1 Bii ran nhǝ tong agǝpee nǝ miskagam mwan nsar namat dung mǝ mang ni demyit muup hǝ, ni nau gǝ jep muup muop ndung a dem muop shi naduk hǝ, an dat mou nau gǝ muop ndung mǝ man naduk hǝa. 2 Wa nsaa naduk ndung tongdok dǝgǝn mu hǝ bǝn yong gǝ tong gǝmǝn gǝgwǝ, 3 Chindong gǝ nachigir gǝ tuagat chagap nung Ndamu Naan, gǝ la laa muup Yesu Kristi ndǝgǝn naduk gǝ dempee. 4 Took nǝ piya badǝn wa nsaa pak jep muop mǝ mwandok nɗǝgǝn naduk kan gǝ bii ndung waar na ni tong pǝt fu Nda hǝ. 5 Gǝdes hǝ a dang yi wa nsaa a yil a waar wu fuo mǝu, a bii ndung yi man gwe shideel hǝ laa yen mǝ dem sun. 6 Aɗempeenani, kat yen mǝ mwan mwan ndǝgǝn waar afe, waar nani a kan gǝ bii ndung dok yawar gu kǝlǝng hǝ, gu mwan mwan ndǝgǝn afe. 7 Guna na gǝt wu gǝn pee muop mǝ fuat gǝyil, amuop ndung mǝ demy Yesu sam a ndǝgǝn swǝpshik mou. Ndung hǝ a wu gwan pee wu kass Yesu laNaan. 8 Gu na kaa suk yong jep bii muop nau mǝ leng gun ndung mǝ yawar mǝ chin bǝlang dǝ muop hǝ, akam dewar gu kat kopgǝshii yi. 9 Gurum wu gǝ chin bii wubis mǝn dem mwan gǝwar bishee Kristi mou bǝ ni gǝ Naan mou. 10 A gurum ndung tong gǝ war bishee nani, ni gǝ laa gǝ Ndaa nau. Gurum ndung wul dǝ gu mǝn kwǝt gǝ bishee wudik bǝ gu lap ni lǝgu mou zak bǝ gu kaat ni mou. 11 Gwǝ wu kaat ni bǝ chin pak bii wubis afe. 12 An gǝ nagǝt bii dǝ yil ayi mǝn a kat ran gǝ am dugul yong gǝ mang lat mou. A diye dewar a wul yi bǝ mǝ laa bǝlǝp nyit zak bǝ took mu piya. 13 Jep emning ndung mǝ pǝn muop hǝ mǝ nang yi.