1 Tong nder gwo wu yon shin ji nder mat sim dhi a bu-bun khi jep muk mu - ndhi an phe ɗem mu mbut zeen- shin a an det mah, mun khishak khi gurum ndhi mu man zeen duk; 2 a sih, nphe zeen fe ndhi mun khi ni a ni khi deh khi mun tai-tai. 3 Mu sha mang ye riin wuret mhi najeel, khi mhi petongshaghap ndhi a mhi Nda Naan khi mhi Jesu Krisiti bhi kot a wu khime khi mun ɓut zeen khi demshak. 4 Bhizung nhi a wu piya nphe dhi a khilling ndhi pak jep yi mu phi mwan ɓut zeen khi bi lep wuwar ndhi mu kat nder Nda sih. 5 Khidetsi an phi ɗang nder yi matbaan - yi na an phi ran me waar wupoh zak ma, a bhi wu sihir mu khi ka ndhi wupo- deh nmun ɗemshak dhi. 6 Demshak fe a sih, yar fe a khi bih ndhi gyet she gu khilling, nna gu mwan nyar wu ni fe. 7 Nyen gwam-peh bwer mu phe tik mwan khiyil, nyen dhi mu phe ɗem sat sina Jesu Kristi a gurum ndhi mu lah nhi khi nan-shishik mah. Dhi si a bhi gwam-peh, shin a shaarfom khi Jesu Kristi duk. 8 Ghu lhi en gu yakba ngu bi pebaan ndhi mu shuu, wak gu ɗar ɗe gu kat bikwat fuk ndhi khi warih dhi. 9 Kat me gwo zaar del deh bah dar khi kaa kam mhi Jesu Krisiti mah bhi Naan ni a wu khime khi ni mah. Me gwo ndhi ɗar khi kaa kam mhi Jesu Kristi bhi nhi a wu khime khi Nda khi Lah. 10 Duk me gwo ndhi wul nder gu khi meh kam wudik ɓhi gu nok kaat ni den lih gu si. 11 Me gwo ndhi kaat nhi ɓhi en khimuk a wubis khi mulam nhi. 12 An khi bih mu ɓwer nphe ran sat ngun, shin ba a kat ran fe ret ɗeh a ran khi kah bih ran mah. Dang bhi, an phi leng wak a wul a kat gun ɗeh mu naa shak, mu lap bhilip wuret piya ɓhizung ɗeh nretyit fun kot a wu-ghigam dhi. 13 Jep emnikhingu repsim phi tal gun.