Jepe ep 1

1 An Yahuda, la lep Yesu kristi en nǝgǝn yakubu dǝ muop ndung mǝ yong muop shi shaar Nda Naan, mǝ chin kǝgǝn muop dǝ Yesu krisiti. 2 Mang chigir hǝ twagat chagap hǝ dempe fier dǝ gu. 3 Musharnǝ, shiwu an fǝ zuat npe yil dergu, gǝdap kat tak a mu moen baa kat an fǝ duak naduk wu muden nmoen sargǝ me ɗǝ gurum Naan wuret muop dau. 4 Mǝ gurum muop mǝ zaar mu ruo nsok ndǝgǝn gu. Gurum muop nani a muop wu mu lang wubis ka muop. Muop wu niang Naan mǝ bat dundong Naan wuret wa a bii buar. 5 Gǝɗeshǝ a dem din a diye dǝ gu. A man dok gu mou gwe Nkwot Naan dok taghat gurum muop, mǝn fwat gǝ muop ndǝgǝn yil masar mǝn lat mǝn ndang kong mǝn dam muop ndung mǝ niang pǝn naduk hǝ. 6 A kam zak "moeram Naan" muop ndung mǝ niang ni mǝ ya pee long adu, bǝn shin mǝ nook peetwagat a muop. Naan den muop nteng ndung anung lat mou, ndǝgǝn kwoo dik dǝ shep paa bit wuyon. 7 Dok a kam hǝ Sodom muop gǝ Gommorah gǝ pak pee wudok mǝ gaar muop hǝ mu pǝn kashak a baar gǝ hoor. Muop nani a muop a bii kam dǝ muop ndung mǝ lenogol ndǝgǝn lǝ wus gǝ guwo. 8 Dip ndǝgǝn war gǝmee, gurum wubias mǝ dam muop mǝ niang dǝgǝl wumaa mǝn mǝ la jepe wuleng kaa gurum wuret muop. 9 Nau gǝ mǝwung Naan wuyon. Michael shi wu dok muop pǝ bagalshik muop gǝ Satan hǝ,mǝn niang lǝ gǝ ni kǝ kum Musa, boot bǝ la me mǝ shep wu leng kaa muop mou. Ndǝgǝn kam hǝ moen yen " mang Naan chen gǝ" 10 Gǝ kam gurum nani mǝ laa bǝlǝp wubaan gǝ bii ndung mǝ man hǝ mou,, bi ndung mǝ man jar hǝ bǝ chin gǝ bi muop. 11 Wubis dǝ muop, wu mǝ muan ndok gǝwar kayilu mǝ bǝ ruhǝ ndǝgǝn wubaan nung Balamu wu kot kǝ pǝt mou. moe latbaan ndǝgǝn nianpe kora. 12 Gurum muop ndung gǝ nargu gǝpee bisǝ,mǝ sǝsǝ ndǝgǝn gu gǝ kaawaat mou. Me bi a dǝ kaashik muop dat, muop a wu ni jep kabi moup kabi ligin fan yigit ni nfan. Ndung bi kogom mang del gǝni, muop a wu ni jep ka bi wu muop getugus mou he. 13 Muopa kong wu bial gǝ dǝfil ndǝgǝn kaa waad, dagar ndung mǝ muan dok fu'u, kabi kwoo ndung mǝ chin den gǝ guwo hǝ. 14 A Nuhu laa Adamu wu pogovǝl gap dǝ laa kaa muop, yen " Gu naa", Nda nin wul gǝ kam muop kam nung gurum amuop wuret. Nin ji dǝ shep moen nau. 15 Nin ji dǝ yak muop ndung mǝ man Naan mau, muop moe chan jepee ndung gǝwar Naanmou, muop ndung mǝ man mou, bǝn moe la bǝlǝp wubis de Naan. 16 Muop a rogogopee, walmuut, ndung mǝ muan gǝdǝ mǝ muan gǝ bi wubis hǝ. Bi muop a wu bagal, bi mǝ dǝgǝr gurum muop dǝ kaasluk muop. 17 Gun mǝ shar nǝ gu diye bǝlǝp ndung dok jep lep Nda Yesu kristi moe la hǝ. 18 Mǝ yen, "wul shi lat gǝyil, mǝ suar gun gǝ mǝ kat pee chan jepe wudong bǝl muup" 19 A ndung hǝ gǝ tak kwali muop a nung gǝyil muop gǝ chellem mou. 20 Bǝn gun mǝ shar nǝ shar nǝ, muop yak kaa suk ndǝgǝn chan wuret mǝn gubǝn gu dang Naan ndǝgǝn chellem wuret. 21 Yak kaaasuk ndǝgǝn demnnung Naan mǝn gu bǝn gu tuaghat kang nashigir Nda Yesu kristi ndung gǝ pǝn nook gǝ gurum. 22 Naachigir kaa muop wubi mǝ tang kaa hǝ 23 Mǝ fat gǝ pak muop ndǝgǝn wus. Dǝ pak muop mǝ naachigir gǝ lǝgut. Mu mang lǝ wu dam shiishik muop. 24 Gǝdet hǝ ni ndung gǝ boot bǝ dǝn bǝlǝp agu mǝn chin bǝn dar gǝ gun nǝ tagan yon a muup nin bi wubis gǝ took pia gǝret. 25 Dǝ Naan gǝmee, wu shang mǝn ndǝgǝn Yesu kristi Nda mu, gǝ yong kǝ long, gǝ maaa dǝ kakgam, ntagam bi nau gǝ guwo. Mǝ ɗem ani.