1 1 Yakhal nder gwo wuyon shinyah nder Gayus, ndhi aan phi dem feh npe shinzeen. 2 Nih nda Yahaya sihtihim khi sat bhilip nin, emnah jidang mang yeh wuret mwan ah wukhime khi nih Gayus. Shin nah mang yeh gwar khat khaham, khi tong shakap. 3 Shin sat nah ji khiling khi ret yit npeh dhi gurum mu bwer mu ji mu sat bhilip kha shinzeen khi gwar. 4 Nah jin khi ret yit kat dang ji khiling muh nah gurum fhini mu mwan yar wubang. 5 Mu sat wuret nkha Gayus, mu nah shiit khi Naan dhi nih phi shinheh gwar phi shin feh a kah shinzeen. Emnah mu, mu kham shin wuret nbut shiit funmu, khat mu shin ret-ret npeh mu, ndhi mu shin kha sut npeh shiit khi Naan, nih Ndah Naan khi khiling shang fun. 6 Muh shin ret-ret deeh mu pan nin shiit khi Naan mu dih. 7 Ah peh shiit khi Naan deh mu shin kha sut dhi, shin mu lap mebi mah nder niyen niyang lap Naan mu. 8 Shin kar mun nah mu lap Naan npeh deh mun mu bwer deh ah jep shahar shiit khi muk wuret dhi. 9 A ran bhi mu bwer shinyah niyen mwan nder Naan mu, bih Diotrephes, ndhi nih phi dem yon bwer ndhi yeh khikhot a jin nshe nnar gokotshi mwo, bhi lap mun mah. 10 Pe ndhi asih, kat a wul, bhi an npe khikdersan khi shiit khimuk dhi shin, khi bi mu bwer ndhi shin npeh niyang mun khi bhilip wuban ndhi sat khi kha mu. Ba a bhilip wuban det mah, nhi shikashin ba lap emnhikhinmu mah. Nhi phi niyang niyen ndhi mu phi dem shin asih, bhi yakhal tong shin mu shin put ndhikhin lih Naan. 11 Emnhikhin mu, gu nok kam enn wubis sih, gu shin wuret. Gwo ndhi shin wuret bhi nhi a gu Naan, gwo ndhi shin wubis bhi nhi npe nah Naan mah. 12 Meh gurum dih ndhi mu khi yong ni a Demetrius, nhi man Naan, bhi nhi kat sim wuret nder gurum mu bwer, npeh shinret khimuk. Mu man nhi khi shin ret bhi gu man ndhi sat bhilip fhum a zen-zen feh. 13 An khi bi mu bwer npeh ran khi kha feh, bhi bah an phi dem npeh ran khi biro koh am biro feh mah. 14 Bhi an phi dem deh yeh a naa gun nteer sihmu, bhi yakhal mun npe lap bhilip yit khi yit. 15 Mang yeh tong shakap kot khi gun. Sha'ar nhi mu phi tal gun. Gu tal shar mu mu khi sim du.