1 Nayong bǝzung gu nkat weel. Gu muǝt naduk nNaan, bǝ gu pǝn naduk Nau. 2 Dǝgǝn lǝ gak dat lǝ Ndaa nǝ. Din dǝgǝn nkwǝt a kam hǝ mǝu bǝ ɗin dǝgǝn a dǝ gu. An gǝwar waa dǝ waa a myap pee dǝgu. 3 Din a waa waa achin peengun bǝ a chin a sam sam a kok guna waa gǝni dǝsan deewar pee wu an nnǝgǝn hǝ bǝ gun zak nnǝgǝn. 4 Gu man war pee wu a waa a yaa nnǝgǝn hǝ. 5 Thomas laa dǝ Yesu yen "Miskagam, man pewu gǝ dǝ muan hǝ mou, ɗee nlat bǝ mǝ man war a nǝnang ashik eh? 6 "Yesu laa yen " An a war, gǝ naduk, gǝ kagham mǝgwo gǝ wul dǝ Ndaa.mou, bagal bǝ bat a war nǝ. 7 Din dǝgǝn gu man an, bǝ din gu man Ndaa zak. Gǝdes hǝ gu man ni mǝn gu bǝn gu nani. 8 Philip laa dǝ Yesu yen Miskagam, nyi Ndaa nmǝn, kam hǝ bǝ yoon mǝn. Yesu laa gǝ nii "sǝm bǝdok an gǝmee gǝgun yi bǝ jet gǝ man an mau, Philip? 9 Gurum wu naa an ɓǝ naa Nda. Shee dak a nang gǝ yen "kam Ndaa nmǝn eh?" 10 Gu man nkwǝt an gǝ Ndaa mǝn ndǝgǝn sumo? bǝlǝp wu a laa a pǝn gun a laa gǝ ɓal a nǝ mou, a Ndaa ndung ni ndǝgǝn nǝ hǝ ni fu chin ɓalang a muup. 11 Pǝn naduk Naan ka wu an ndǝgǝn Ndaa, bǝn Ndaa ni ndǝgǝn nǝ, ɗagat bǝ gu mwǝt naduk nɓalang muop nashak. 12 Naduk, naduk an a laa gǝ gun, mǝgwo wu ɗem bii wu an fu chin hǝ ɓǝ yong gǝ chan jep pee wu an fu chin, ni maa yong gǝ chan bii wu maa nhǝ nsaa an dǝ wa dǝ Ndaa. 13 Dip jepee wu gu dang ndǝgǝn sǝm nǝ hǝ bǝ a chin ngun dewar 14 Ndaa lap piap yi ndǝgǝn laa muup. 15 Din gu nang bii nau ndǝgǝn sǝmnǝ, ɓǝ a chin ngun. 16 Bǝ a ɗang Nda ɓǝ pǝ ndee wuzuan pee dewar nni lang gǝ gun gǝgwo yi. 17 Chelem nung naduk. Gǝyil ɓoot lap ni mou nsaa naa ni nsa ni ndǝgǝn gu, yong gǝ bǝ nlang gǝ gun. 18 Yong a bwǝt gun dat gǝ kasuk mou. A bǝn a wul dǝ gu. 19 Dee lee bǝ gǝyil kat an mou, dip dat, gun gu naa an. Nsaa an a lang dok, gun zak. 20 Paa ɓit nani bǝ gun gu man nkwǝt an dǝgǝn Nda nǝ, dǝ gun zak ndǝgǝn nǝ bǝn an dǝgǝn gu. 21 Gurum wudem bii tǝt a nǝ mǝn yak muop hǝ ɓǝ ni a wu dem an, ɓǝ Nda nǝ ɗem nii hǝ an zak a ɗem ni, a niin kasan yi nni. 22 Judas (wu a Iscariot mou hǝ) laa gǝ Yesu yen, " a waa me, gǝ niin kasak a nmǝn dat de gǝyil nɗee eh?" 23 Yesu lap kaa yen " Din mǝgwo a ɗem an ɓǝ ni gǝ chin bii tǝt a noe. Ndaa nǝ yong gǝ dem nii, mǝn mǝ wul dǝ muup mǝn mǝ myap lǝmu gǝmǝ gǝni. 24 Gwǝ wu nyang an ɓǝ yong gǝ chin bii-tǝt a nǝ mou. Bǝlǝp wu gu kǝlǝng hǝ a an hǝ laa mou, tong a dǝ Ndaa ndung a ni lep an hǝ. 25 A laa bii muop nhǝ gǝ gun wa an a tong a dok gǝmǝgǝ gun. 26 Gurum wu zwan pe chelem wuret ndung Ndss yong gu lep gǝ ni ndǝgǝn sǝmnǝ hǝ yong gǝ shee gun gǝ jepee dip mǝn nbǝn dyee gun gǝ jepee wudok a laa de gu hǝ. 27 A nyit fun gǝ tuaghat chagap; a pǝn tuaghat chagap a nǝ ngun. A pǝn a kat gǝ bii ndung gǝyil gǝ pǝn hǝ mou. Naayong gu ndam, bǝn gu bǝn gu naa yong gu yigil tuaghat. 28 Gu kǝlǝng bii wu a laa dǝgu hǝ, An dǝ waa yong a bǝn a wul dǝ gu. Din gun a wudem an bǝ ɗin bǝzung gu npya nsaa an nwaa a dǝ Ndaa ndung a ni a wumaa an hǝ. 29 A laa dǝ gu gǝdes nhǝ shee yi ntaa, ɗewar ba shee ntaa bǝ gu pǝn naduk. 30 Shee dee a laa bǝlǝng gak gǝ gun mou, nsaa long gǝyil nhǝ ni nwul. Ni gǝmee mǝ ɓaal kaa nǝ mou. 31 Mǝn deewar gǝyil man yi nkwǝt Ndaa dem an. An fu chan wagap a bii wudok ndaa biang pǝn an hǝ. Nyit daghat mǝ yigil mǝ nyit pee nhǝ.