¹ Pol, la lep khi Kristi Jesu ndhi a nbut no-hk mhi Naan, shinji nder niyen wu bang khi yil Ephesus, ndhi mu a niyen shinzeen Kristi Jesu. ² wuretkhinaan shin ji ngun yaghal tongshaghap tong nder Nda mu Naan khi Nda Jesu Kristi. ³ Yit deh Nda Naan khi Nda Jesu Kristi fun deh a wu-si-saam, ndhi lhi wuret nmun khi duk-duk wuret ndhi mu a mhi riin wubang/wuret khitingnaan khipe Kristi. ⁴ Nda Naan bil/bun mun shi kha shin tong nshe khi dighinyil si, deh nmun deh a gurum wubang mu yaghal nnot shikbis ntighim muk dih. ⁵ Naan gyet bun mun gwe yaghal nshe nphe lap mun den a khipe jep muk mu si nbut Jesu Kristi, bhi a nphe wuret mhi no-hk khi muk si. ⁶ Lap mun si bor a bih saam sihm muk nbut wuret mhi raam khi muk ndhi shin nmun khi zughum nbut Khime ndhi nih phi dem fe si. ⁷ Ndighin Jesu Kristi mun khi bar ndhi nbut tighim khi muk khi kon khi shikbis/tahkat fun, nphe wuret ndhi bwer. ⁸ Nih lhi wuretkinaan bwer khi del mu khi man shin-bih yaghal nbih-man ⁹ Nda Naan lhi nmun mu man bih mu ndhi a wu-sisok mhi no-hk nih, nphe bih ndhi retnyit muk, yaghal nin nbut Kristi, ¹⁰ khi nohk dak peh nphe gam bhit wu den, nphe ji khi bih mu khiding khishak, bih mu duk-duk ndhi khitingnaan khi ndhi dighinyil, ntighim phitighim khime, khi Kristi duk. ¹¹ Nbut Kristi bhi mu bun mun nphe ir-kop. Mu taghat mun nshe nbut nohk khimuk ndhi shin bih mu khiding a nphe nih gam enn nih dih. ¹² Naan taghat mun a niyen kok-kop mu si nphe deh mun mu deh a wu-she ndhi mu den bhizung mu ndhighin Kristi, deh mun deh a nphe sa'am raam khi muk dih. ¹³ Nbut Kristi, bhi gun duk, ndhi geyt gu khiling bhilip zen, bhilipnaan wuret ndhi bar gun, bhi gu shinzen nnih yaghal mu bam gun khi Riin Wubang, ¹⁴ ndhi nih a tughurdwan mhi kop fun ndhi mun kok fe, nphe sa'am ram khimuk. ¹⁵ Nphe ndhi a si, ndhi a khiling shinzen nNda Jesu yaghal khi ndhi gun phi dem niyen Naan wubang mu, ¹⁶ a nok plang Naan npeh gu ma shin an phi leng khi gun nbut dangphinaan fhin. ¹⁷ A dangphinaan ndhi Naan, Nda Jesu Kristi fun, Nda mhi ram, khi shin riin mhi man khi man ndhi khi nin khashin. ¹⁸ A dangphinaan nphe deh nyit bhizung gu ep dih, deh ngun man tughurdwan ndhi yong gun khi bhilong mhi ram khi kop khimuk nnaar gurum wubang khi Naan mu duk-duk. ¹⁹ Nbut dangphinaan fhin bhi a dang deh ngun gu man shiit mu bwer mhi bal khimuk nbut mu ndhi mu shinzen, khi yar shiit mhi bal khimuk wuyon. ²⁰ Nmhisi a bal wukhime ndhi Naan shin shiit khi nih nbut Kristi ndhi yaghal khi nih nnaar niyen wu dwam mu yaghal den nih khi sar nih wu-sih khi tingnaan. ²¹ Den Krisiti khi pehtong wuyon-yon ma dau ndhi del niyen phitighim mu khi niyen bal mu yaghal niyen sihm mu, khi duk-duk meh sihm ndhi mu yong. Krisiti khi deh a phitihim, a nteer si det ma, dang bhi khi warih nyii ndhi mu shin kam ntighim. ²² Naan den bih mu duk-duk nla'ap kwak Kristi yaghal shin nih niyen ndhi mu shinzen nNaan nphe deh nih deh a phitihim khi kha bih khiding. ²³ Lhinaan fe a shi-shik muk, ghit muk khiding ndhi gam bih mu duk-duk.