¹ Nit daghat muat maa wu pinlǝ dǝ kǝrǝm muop ni tong a biwu kǝr. Mǝ chin kam hǝ dewar nsǝm Naan gǝ bii shee yong waa bii wubaan. ² Kǝrǝm muop ndung pinlǝ amuop a gurum wu muat naduk bǝ mǝ kǝlǝng muop nsa muop a mǝ emnung. Ndee a kamhǝ mǝ chin bǝlang Naan dong din mǝkat kopgǝshii bǝlang amuop mǝ bǝn gu laa gǝ saanpee. ³ Kat mǝgwo nshee bii wuɗik n nkwot gǝwar nung miskagam Yesu kristi gǝ bi shee nung Naan mou bǝ. Ni a wulugap bǝn man mǝbi mou. ⁴ Ni a gurum ndung gǝ endye roop gǝ bǝlǝp bagal nung wul gǝ na laa gǝtak weel, gǝ agaspee de dogoorshak wubis. ⁵ De jagar shibit, gǝkong gurum muop ndung muop gǝ endye vogom gwe hǝ. Mǝ dilǝn shi naduk, mǝ naa mǝkat war Naan a pee kat shagal. ⁶ Man Naan gǝ duk bii ndung gǝ gǝni hǝ ni gǝ gǝt pǝt. ⁷ Nsa dok mǝ wul gǝyil gǝ mǝ bii nnǝgǝn mou. ⁸ Ndee akam hǝ bǝ sǝ muop gǝ lee ndung mǝ miyan hǝ yoon mǝn. ⁹ Gurum muop ndung mǝdǝm dǝ wak a wulong bii mǝ ruah nbii wubias de ya ruah nguwak. Bii mǝ ruah nbii yogoor de bii ndung gǝ yong gurum muop ntak gǝwar kyen de dam yi hǝ. ¹⁰ Nsa dem shagal a tugus biwubis. pak gurum muop ndung mǝ dem hǝ mǝ kyem gwe gǝ muop de kǝ war naduk mǝ bǝn bianshik muop ntookdam. ¹¹ Gǝ, gurum Naan, gǝ yak fu jepee nhǝ muop. Gǝ sǝwu gǝdǝ bii wu kwot gǝtǝng, gǝ man Naan, gǝ muat naduk, dempee, gǝ mogoor muut de muan gǝkang. ¹² Lek lek wuret nung muat naduk. Gu yaa katpee kǝbǝtǝng ndung mǝyong mǝn a kwat hǝ, dau gǝ seer bii wuret dǝyit gurum. ¹³ An fu muat fu bǝlǝp gǝdǝn nhǝ ngun ntagam Naan ndung nni muat nook n jepee muop dip ntagam Yesu kristi ndung. Seer naduk ntagam Bilatus Babunti hǝ. ¹⁴ Gu kang ɓǝlǝp gǝden yong mǝ bii dee ya dogor nǝm dewar gǝ mǝ naa wul miskagam amu Yesu kristi yi ¹⁵ Naan yong gǝ nin ni kristi nwul gǝpee afe-Naan, wuret gǝ lang a kǝ long wu yaa yil de miskagam wu kang kaa yil. ¹⁶ A nidat ni a muut muut mou ndung ni gǝpee wu saan ndung mǝgwo gǝ naa ni dee ntaa boot bǝ naa reen muup yi mou. Dǝ muup mǝ muat fǝmaa de pǝlat. Mǝdem ani. ¹⁷ Laa dǝ muop wulong yong mǝ luagap gǝ bii long ndung a bii dar ashik mou hǝ. Nde a kam hǝ bǝ mǝ den enmuop a dǝ Naan. Ni muat long naduk nmǝn dewar mǝ sǝ yi. ¹⁸ Laa dǝ muop hǝ mǝ din bii wuret, long gǝ kwot a chin bǝ lang wuret de muat bii ngurum gǝ gap dǝgǝn jepee. ¹⁹ A dǝgǝn war nhǝ yong gǝ mǝ chin kǝgǝn kuguur bi wuret ndung langdok nwul dewar mǝkat bii naduk yi. ²⁰ Timoti, kang kaa bii wudok mǝ muat gǝ. Gǝ nook bǝlǝp man hǝ. ²¹ Pak da'as muop laa jepee muop nhǝ dip mǝn mǝ kyem n muat naduk.