Jing 9

1 Wu Yesu ni del, mǝn naa mee mǝ dagwo ndung vugum gǝshi wu mǝ lani hǝ. 2 Jep nsar muup muop mǝ nang fu muup, wushepee, a wu dang chin wubis e, a dagwo nhaa a mǝ la ni muop eh, ndung mǝ la ni nvugum. 3 Mǝn lap yen, dagwo nani dau gǝ mǝ la ni muop mee muop chin wubis mou, a dǝ ɓǝlang naan nin nɗǝgǝn kaa bi wu chin ni yii. 4 Dewar a hin ɓǝlang ndung anǝ yi gǝ fuus lepar ni wawul ndung megwo ndung gǝ boot ɓǝlang nani mou. 5 Din atong gwe gǝyil bǝ an a pee wusaan gǝyil. 6 nɗang kong Yesu la jepee muop mǝn twak zeel nyil,mǝ va'ar zeel afe roop gǝyil mǝn fas yit dagwo gǝni. 7 La dǝ muop, muan, gǝ vang nkang Siloom. Mǝn dagwo muan gǝ vang, mǝn wawul ni fu naapee. 8 tǝnglǝ muop gǝ gurum ndok mǝ man ni gǝ vugum, bi ni fu dang pee hǝ mǝ yen, gu na du kat a ni wujet bi tongdok fu dangpee eh? 9 Pak gurum mǝyen ani, pak gurum mǝ niang mǝn mǝyen bagal gǝ lap ni, mǝn ni lap yen ajin a dagwo nani 10 Mǝ nang fu muup, mǝn mǝ chin a nag mǝ ep yit gǝyee? 11 A dagwo nɗung mǝ yongni a Yesu hǝ ani var yil shi zeel afe mǝn mǝm yit nǝ a shik mǝn la dǝ nǝ, "muan akong Siluwam gǝ van mǝn a muan a vang, mǝn a kat napee. 12 Mǝn mǝ nang fu muup mǝyen de ni a nee? lap yen ji man mou. 13 Mǝn mǝ wakja gǝ dagwo nɗung Farasiyawa nɗung mǝ man a wu vugum hǝ 14 Dok a paa sati nɗung Yesu vaar yil ep yit muup yi. 15 Farasiyawa muup mǝ bǝn shin nang fu muup vwwt, kwot chin a nang napee yee, lap fu muup yen dǝk a yil yit nǝ mǝn a vang gǝdes hǝ an fu naa. 16 Pak Farasiyawa muop mǝyen, dagwo nhǝ tong a dǝ Naan mou, ni fu kang bit sati mou, pak muop mǝyen bit bǝ gurum wu chin boot dǝ nkam shi mǝbi kam ha, mǝn jigar ta gǝkang muop 17 Mǝn mǝ bǝn nang fu wu vugum gǝ fu la amee kǝ gurum nɗung ep yit gǝ hee, mǝn yen ni a Anabi. 18 Dip kam hǝ mǝ muat nadung nkwot vugum afe gǝ napee nɗung kat hǝ mou. 19 Mǝ nang fu wu lani muop nhǝ a lagu ndok gu la nvugum nzak ha? Anang ni fu naa gǝɗes hǝ? 20 Wu lani muop mǝ lap mǝyen mǝ man lala nhǝ mǝ lani nvugum. 21 Ka gǝ bi nɗung ni fu naa gǝɗes hǝ, mǝ man mou, mǝgwo ep yit muup hǝ man ni mou gu nang fu muup, ni a la wucham mou, gǝ boot dǝ wu la bǝlǝp gǝ kaashik. 22 Mǝ lani muop mǝ la kam hǝ nsa mǝ luagat Yhudawa muop.Yahudawa muop mǝ mang fu muop nkǝ megwo nyen a Yesu Almasihu bǝ mǝ shang ni nɗǝgǝn pee lǝnaan a muop 23 A kam mǝn wu lani muop mǝyen, gu nang fu muup, ni fier gurum gwe. 24 Mǝ bǝn shin nangkaa wu vǝl, mǝ yong ni wudok a wu vugum mǝ yen gwa a app sar gwo nNaan. Mǝ man wugap dagwo nhǝ wu chin bi wubis. 25 Mǝn dagwo wu vugum lap fu muop a man mou, kwat ni a chin bi wubis hee bi gǝmee nɗung a man hǝ: dok an a wuvugum mǝn gǝɗes hǝ an fu naa. 26 Mǝn mǝ la dǝ muup,mǝn chin a mee gǝ gnee? chin a nang ep yit gǝ yee. 27 Lap yen naa la gwe gǝ gun hee, mǝn gu kǝlǝng he. Gu dem din gu wak a alajibi rai afe, a kam ha? 28 Mǝ agas ni mǝ yen, a gǝ a la lep afe mǝn a nung Musa. 29 Mǝ man Naan la ɓǝlǝp gwe dǝ musa mǝ man pee nɗung nhǝ pǝt nǝgǝn mou. 30 Dagwo lap fu muop gu yen guman pee nɗung tong nǝgǝn mou hǝ, mǝn ep yit nee 31 Mǝ man Naan bi lang kam dǝ kǝlǝng wu chan wubias muop me, dat kam hǝ mǝn megwo muat kaashik mǝn chin bi nɗung a ani dem, bǝ lang kom muop. 32 Mangshi wu myap gǝyil, jet mǝkat mǝgwo nɗung ep yit gurum wu vugum nɗung mǝ lani gǝvugum mou. 33 Ɗin mǝyen dgwo nani tong a dǝ Naan mou bǝ ɗin gǝ boot bǝ chin mǝbi mou. 34 Muop mǝ lap fu muup, "Dok mǝ la gǝ wagap a dǝgǝn bi wubis bǝ gǝ fu shee mǝn ha? Mǝn mǝ shang ni tak gǝbang. 35 Ndung Yesu kǝlǝng nkwot mǝ shang ni gǝpee waap a muop tak gǝbang hǝ mǝn kat ni mǝn yen,"Gu muot nadung nla Naan a?" 36 "Tap fu muup gǝ muot naduk nii hee" 37 Mǝn Yesu la dǝ muup nkwot "gǝ naa ni gwe," nani ndung ni fu bǝlǝp gǝ gǝhǝ". 38 Mǝn dagwo nani layen Miskagam a muat naduk, mǝn wapni. 39 Yesu layen a dǝ "shep bǝ, ji wul gǝyil a dǝ wu naa pee leng muop din mǝ naa de mǝ naa pee muop din mǝ wak wu vagaam? 40 Pak Farasiyawa muop wu din muop dǝ muup hǝ mǝn mǝ nang fu muup "mǝn nau a wu ragaan a? 41 Yesu la dǝ muop nkwo ɗin nuaa a wu vagam bǝ, ɗin nuaa gǝkwot gǝ bi wubis mou, mǝn gǝɗes hǝ gu la gu yen 'gu naa a kam mǝn bi wubis a gu de nshik gu.