¹ Bulus, ndhi Jesu kiristi yongphe nnih dhe nnih dhe a lah lep fhinih a wu khime khi emnihin muk sastanisu, ² Nder nyem mwan nder Naan mwo nkorinti mwo ndhi mwo bun mwo nbut khi sim mhi Jesu Kiristi npeh dhe mwo dhe a gurum wabang a wukhime khi gurum ndhi mwo kot shipeh mwo ndhi mwo phi yong sim ndhi nih a mhi Nda Jesu Kiristi ndhi nih a Nda mu. ³ Yit dhe wuret khi tongshahap ⁴ Gu deltihim khi shin plang Naan nphe kasuk nphe wuret khi Naan ndhi Jesu Kiristi shin ngun. ⁵ Nih shin bihlong mwo ngun nbut yarkam bwer nbut simsat yahal nbihman, ⁶ khiphe bilip ndhi nwo phi sat khidhel kiristi ndhi khi gu man zehan fhe khinaar gu. ⁷ Nphe wuni fhe bhi gum nnohot nbihman khi riin mah ndhi gun phitong khirihit mhi nah Nda mu Jesu Kiristi. ⁸ Nih khi lih ngun gu shinzehen khi bhal shin waji nlat dhe ngun gu dhe nnohot nbih tihkook khi sim khat jesu wawul. ⁹ Naan a ngu zehen ndhi yongphe ngun nphe mwan a wukhimeh khi Lah nih Jesu Kiristi ndhi nih a nda mu. ¹⁰ Khidetshin emnihin nih mwo,nbut sim ndhi nih a mhi Jesu Kiristi,dhe ngun khidhing gu lap gu yah ndhi gu fuu/kho/gap shak mah.An phi dang shiphi gu dhe gu tong ndershak khi en wu khimeh yahal bihshin wukhimeh. ¹¹ Nphe ndhi nyen kulowi mwo sat nnan gwe emnihin nhi mwo ndhi phi gu khiphe khimeh mah. ¹² An khi man ndhi pak gu mwo phi sat naa,''an a khi Bulus,an man a khi Apollos,an man a khi kefas mabhi an man a khi kiristi." ¹³ Kan mwo bak khinaar kiristi fhe mhi?mwo bwas Bulus khidhel shep nphe gu mhi?kot mwo shin baptisma ngun a nbut sim khi Bulus yeh? ¹⁴ A plang Naan ndhi a an a shin baptisma ngun mah,a shin baptisma a kirisfus khi Gayus det. ¹⁵ Kot a sih yak nmhe gurun sat nnah mwo shin baptisma njin nbut sim nih. ¹⁶ (A shin baptisma nmwo ndhi nlih sitifanus.Kat a wunih fhe mah bhi a man ndhi kot a shin baptisma nmeh gurum wukwa mwo mah). ¹⁷ Nphe ndhi kiristi lep an a nphe shin baptisma mah,lep an a nphe kop bilip fhinih-khi nbihman sat bilip ndhi khi sam tohor khi bhal khi Jesu ndhi mwo bwas nih khidhel shep mah. ¹⁸ Nphe ndhi bilip khidhel shep ndhi mwo pwas Jesu dhi nder pak gurum ndhi mwo lap Naan mah a yohor .Dangbhi nder nyemndhi nwo phi tang sehen bhi a yon khi Naan. ¹⁹ Nphe ndhi nih a wuran ndhi,''A tinkook khi en khi nyen ndhi mwo nah du sehen.A buhur man khi mwo ndhi mwo na dun khi nbihman.'' ²⁰ Nyen sehen mwo a nhe?Nyen nbihman mwo a nhe?Nyen ghaharship ndhikhinyil mwo a nhe?Kot Nda Naan viling nbihman mhi dikhinyil sih shin wayah nyohor mah woh? ²¹ Ndhi dhikhinyil sih nah nbihman khi Naan mah,bhi ret nyit Naan dhe nnih bar (shin sehen)nyen ndhi mwo shin zehen nyohor nbilip Naan ndhi mwo kiling ²² Nphe ndhi Yahudawa mwo phi dem nah a shiit bih fhipwo yahal Helinawa mwo zak phi tang a man. ²³ Mun phi kop bilip Naan a ndhi mwo pwas Jesu a khidhel shep, ndhi gyak yar Yahudawa mwo yahal dhe a yohor nder Helinawa mwo ²⁴ Dangbhi nder nyen ndhi Naan yong phe mwo,Yahudawa mwo khi Helinawa,bhi mun phi kop bilip Jesu ndhi nih a yon nbut khi nbihman khi Naan. ²⁵ Nphe ndhi yohor mhi Naan met nbihman mhi gurum,yahal shin bhal mhi Naan bhal met mhi gurum. ²⁶ Gu nah yong phe fuk,emnihin nih mwo.Dok gun a bwer ndhi gun khi sehen mhi nan mah.kot dok gun bwer ndhi gun a gurum sim mwo mah. ²⁷ Dang bhi Nda Naan bun bih ndhi dhe a khiphe yohor sih dhe nnih shin kakul nbih ndhi mwo phi nah a khiphe bih nyen sehen mwo sih.Naan bun bih ndhi mwo khi bhal mah ndhikhin yil sih dhe nnih shin kakul nbih ndhi mwo khi bhal dhi ²⁸ Naan bun bih ndhi mwo khi phishi mah khi ndhi khi tep bhal dhikhin yil sih.shin bun a bih ndhi mwo phi nah khi phishi mah dhe nnih tep bhal bih ndhi mwo khi sim dhi. ²⁹ Shin bhisih a yakbha gurum ndhi nbut nan ep kha nih khiting ntikhim muk. ³⁰ Nphe bih ndhi Naan shin bhi gun nbut yar mhi Jesu Kiristi ndhi dhe nmun a bihman fun.Ni dhe mun a bih wuret,phebang yahal bar fun. ³¹ Nphe wunih fhe,khi phe ndhi a wuram,''yit dhi dhe khat kha mu phi wup bhi yit dhi dhe nnih wup a nbut sim ndhi a mhi Naan dhi.''