Jing 7

1 Ndangkong jepe muop nhǝ Yesu muandok meet n-Galili tangkop din warǝ nJudiya mou nsa Yahudawa muop pǝ tangni dǝ tǝ. 2 Gǝ ɗes hǝ bii sǝ nnung riin ni duk. 3 Mǝ jep nǝgǝn muup mǝ la dǝ muup mǝ yen " Niet pe nhǝ mǝn gǝ muan nJudiya ɗepe njep lep agǝ muop mǝ na ɓalang wudung gǝ pǝ chin hǝ. 4 Gurum bii mǝ chin jepe nsok mou kat gǝtangkop ɗin mǝ man gǝyil gǝ pe wusaan. Nin gǝ chan jepe muop nhǝ, bǝ gǝ nin gǝsok ngǝyil. 5 Nsa wa mǝjepnǝgǝn muop mǝ pǝn naduk ni mou. 6 Yesu la dǝ muop yen "fuus anǝ waduk rǝ mou. De nǝmuk fuus agu a duk dat. 7 Nǝmuk gǝyil yong gǝniang gun mou, niang a an nsa a nin bǝdǝ ɓalang a muop a wubis. 8 Gu muan gǝpe bii sǝ. An ga muan mou nsa fuus anǝ warǝ duk mou. 9 Ndangkong wu la bǝlǝp muop nhǝ, dǝ mǝn ɗee nGalilee. 10 Mǝn mǝjepnǝgǝn muop mǝ muan ya gǝpe bii sǝ; wani zak yagal muan a gǝpe wusaan nsǝsok. 11 Yahudawa muop pǝ tangni gǝpe bii sǝ mǝ mǝyen "De ni ane?" 12 Mǝn lǝfuu bǝl gǝnaar gurum muopkaa muup. Pak gurum muop mǝyen "ni a gurum wuret " pak mǝyen "Hayoh, bii muan gǝ gurum gǝwar wuleng". 13 Nau gǝ kam hǝ, mǝn mǝ la bǝlǝp kaa muup gǝpe wusaan mou nsa lugat Yahudawa. 14 Wudung bii sǝ gap gǝnaar nchat hǝ mǝn Yesu muan ya nlǝnaan mǝn bǝm shepe. 15 Mǝn Yahudawa muop mǝkat a bǝlǝp wufǝ mǝn mǝyen "De dagwǝ nhǝ chin dak anang kat bii man gak anang? Ni muan biishe mou. 16 Yesu lap pǝ muop, "Biishe anǝ a nǝ maan mou, anung ni wudung lep an hǝ. 17 Gurum wudung muan gǝdǝ bii wuni jep hǝ, bǝ ni yong gǝ man biishe afe. Kwǝt tong a pǝ Naan hǝ kǝt a laa bǝlǝp a gǝ kaa shik hǝ. 18 Gurum wudung laa bǝlǝp a gǝ kaashik hǝ, gǝ tang a apsar nshik, de gurum wudung lapyooh gǝ ni wudung lep ni hǝ wupin ni gǝ naduk, mǝ wubis shi bǝt muup mou. 19 Dok Musa pǝn bii ɓyang ngun mou? Nau gǝ kam hǝ, gu kang bii ɓyang nani mou. Ana gu tang din gu dǝ an yeh? 20 Mǝn gurum muop mǝyen " gǝ gǝ Satan. 21 A wudung muop gǝwar tǝ gǝ eh? Yesu layen, a chin balang gǝme, mǝn gun dip gukat a bii wufǝ. 22 Musa pǝn gapdǝp ngun, (dok a shisar musa mou, dok a shisar mǝkǝgu) mǝn paa bit Sabbath ɓǝ gu gǝpdǝp gurum. 23 Din gurum lap gapdǝp pa Sabbath ɗe bii byang Musa dam yi mou, ɗe ana ɓǝ gu mang dǝfil yi gǝan nsa aya gurum awa gǝni a wu kagam dip paa Sabbath eh? 24 Gu shep-shep na shi yit mou, gu shep ashi wuret. 