¹ Paul la a nsar Yesu kristi ndǝgǝn bii gǝden Naan wu shangmǝn dee Yesu kristi ndung ani a endye. ² dǝ gǝ Timoti ndung a laa naduk ndǝgǝn muat nadung: katpee, nachigir dee tughat chagap nung Ndamu Naan ya laa muup Yesu kristi. ³ Bii wudok a laa bǝbal dǝ gǝ wa gǝdǝ muan makidoni a yen gǝ dar Afisa yanba pak gurum muop mǝ shee meemǝbi wudik. ⁴ Nayong mǝ diem dǝ kǝlǝng giyee dee bǝlǝpbagal nianglat. A muop bii mǝ wul gǝ bǝlǝp bagal deekǝ tǝpmuop nbǝlep Naan ndung ani a muat naduk. ⁵ Gǝdes hǝ, dǝ warǝ nbǝlep gǝden Naan bǝ, a dempee wu saan shi bǝzǝng, gǝ enɗye wuret, ndǝgǝn muat naduk. ⁶ Pak gurum muop mǝ muan kyep gwe mǝ muan gǝ dǝ bǝlep wubaan. ⁷ Mǝ demɗin mǝ wak a wupiin biishee nung bǝlep gǝyil, mǝn mǝ man bii ndung muop fu laa, dee y diem a shik mou. ⁸ Dip mǝ man bǝlep fumang ni a wudong kan gurum chin bǝlang gǝni gǝwar afe. ⁹ Mǝn a wuman nkwot bǝlǝp fumang bi mǝ den a dǝ gurum wuman Naan muop mou bi a dǝ wu niang jepee muop, gǝ wubakpee muop, wuniangNaan dee wuchan bi wubias mou dau gǝ muop ndung bii mǝ roop long hǝ, dee muop wudok mǝ tuuwo Nda muop gǝ mǝ nagan muop, dee mǝ tuuwo pee muop. ¹⁰ Adǝ wu koor muop gǝ chet shak muop, gǝ mǝ nas kwolǝp muop dǝ kǝrǝm, dee wu wuram muop wu lap gǝdǝ bi wubis muop, dee dip bii ndung anung dar gǝwar bǝlep man Naan hǝ. ¹¹ Bii ndung an fu nin ngun hǝ a nǝgǝn kat yoon kǝ bǝlep afe gǝ wuret Naan ndung den n'an hǝ. ¹² A ɗǝkyil Yesu kristi miskagam amu. Ani nin n'an nsa mang an a wu muat naduk bǝn shin pǝs an dǝ chin bǝlang. ¹³ An dok a wu fuanpe a kǝrǝm, a gurum wu tang lek. Dou mǝn a lap nachigir wa nsa dok bii s chin a kǝ man leng gǝ rǝng lap bǝlep Naan. ¹⁴ Mǝn yoon miskagam a mu gǝ wadat voor gǝ muat naduk gǝ dempee nung Yesu kristi. ¹⁵ Bǝlep lep ndung gu kǝlǝng hǝ a naduk bǝn a bii lap dem dip nsa Yesu kristi dok sam gǝyil a dǝ wu chan wubis muop. A an a wu bis ndǝgǝn muop. ¹⁶ Akam hǝ mǝn muat yoon n'an dewar a shi nǝ, bǝ man Yesu krist niin yashik afe yi dip. Chin kam hǝ a dǝ kam war ngurum muop ndung mǝ muat naduk nni dǝ warǝ kǝbǝtǝng. ¹⁷ Gǝdes hǝ, Long ndung mǝ dǝleng, gǝ wu kagam ndung muop nsok, ni Naan gǝmee mǝ muat maa gǝ saampee gǝgwoo. Mǝ dem ani. ¹⁸ An fu den bǝlep den a ngǝ Timoti, laa nǝ, nwar gǝmee kǝ bǝlep wudok mǝ laa gwe kaa gǝ. nkwot yong gǝ lek lek ndung a lek wu saan kǝ yaa muat naduk dee lǝ en wuret. ¹⁹ Ndǝgǝn niang nhǝ pak gurum mǝ rǝ'em muat naduk a muop. ²⁰ Kabi Himinadus muop gǝ Iskandari a ru an shetan nmuop dewar muop mǝ nook chin bii wu baan hi.