Jing 1

1 Paul la'a wubu buagat Yesu kristi gǝ emnǝgǝn muup Timoti mǝ yil Philimon wushaar muup gǝ wushaar bǝlang. 2 Dǝ Apphia em nǝgǝnmu wuret nau gǝ Archippus wushaarmu soja de gurum Naan wudǝng mǝ katshak gǝpang lǝgǝ hǝ. 3 Mang chindong gǝ tuagatchagap nung Naan Ndemmu, gǝ leng Yesy kristi. 4 An zǝm pǝ dǝkyil dǝ Naan, a dye gun zǝm ndǝgǝn mang pǝseer. 5 wa nsaa a kǝleng naduk ka gu wu gun gǝ ni dǝ long Yesu, gǝ dempee ndung gun gǝni dǝ gurum ndung muup a wusǝsaar he. 6 Adang mangɗin gap muot naduk agu kat furǝ ɗewar mǝne gǝ kang bii wuret ndǝgǝn kristi. 7 Gunaa a kat took pia gǝ bǝtong wu nsaa dempee agu gǝ buzung gurum Naan muop wusǝsaar ndung bǝn chin wu fu'u nsa gǝ, emnaa. 8 Ani, mǝn an gǝ tugurkagam ndǝgǝn kristi dǝ kan bii ndung gǝ chin hǝ. 9 Nau a nsa dempee, an Paul dǝ duan gurum ya kurǝm nung bǝlang kristi Yesu. 10 An fu ɗang gǝ nka laa nǝ Onesimus ndung a wa Nda muup ɗǝgǝn bal anǝ. 11 Dok ni a gurum wuba'an dǝ gǝ, gǝdes hǝ a gurum wuret dǝ gu gǝ an. 12 A lepni dǝ gu shizak, ni ndung a buzung nǝ nau. A dem din a den ni shihǝt nǝ nau nau. 13 A dem din a den ni shihǝt nǝ dǝ chin bǝlang agǝ, nwa an ndǝgǝn ɓal gǝpǝ bǝlǝp wuret din a chin mǝ bii nǝ gǝ man mou. 14 tangkop din a chin mǝ bii nǝ gǝ man mou. A tangkop bǝlang agu wuret bǝlang mang shi tugur mou, a nung tokdem. wukǝr dǝ gǝ, an nau. 15 Dongbǝ kwap shak agu gǝ suk lani til dee pe gǝ chin gǝ katni yi dǝtǝs. yong gǝ dee kurum mou, gǝ gǝɗee wumaa kurum, bǝn a emnǝgǝn nɗǝgǝn ɗem. 16 A demni gǝrǝt, din a kam hǝ, gǝ dem ni zak ndǝgǝn shishik gǝ ndǝgǝn Long. 17 Din gǝ mang an a wu shaar muan a gǝ, bǝ gǝ lap ni ka an hǝ. 18 Din ni chin bii wubis dǝ gǝ, dǝ kwot gǝ kaat agǝ bǝ gǝ tugun gǝ pǝn an. 19 An Paul a yil gǝ sarsan. An gǝ kaasan yong a kwat ka'at nani. Yong a laa bii wu gǝnaar nǝ gǝ mugwo mou. 20 A kan hǝ, wuemnaa chin wuret dǝ nǝ ndǝgǝn sǝm long, shin gu miyap buzung nǝ ndǝgǝn kristi 21 An gǝ tugurkagam gǝ lap gǝ lap dem a agǝ, an pǝ yil dǝ gǝ man yong gǝ chin maa gǝ wu a nang hǝ. 22 Nau a bii gǝmee, miap lǝ mǝzep . 23 Epaphras, Wusha'ar wushaar, bal ndǝgǝn Yesu kristi ni pǝ nang gun. 24 Akam hǝ mark, Aristarchus, Demas gǝ Luka a wushaar bǝlang a nǝ muǝp dǝ nǝ, nsa a dem enn nǝ ndǝgǝn mang pǝseer agǝ yong chin pǝn an ngǝ. 25 Mang din wuret nung Long a mu Yesu kristi Lang gǝ chelem gu. Mǝdem a ni.