1 Paul gǝ Timoti jep paar Yesu kristi dǝ gurum Naan muop nPhilip dip wunaa gǝ wutǝp ni muop. 2 Mang chindong Naan gǝ tuaghat chagap nung Adamu naa gǝ long Yesu kristi . 3 A dǝkyil nNaan, a diye gun zǝm 4 Ndǝgǝn dung pee a nǝ dǝ gu tookpiya. 5 Nsaa kang kaa gu nɗǝgǝn bii wuret bit wu a kat gun pel hǝ. 6 An gǝ duan ka gurum wu shee chin bii wuret dǝgǝm gu hǝ muan gǝ ni dǝ lat ni dǝ bit wul Yesu kristi. 7 A ɗem bii wu gun pee chin a wuret hǝ an gǝ gun bǝzung nǝ nsaa gun dip a wuni yee balang a nǝ muop wuret ndǝgǝn wu mǝ ɓal an hǝ, gǝ ɓen kaa, gǝ laa bǝlǝp Naan. 8 Naan man bii wu an pǝ chin, gǝ gun dǝ bi wu dong nun Naan a wu man ni, sǝmbǝdok a tang gun yi gǝ naachigir Yesu kristi. 9 Wu nhǝ a dang Naan a nǝ dǝ gu dem ni, dong dong dong nɗǝgǝn bi man gǝ jepee dip, 10 de pin gu lap bi wu gu yaa gu den wuret, de bǝzung gu pia gǝ tuaghat wuret mǝ kang bit wu Yesu gǝ wul. 11 Gǝ bii wuret ndung Yesu kristi wul gǝ ni hǝ, gǝ saam sǝm Naan. 12 Gǝdes hǝ, mǝ jepem naa gu man bi wu taa kaa nǝ ɗong dǝ la ɓǝlǝp Naan wuret. 13 Nɗǝgǝn bii wu kat an hǝ gurum wu kang kǝ long mǝ man dip. 14 Gǝ ɗes hǝ jepfuup muop nbǝl mǝ ɗem bǝlǝp Naan mǝn muop fu laa gǝ gurum muop nsaa dok mǝ bal an a waa nni. 15 Pak muop fu laa bǝlǝp gǝ Yesu gǝ bǝt nyang, pak muop gǝ bǝzung gǝme. 16 Muop wu gǝ bǝzung gǝmee hǝ mǝ man a wul a laa bǝlǝp naduk kaa bǝlǝp Naan wuret hǝ. 17 Muop wu nyang an muop fu laa gǝ bǝtniang gǝ ba naduk. Mǝ naa bǝ mǝ kat yong gǝ du weel an nǝ ɓal. 18 Dee a bi me? nɗǝgǝn jepe dip, kwǝt mǝ laa bǝlǝp a gǝ enɗiye wubis oh, kot a wuret an gǝ tookpia nsaa mǝ laa ɓǝlǝp kristi dar. A kam hǝ wagap took nǝ gǝbǝn npiyaa. 19 Nsaa a man kan ndung hǝ gǝ saa an a yong a kat pǝn gǝpee ɗang Naan a gu gǝ lap gǝdǝ chelem Yesu kristi. 20 Ɗen en a nǝ bǝ ɗin mǝ bii kaawaat nkat an mou, ɗewar n'an a chin balang Naan yi gǝ shishik nǝ gǝɗǝs hǝ kat wudok hǝ, kwǝt bar oh, kwǝt a nmuut oh. 21 Dǝ an a lang gǝ tooklang bǝ a kristi, ɗin a muut a muut bǝ a kop gǝshi. 22 Ɗin a bar nshishik bǝ a balang pǝtkaa dǝ nǝ. A man ndung a mang hǝ mau. 23 Muop dip vǝl muop fu dǝl en nǝ. Bii wu lang en nǝ hǝ a waa gǝtong dǝ kristi. A ni dong maa dip. 24 Dip gǝ kam hǝ din a lang gǝ tooklang bǝ a ni a bii wuret nsaa gun. 25 An gǝ man wagap yong gǝ lang gǝ tooklang ɗewar a tong yi gǝmǝ gǝgun dǝ mwan ntagham a gu gǝ tookpia a gu ndǝgǝn pǝn naduk. 26 Waa nsaa kam hǝ, ɓagal a gu yong gǝ mwan ntagham nsaa bǝn waawul a nǝ. 27 Muan gǝ jepbǝlǝp a gu gǝpee ndung ɗong gǝ bǝlǝp chindong Naan hǝ. Kwǝt a wul oh, kwǝt a wul mǝu oh, gu chin kam hǝ, ɗewar a kǝlǝng bǝlǝp yi kaa gu kaa wu gudiam balbal nɗǝgǝn chelem, gǝ enɗiye gǝmee nɗǝgǝn yugur gǝshak dǝ bǝlǝp wuret hǝ. 28 Naa yong gǝ mwǝp. Ndung hǝ a ni a bii wu niin war dam a muop gǝ bar a gǝ wu tong a dǝ Naan hǝ. 29 Mǝ cin chindong ngun wa nsaa LaNaan, ɓǝ agǝfu pǝn naduk dat mau, a dǝ yugur a gu dǝ muup. 30 Gǝ bii ndunggu naa, gu bǝn gu kǝlǝng fu nǝ hǝ.