¹ Wu shideel mǝ kat mǝ kǝlǝng, mǝ naa gǝ yitmu, bǝn sarmu ɓǝm nnung ɓǝlǝp tenlang. ² Nau kam hǝ mǝ nyin tenglang nani, bǝn mǝ naa, mǝn mǝ tǝgǝr mǝn pǝ laa gǝ gun tooklang. Wu dok ni gǝ Nda hǝ, ndung mǝ nyin nmǝn hǝ. ³ Wu mǝ bǝn mǝ naa, bǝn mǝ kǝlǝng hǝ mǝn zak mǝ laa gǝ gun, ɗee gun zak gu jaa mǝ kang kaa sun mpee gǝme gǝ gun. Kangkaa sun pee gǝme a gǝ Nda, gǝ laa muup Yesu Kiristi. ⁴ Nau kam hǝ, mǝn pǝ yil jepee muǝp nbǝ ɗewar ntokpiya a mu warǝ yi. ⁵ Nhǝ ni a lep ndung mǝ kǝlǝng fumuup. Mǝn pǝ laa ani gǝ gun. Naan ani pee wusaan, bǝn gǝpee muup kwoo nnǝgǝn mǝn. ⁶ Ɗin mǝ yen mǝ kangkaa mu gǝni mǝn mǝ bǝn mǝ muan dok ɗǝgǝn kwoo bǝ mǝn pǝ wurum, bǝ mǝn pǝ chin a naduk mou ⁷ Ɗin mǝ muan dok ɗǝgǝn pee wusaan ka gǝ bi ni gǝ pee wusan hǝ, bǝ mǝ kangkaa sun dip bǝ tǝgǝm Yesu laam mup vang wu bis amu dip. ⁸ Din mǝ laa mǝyǝn mǝn gǝ wu bis mǝn bǝ mǝn pǝ fǝn sun, bǝ naduk ni wu bis mǝn mou. ⁹ Ɗin mǝ seee wubis a mu, ni a wupin naduk bǝn ni gǝ ni gǝ naachigir dǝ vang wubis a mu dip. ¹⁰ Din mǝ yen men gǝ wubis mou, bǝ mǝ yen nia wuwurum bǝ bǝlǝp a muup ni noǝgǝn mu mou.