¹ ndangkong jepee muop nhǝ a naa, mǝn a kat mee fulǝ a funng kǝbǝtǝng , dǝgǝl wu pel wu a kǝlǝng laa bǝlǝp gǝ an gǝbii feer hǝ yen bǝgǝ kaa hǝ kong a niin bii wu yong gǝ chin ndangkong jepee nhǝ hǝ . ² barak dat mǝn a kat san nchǝlǝm, mǝn a kat taghamlong kǝbǝtǝng mǝgwǝ tong dok akaa . ³ gurum wu tongdok a kaa hǝ gǝ lap(jasper) gǝ (carnelian) dugul fan bat tagamlong nani bat kang , dugul fan nani gǝ lap (emerald) ⁴ Pǝtonglong yaagurum shika feer muop ndǝr tagamlong nani ,daskagam yaagurum shika feer mǝ twaghat dok kaaa muop , muop gǝ twǝn pya gǝ vughum long wu mǝ chin shi zinariya hǝ nkaa muop . ⁵ namǝlǝp twaghat fat gǝpee pǝtong long nanyi gǝ tegel fan gǝ naantǝng fitila diyel muop fu lap fantagha,m taghamlong , fitila muop wu mǝ niin chelem wu pogovǝl n nung naa hǝ ⁶ mee mǝ chip glas ni gǝpee taghamlong nani gǝ lap(crystal) gǝnaar taghamlong nani gǝ dǝr bii wu gǝ nook muop feer gǝ nagǝr yit ndangkong gǝ fantagham, hǝ muop nnǝgǝn ⁷ bii gǝ nook wu mee gǝ lap liit wu vǝl gǝlap nǝng ,wu kun ni gǝ faruyit gǝyee a gurum dee wufeer gǝ lap kup. ⁸ gǝsǝm bii gǝ nook muop nani muop gǝ gaghap peemǝ , gǝ gǝcheer yit gǝtǝng gǝ dasam fuus gǝ lǝpar mǝ nook laa yen, a wusǝsaar a wusǝsaar a wu sǝsaar , ani long naan amu wumaa wu ni nni hǝ gǝ wudok hǝ hǝgǝ wu kwǝt nwul hǝ ⁹ dip gǝshi wu bii gǝ nook muop nhǝ mǝ saan ni wu tongdo kǝ taghamlong wu a ni langdok gǝgwǝ hǝ, mǝ mang ni ntege mǝ pǝn sar kagham nni, mǝ dǝk yil nni . ¹⁰ bǝ daskagham yaagurum shikaa feer nhǝ mǝ fadǝk ntagham ni wu tongdok kǝ taghamlong ,ndung lang dak gǝgwǝ hǝ wap ni yi bǝ mǝ lǝ vugum long ¹¹ a muop ndǝr taghamlong mǝn yen miskagham amu gǝ naan amu gǝ kee bǝlap maa gǝ yoon nsaa a gǝgǝ miap jepee dip gǝ bǝn gǝ miap muop gǝpee dem bǝzung gǝ