Jing 1

1 Paul, Sila gǝ Timoti dǝ gurum Naan muop nTasalonika ɗǝgǝn Ndaa mu Naan gǝ Nda gǝtǝng Yesu kristi chindong gǝ tuaghat chagap dǝ gu. 2 Mǝn fu dǝkyil nNaan zǝm waa gun, mǝ yong sǝm gu ndǝgǝn dang naan amu zǝm. 3 Bii gǝ diye gǝ gun ntagam Naan gǝ Nda kǝ bǝlang naduk, muutlaa nung kam dem, tǝn bǝzung gǝ mogor muut gǝ ɗen en ndǝgǝn Long amu Yesu kristi. 4 Mǝ jepnaa muop wu Naan ɗem muop hǝ, mǝ man a ni kok guni. 5 Nsa bǝlǝp Naan dok wul ngun a ndǝgǝn bǝlǝp shi fu mou, a gǝ ɓal ndǝgǝn chellem gǝ ɗem nnung naduk. Gu man tuaghat mu wudok Gǝ gun hǝ a gǝtap gu. 6 Dok wagu dee wu mang shi muan amu gǝ long amu Yesu, gu lap ɓǝlǝp gǝ muutlaa, tǝgǝr chin dip gǝ tookpya nung chellem wusǝsaar. 7 A waa nni gu dee a bii naading dǝ gurum muop dip wu mǝlap naduk hǝ nmakidoniya gǝ Akaya. 8 A nwaa gun bǝlǝp Naan yagal warǝ bǝchep yil yi dip. Waa nsaa kam hǝ mǝn gǝ bii laa a kaa zak mou. 9 Muop fu laa bǝlǝp kaa tuaghat a mu gǝmee gǝ gun, gǝ bat wu gu bat gu wak dǝ wu wap Naan wupin tenglang gǝ Naan naduk hǝ. 10 Mǝ laa mǝ yen gun fu kang a wul laa muup ndung kǝbǝtǝng, wudok yagal ɗǝgǝn wudǝdǝm muop hǝ ani a Yesu wu pǝn tǝgǝn muup gǝtapmu ɗeewar nni gong fu ɗǝ fill wu ntagam hǝ yi.