25 Pak gurum wu mǝ tuaghat Urishalima hǝ mǝyen "De ani wudung muop pǝtang dǝ tǝng hǝ mou?" 26 Nani pǝ laa bǝlǝp gǝpe wusaan mǝn mǝ laa bii gǝni mou. Mǝlong muop kwǝt gǝ mǝman nkwǝt ni a kristi. allam hǝ mou?. 27 Nau gǝkam hǝ mǝ man pe wuni tong nnǝgǝn. Kristi nani paa nwul, bǝ mǝgwǝ gǝman pe wuni tong nnǝgǝn hǝ mou. 28 Mǝn Yesu wal nnǝgǝn lǝNaan, gǝ shepe laa yen, "Gun dip gu man an mǝn gu man pe wu tong nnǝgǝn. An awul a gǝ kaasan mou; mǝn ni wudung lep an hǝ a naduk, mǝn gun gu mani mou. 29 An a man! nsa atong a dǝ muup ani lep an. 30 Mǝn muop dǝ wuya ni, mǝn mǝgwo bǝmni shi sar mou, nsa fuus afe warǝ duk mou. 31 Mǝn gurum gek ndǝgǝn muop mǝ pǝn naduk mǝn mǝyen, "De kristi naninwul ɓǝ chin bii kam wuma nhǝ pǝchin a? 32 Farasiya muop mǝ kǝlǝng gurum muop pǝ ɓis bǝlǝp ka Yesu. Mǝn long wudok muop gǝ Farisiyawa muop mǝ lep jep dugul dǝ wuya Yesu. 33 Mǝn Yesu layen "A kutni gǝ gun lafuus tildat bǝ awa dǝni wudok lep an hǝ. 34 Yong gu tang an mǝn gu kat an mou; pe wu ga muan hǝ, gu ɓoot pǝ wul gǝdǝ nǝ mou. 35 Mǝn Yahudawa muop mǝ la dǝshak "De dagwǝ nhǝ gǝ muan ane wudung yong gǝ mǝ katni mou eh? yong gǝ muan a dǝ muop wu nsǝng gǝnaar muop wu n-Greek mǝn nshe muop gǝ gree a? 36 A bǝlǝp mǝ wudung layen "yong gu tang an mǝn gu kat an mou; pe wu ga muan yong gu boot pǝ wul mou? 37 Gǝɗes hǝ, pa bit lat wuyoon nnung bii sǝ, mǝn wal yen "Gurum wudung amtǝni hǝ, ni wu dǝnǝ ji suwa. 38 Gurum wudung pǝn naduk n-an, gǝbii wudung bǝlǝp Naan laa yen, "kong nung am gǝ nook yong gǝ muan muan dǝgǝn bǝt gǝ". 39 La nhe aka chelem wudung gurum wu mǝpǝn naduk n-ni yong gǝ mǝkat hǝ; Chelem dok wul duk mou, nsa dok mǝ lap yoo n-Yesu dok mou. 40 Pak gurum muop wudung mǝ kǝlǝng nhǝ mǝyen "Naduk ni a gurum Naan. 41 Pak mǝyen, "Nhǝ a kristi mǝn pak mǝyen, "lat bǝ kristi tong nGalili a? 42 Kan nǝ ɓǝlǝp Naan nyen kristi yong gǝtong a gǝseen Dauda nung Bethlehem, pe wudok ni nnǝgǝn hǝ? 43 Mǝn gǝnaargurum gapshakwa nsa ni. 44 Pak muop din dǝgǝn yong gǝ mǝ ya ni, mǝn ba mǝgwǝ shen sar ɓǝm ni mou. 45 Mǝn jep dugul muop mǝ yokwul dǝ long dak gǝ Farisawa wu mǝ laa dǝ muop yen, "Wa nsa me guyok guwul gǝni mou eh? Jep dugul mǝlap yen, 46 Me mǝgwǝ jet la bǝlǝp gǝbii ni hǝ mou". 47 Mǝn Farisiyawa mǝyen, 48 Me melong muop mǝ pǝn naduk nya, wame Farisawa ɗak a? 49 Muop wudung mǝman bii ɓyang hǝ mou, mǝ bii gǝ dam muop. 50 Nikodemu, me mǝ Farisiyawa wudok wul dǝ muup gwe hǝ, la dǝ muop yen " 51 De bii byang amu yen lat bǝgǝ shep gurum nǝgǝ kǝlǝng pǝ muup gǝman bii wuni chin a? 52 Mǝ lap pǝ muup mǝn mǝyen "De gǝzak gǝtong a nGalilee a? Tong mǝn gu naa nkwǝt lalep bǝlǝp Naan yong gǝ pǝt a Galilee mou" mǝn gurum muop mǝ yok dǝ gǝpang a muop. 53 [Lat mǝn ko wuɗa wadǝr lǝ muup.