1 Kobun ere ke eche eba tebun uten re etkimbe bra, e kya igyi na ehwe ra vo ambi isi. 2 Kobun ere aken eti foa enye ugyen'a, eti muo usia, eke enye bagyen etsu ufuu mbe, kedow etki ke enyehwe kata. 3 Kaiswenabi ben ifu te eba tku gia aken'a re etki kike. Ifu kinzi ka teabin uswimbe ambi skiska re echonmbe igyi. Ifu hwe nken ambi siggyo re nfo. Ifu ra se igyimi ira ze udi. 4 wi itoshi mbe Ukachan na fkazi re chon mbo etki enyhwe oma, 5 voa etki aten na kikye i voa, etki ena isimbo a fkazi. A fkazi nken mbe ena sakikye na eghanuchi mbakyai re na sakikye mbe Nvun na kikye. 6 Ukachan sesibo iri Nvun na kikye kagi-ine nken YesuKrisiti na fkazi ma. 7 A vo ino ke na akpekpuri etki ena isi mbo akpu ghan aji-efen mbo bra nken utsu tite mbe etki tsutsu. 8 Ichun hwen hwe uzwen. Nchon nna yon aken re kefugi etki ambi ten, ke eba nyan ke Ukachan hwe ma e mbe ikube te azwi aten isi na hwe ikswen mbe ma. Ambi ten si ake enyhwe kata. 9 U che usi sisi re enukpi re aji reaken gyugyu etki mbe udon. Ambi tenvoa ambi isi na ra mbu aso ikiswen'a. 10 Se enye na ra koetki mene, utoa udon afkan ugyen a'u ifan, 11 ugyi aken uswi enye na bure hwen tobighan nyifun kere uzwen ara vo re ambi sigyo re na a vo ji to re etki gyo. 12 Atan nkun Artemas a'u Tichikos so azwi mboma, re muine ubo azwi mi Nikapolis, azwi ntku utsu nna hwe mu ugyiohu wen ma. 13 Tkan uka tkun Zenayas, na gyi udon, re Apollos, ke eti donnia ambi ugyen. 14 Eba idimi ehwan azwi eravo ambi isi na ra koatsu ambina era don era vo nmuine ke eti hwa eba teri iswen'a. 15 kata mbe eba ni te ma ra be'u. U be eba ra chon akenmi nken uzwen. Na isi are ene hwe igigye kata mene.