1 Na tku nyon abine be-uvgini bra, re nigyi itoshi mbe Ukenchan, u mbe egyi mbu ke zi ena uffi tken tken na kikye, na Ukenchan ra kpe.Na wen aten sisi mbu na u ra vo. 2 Ti to egyu ke wa ambi efuute ate, u ke so ikiswen, ke kube mbu a ka fifi so. vo ambi hwen ke u gri ambi na'isi, re ambi na Ukenchan kpe ambi re ikube ugyen. 3 Re ngyi itoshi na ede a me ma, nyon a she a bineh kata. Ti de wa itki egyu zi e na u tkan e ba ufi ma, a bu utku ke udegyi aken Ukenchan ke eyenuhwe uzwen siso mbi re ikyo-kyo. 4 Egyi mbi wen te ibwo-ibwo, bwo ten tere aten mbe re ikyo-kyo. 5 Re ufu na imi wen, abi ite fkire egyi mbe Yesu ugyen, ibwo ten bo ken te egyi mbe Yesu. 6 Ite re abgu aten ite-ite azwi ke abgu aten mbu hwe ena ura nyon ambi na ra vo ikpii, vo dge azwi uzwen siso na e mbe ku ma, 7 Ke eyen ugyen abgu aten mbo hwe e na a vo aten ke Ukenchan, a vo dge ino. Ke eyen ugyen aten mbo hwe e na a hwan ambi, a hwe hwan. 8 Ke eyen ugyen aten mbo hwe e na a nyon zwen eyen hwe ikubi, a vo ino. ke eyen ugyen aten mbo hwe ambi kike, ake sisi ine. Ke eyen ugyen aten mbo hwe e na a tebun e ba dan ma, a tebun reutsu egyen. ke aten mbe eyen ugyen hwe nigyi itoshi di da,a vo ino re utsu tenten. 9 Ni ke echon mineh a ti hwe'a e migyi. Ni se ambi sigyo, ni tebun mbe ambi sisi hwe. 10 Ambi tke re echon mbe be-vgini, ni chon egye ine sisi ine. Ambi na tkere efo ni ke egye ne efo sisi ine. 11 Ena, tkere ambi dundon, ni ti tkan n na ntkan'a E na tke re nvun, ni chon'a. E na tke re imbi-idi ni vo aten mbo. 12 Ni ten utsu, ni zwen ikube nken idzu, foufo reikube egyen. 13 Nivogyi eyen mbe Ukenchan ba kikye. Don ufu na u ra vo ambi sisi. 14 Vo ambi sisi ke eba ize mbu, vo e na sisi ti vo zwi wa. 15 Ten utsu re eba ra ten utsu, eba ra chen agyen, u chen gyi ere. 16 Ni ke ikube mine a te ugyen. Ni te dne n na egyi, ni kpe mbe eyen ra kyen etki iki hwe. Ti de wa itki egyu zi e na ugha tkan eba ufi. 17 Ti kpa wa ekpo ambi sigyo re ambi sigyo.Vo ambi sisi ke eyen uhwe ede. 18 Ke uki'a kpe idno, u hwe gyen-gyen re eyen hwe kata. 19 Ti kpa wa ekpo ambi sigyo, to ke Ukenchan a tsun uwon mbo. E mbe ba hwe iki, "Ekpo ikpa hwe e nami, nkpa'a ke, imbi-idi nyon asi." 20 "Ke ude aken umga ra bwan eyen izi mbu, ka ui. Ke uhwanu ma ra bwana, ke'a enuben a vo.Ke uma vo ino, u mbe ufi ba ra re itki." 21 To ke ambi sigyo a kpu ji mbu'a abu u kpu ji ambisigyo re ambi sisi.