¹ Pol, khi Silas, khi Timothy shinya nyen mwan nder Nda Naan khi Tassalonikawa muh, khi sim Nda naan khi Nda Jesu Kristi. ² Yit deh wuret khi kakaham khi Nda Naan khi Nda Jesu Kristi khot nder gu. ³ Ret deh nmun muh tong mu shin plang Nda Naan npeh gu emnikhinmu mu, nphe dhi a yarkaam wuret khi shinzeen khi yon bwer yakhal khi demshak dhi nder gu bwer. ⁴ Nphe dhi asih, mun shin kasun mu sat khi retyit khi naar mu nyen mwan der Naan. Mu sat bhilip khi kha mohor khi shinzeen nbut khi shu jel. Mun phi lap bhilip khi kha wula dhi gun phe mokhor khi ni. ⁵ Mhi si a yarkam Naan mhi dyel mhi zen. Nlat fe bhi mu peh naa gun khi yit wuret nphe yarkam mu Nda Naan dhi gu shu jel nphe nhi. ⁶ A bhi wuret ndeer Naan dhe nhi kwaat wubis dhi gurum mu shiin ngun, ⁷ yaghal shin wuret ngun dhi sharfom shin nder gu. Naan nhi phe shin dhi si nwawul khi Nda Jesu dhi nhi phe tong khitingnaan wasam khi jep lep fin mu nphe bal dhi nhi khi nhi. ⁸ Wus wuban nhi nphe ya fom nkaa nyen dhi mu man Naan ma khi mu dhi mu dem bhilip Nda Jesu ma. ⁹ Mu wuni fe mu nphe shu jel nphe dhi ba mu sho nsar bhilip Nda khi yar ndhi nhi a wuyon khi muk. ¹⁰ Nda Naan nhi nphe shin bhi si par pus ndhi gurum mu nphe naa bhi ahp-po nphe mu dhi mu shin zen. Nphe dhi lanting dhi mu shinzeen. ¹¹ Nphe dhi a si, mun phe deltighim khi dangphinaan npeh gu. Mun phi dangphinaan nphe dhi naa gun khi yit wuret nphe yongpeh dhi shin ngun. Mu dangphinaan nphe dhe nhi shin wuret khi shiit mhi shinzeen nyon khi muk. ¹² Mu dangphinaan npeh bhi mhisih mu neh nmun mu saam sim khi Nda Jesu dhi. Mu dang nphe dhi mu shin yon Nda Naan nphe wuret khi muk dhi shin nmun.