam mu shinzeen wu bang, yaghal gu dang phi Naan nbut riin wu bang. 21 Gu den khaa gu nbut demkhinaan, yaghal gu langyit nphe najheel khi Ndah Jesu Kristi dhi shin tsen mu tai-tai nmun. 22 Gu najheel nkha nyen dhi mu phe tankoo mu. 23 Gu dwan tsen gurum mu shin put nbut wus. Nder gokshi gurum mu, bhi gu najheel nka mu khi lughut. Mpe wuni bhi awu khime khi lughut gu deng le'h en shikbis mu la gurum. 24 Khidetsi mphe gwo dhi mak ya mun yak mun phidik, yagahal pan mun nphe dhe mun mu dyerem ntighim riin khi muk dhi ma dau, nnot nkkagal khi retyit wuyon. 25 Nphe Naan wu khime dhi baar tsen mu khi yar Jesu Kristi Ndah, wakot raam, yon, khi mak phe ka shin ni, khi baal, dhe she bhit wu gyet, shini, khi tai-tai. Asiwai.