¹ de mǝwon dǝgǝn muop pogovel wuni pǝya dǝlan pogovel wul mǝ gǝ aan wul aa neen gǝ pǝlaaat napagaar wuyon wu tong dok kaa am meet. ² wukat long gǝyil muopbi mǝ shan dǝgǝl nabuwaar gǝnii gǝ muǝs wulǝleng wubi swa tǝ swa tǝ muop de dǝgǝn nabuwaar ³ mǝn mǝwon mang an yagaal gǝ nii dǝgǝn shellem gǝnar wung mǝn ana na mat tongdok byaar bi wubis wukat nii gǝ sǝm wubias dabi wubis nani nii gǝ kaa pogoval de kǝm saar . ⁴ na mat nani dyan byaat wumang chik asska miap shik gǝ zinaria pang wusan de pearls mamat daar dok gǝ jaan wumǝlǝ e saafe gaam gǝ jepee wu nyan nde jepee denkpe nun muar chi chik.̇ ⁵ mǝyil lang pǝ egǝ fe sǝm teppee babyon wuyon nǝ gǝn nap kar muop de jepee wulǝleng gǝyil ⁶ anaa akat namat nani langdok keel gǝ tǝgǝm gurum naan wuret muop de tǝgǝm gurum wu twoo muop wa yesu wu ana nii mǝn a chin mamaki gret . ⁷ mǝ mǝeon laa de ne wame a chin mamaki ye? an yon laa gǝ gǝ bi sok denok kaa mat ehne de bi wubis wukat kaa pogovol de sogoom saar ⁸ bi wubis wu gǝna dok nigwe nǝgǝn nii gǝdess mou ama nide tongpǝt tuguun mǝ muan nlang gǝ daan jebpee dat muop wudok mǝ tuwagaat gǝyil muop wukat mǝ yil spem muop dǝgǝn niram nun toklan tun mǝya kuguu den gǝyil muup gǝ mǝ chin mamaki de naa biwubis saa dok nii nǝgǝ ama gǝdess banii ama bǝn bat enwul. ⁹ niwu hǝ dang a tong gǝ enn bǝt wu kaa pogobel hǝ aa gwagap pang pogovel wukat namat tongdok nkaa . ¹⁰ muop nani ma mǝ long muop pogovel long paat men pǝtǝp gǝme langdok de nde wuldak mǝ ama aa ni bawul bǝ nii wagaap gǝ tong mang bit veel ¹¹ bi wubis wudok gwe nmok ama nii gǝdess mou bǝn anii along wupogokun nii ma gǝme gǝnaar muop wupogovel nǝma gǝ muan lanshi ¹² sogoom wudin gǝma saaar ade long muop wasaar wukat mǝ kaat yitong kashak duk mou ama yon mǝkat yitong aa muop har gǝ pǝn dama gǝbi long de nun saaa gǝmee dip gǝ wubis . ¹³ bi muop nani gǝ en nye gǝmee mǝn mee pǝn baal aa muop dip nbi wubis . ¹⁴ gǝ tak kaa tǝm ama tǝn yon gǝ muop gǝ sheel saa nii a nda wuma nda long nun long de muop wa gǝii wukat bii yon chi tagaat gun muop wu pǝfii ¹⁵ mǝn mǝyen laa gǝ ann en am wudin ana hǝ ape pǝ trng napagar, aa gurum muop gak gǝyil gǝ liss mǝlep a muop ¹⁶ sogoom saar wudin gǝna hǝ muop de ni wubis gǝ mǝ nyan yit mapagaar gǝ mǝ shan bǝtbis de muut kaa gǝ wat har mǝ talk nii meet gǝ mǝ tee laa chi chikfe mǝn been mǝ piak nii dip gǝ wuus. ¹⁷ wu hǝ a naan den bǝzun muop dewaar mǝ chin biwu nii deem mǝ pǝn baal muop mǝnaka biwubis saa bit wukat mǝlep aan waatong ¹⁸ namat wuga gǝ naa hǝ nii a pe pǝtong wuyǝngǝ baal nun naka gǝshan long muop gǝyil