1 Ndangkong bit sar-kafeer mən a chin aka shizak a ya Jerusalem gə Barnabas. Mən a muan gə Titus gədə gəsan. 2 A muan nsa Naan nin mən a den ntagam bələp Naan wu an pə la hə gənaar məzep muop. A laa bələp gəjong də muop wu gəye muop a mənan hə də yong ba məyen an a gəwar yak mən a yak a baandat. 3 Mən gə Titus, wu dok ni shi bət nə hə dok nia Greek, dok mə la gap dəp muup mou. 4 mə jep aməngən wu waram me lara nsok nsoek mə lən dyam də na pere wudung mə muat nmən ndəgən Yesu Kristi hə. Mə tang mən mə. wak a kurum. 5 Mən muat ka muup nmuop wa lani til dere pin na duk nung bə lep wuret ntong ndəgən muop mou. 6 Muop wu dok mən na bə mə kat a dun a wuret hə, dok mə kat dun a nang a shik he a mə bii də nə mou. Naan bii gə nin pən yit mou muop wu a yen a muop a wuret hə, mə dək me mə bii n' an mou. 7 Mə gan nde, mə kat an kan mə pən bələp Naan a də muop wu mə nsud muop mou, gəbii wudok mə pən bələp Naan Peter a də muop wu mə kwap dəp muop. 8 Nsa Naan, wu chin bəlang n' Peter hə də muop wu mə kwap dəp muop, ani zak chin bəlang an də mənjong muop. 9 James, Cephas John wu dung mə dyamdok a shep ya yal mə man wuret wudung mə pən n' an mən mə pən sar dasə nung kang gəshak n' Barnabas gə an. mən mə dem kwət yong mə muan də wujong mən mə muan də muop mə kwap dəp. 10 Mən mə tangkop din bii mə dye də wupya muop, abi wudok a tangkop chin a chin ani hə. 11 Wudung Cephas muan n' Antioch, anyen gə ni nsa war afe ni dik. 12 Ndung she mə gurum məwul də James, bə Cephas dok bii gə səsə mənjong muop. Mə gurum muop nhə məwul, mən bəng shi gə mənjong moup. Dok ni pə lugut muop wudung mə tang a kop kwap dəp hə. 13 Mə gogot gəshang Yahudawa muop mə muan gədə fanpe nhə. Mən Barnabas chin muan gədə fənpe a muop. 14 A na akat pə chan jep a muop wa gəpə war Naan wuret mou nung naduk, mən a laa də Cephas dəyit muop dip, "De gə kwət a Jew, mən gə lang gəye məzep, a gəbii Jew hə mou, bə gə chin dak ana gə yagə ka məzep mə yok Jew yep. 15 Mən gə kasun mə ɓak mən a Jews, a məzep mə pyan bii wubis mou. 16 Mən mə man Nkwət memə gwə pət wubis shi balang nung shep mou, a shi pən naduk n' dəgən Kristi Yesu. mən zak mə pən naduk ndəgən Kristi Yesu de mə vang mən yi ndəgən naduk n Kristi Yesu, a nung balang bii den mou. Də nkwət a nung bii chin mə megwə gə pət mou. 17 Nsa din mə tang fat də mə yok nung Kristi, mən zak dok mə kat mən gə wubyas, de Kristi a wupin bii chin wubis a? Dip -dip a kam hə mou. 18 Nsa din a chin adik bii wudok a rugub gwe, mə awa wudok an a wudədam gwe. 19 Ndəgən bi den an amumuut nung bii den, de n' an awa wugənook yi də Naan. 20 Dok mə kwak an gə shep-bet gə Kristi. chin a an shizak gə nook mou, a Yesu ni gə nook ndəgən nə. Nook wu an gəni gəɗes hə nsan alang ansa pən naduk n' laa Naan, wu ɗem'an mən pən gəshik wa n'an. 21 A dem chindong Naan gəjong mou, nsa din bii məkat wuret Naan a shin kang bii ɗen, bə wawu Kristi muut a baan dat!.